- ચાર્જશીટ ફાઈલ કરવા માટે કોર્ટે વધુ સમય આપેલો છે - સરકાર
- અમદાવાદ (જિલ્લા) ગ્રામ્ય કોર્ટમાં સ્થિત ગુજસીટોકની ખાસ અદાલતે ફગાવી દીધી છે
- ચાર્જશીટ સમયસર ફાઈલ થઈ ન હોવાથી ડિફોલ્ટ જામીન અરજી મંજૂર કરો - અરજદાર
ઈસ્લામ વિશે સોશિયલ મિડીયામાં વિવાદાસ્પદ પોસ્ટ મુકનાર કિશન ભરવાડની 25 જાન્યુઆરીએ હત્યા થયેલી અમદાવાદ ઈસ્લામ વિશે સોશિયલ મિડીયામાં વિવાદાસ્પદ પોસ્ટ મુકનાર કિશન ભરવાડની ધંધુકામાં ચાલુ વર્ષે 25 જાન્યુઆરીએ હત્યા કરાઈ હતી. આ કેસમાં આરોપી મૌલાના ઉમર ગની ઉસ્માનીએ કરેલી ડિફોલ્ટ જામીન અરજીને અમદાવાદ (જિલ્લા) ગ્રામ્ય કોર્ટમાં સ્થિત ગુજસીટોકની ખાસ અદાલતે ફગાવી દીધી છે.
અરજદારના વકીલની રજૂઆત ગુજસીટોકની ખાસ અદાલતમાં અરજદારના વકીલની રજૂઆત હતી કે, આરોપી છેલ્લા 101 દિવસથી જેલમાં છે. આ કેસમાં ચાર્જશીટ તેના નિર્ધારિત સમયમાં ફાઈલ કરાઈ નથી. જેથી, અરજદાર ડિફોલ્ટ જામીન અરજી મેળવવાને પાત્ર બને છે. અરજદાર એ ઉત્તરપ્રદેશમાં તેના દર્શાવેલા સરનામે રહે છે અને તે ક્યાંય પણ ભાગી જાય તેવી કોઈ સંભાવના નથી.
અરજદાર કેસના તપાસ અધિકારીને પુરતો સહયોગ આપવા માટે તૈયાર છે, કોર્ટ જે પણ શરતો રાખશે તેનુ પાલન કરવા માટે તે તૈયાર છે. ખાસ સરકારી વકીલની રજૂઆત આ કેસમાં આરોપીની ભૂમિકા છે, તે સંગઠિત ગુનાહિત પ્રવૃત્તિમાં સંડોવાયેલો છે, અન્ય આરોપીઓ સાથે મળીને ગુનો આચરેલો છે, આ કેસની તપાસ હજુ પૂર્ણ થઈ નથી, ગુજસીટોક કાયદાની સેક્શન 20 હેઠળ ચાર્જશીટ ફાઈલ કરવા માટે કોર્ટ પાસે વધુ નેવુ દિવસનો સમય માગવામાં આવેલો અને કોર્ટે ચાર્જશીટ ફાઈલ કરવા માટે વધુ 30 દિવસ આપેલા છે.
જેથી આરોપીને ડિફોલ્ટ જામીન આપી શકાય નહીં, આ ઉપરાંત, ખાસ સરકારી વકીલની રજૂઆત હતી કે, આરોપી અરજદાર એ તેહરિંગ ફ્રોન્જ ઈસ્લામની સ્ટાઈલથી એક સંગઠન ચલાવે છે. આ સંગઠન એ ઈસ્લામ ધર્મ વિરૂદ્ધ ટિપ્પણી કરનારાઓ પર હુમલા કરે છે.
અરજદારએ રેડિકલ આઈડિયોલોજી ધરાવે છે. અરજદારની ધરપકડ 30 જાન્યુઆરીએ કરાઈ હતી અને 16 ફેબ્રુઆરીથી તે જ્યુડિશિયલ કસ્ટડીમાં છે. ગુનાની ગંભીરતાને જોતા અરજદારની ડિફોલ્ટ જામીન અરજી ફગાવી દેવામાં આવે. કેસની વિગત 25 જાન્યુઆરી, 2022ના રોજ ધંધુકામાં બે અજાણ્યા બાઈક સવારોએ ગોળીઓ મારીને કિશન ભરવાડની હત્યા કરેલી. બાદમાં આ કેસની તપાસ એટીએસને સોંપાયેલી અને પછી એનઆઈએની ટીમ પણ તેમાં જોડાઈ હતી. આ કેસમાં એટીએસ દ્વારા કુલ નવ આરોપીઓની ધરપકડ કરેલી છે. આ હત્યા કેસની તપાસ દરમિયાન કેસનુ જોડાણ પાકિસ્તાન સુધી બહાર આવ્યુ હતુ.
