ગીર ગઢડાના ઝાંખીયા ગામ વચ્ચે દૂધ ભરેલો ટેમ્પો પલટી ખાતા ટેમ્પોમાં સવાર અનેક વિદ્યાર્થીઓને ગંભીર ઇજાઓ પહોંચી છે. દૂધ ભરેલ ટેમ્પોમાં વિદ્યાર્થીઓ રસુલપરાથી ગીર ગઢડા અભ્યાસ માટે આવી રહ્યા હતા, તે દરમિયાન અચાનક દૂધ ભરેલો ટેમ્પો પલટતા અકસ્માત સર્જાયો હતો.
મળતી માહિતી મુજબ, ગીર ગઢડામાં ઝાંખીયા ગામ વચ્ચે દૂધ ભરેલો ટેમ્પો પલટ્યો હોવાની અકમાતની ઘટનામાં 14 વિદ્યાર્થીઓ ઈજાગ્રસ્ત થયા છે. અકસમાતની ઘટનામાં 8ને ગંભીર ઈજા, અન્ય 6ને સામાન્ય ઈજાઓ પહોંચી છે. સ્થાનિકોએ જણાવ્યું હતું કે, દૂધ ભરેલા ટેમ્પોના ડ્રાઈવરે સ્ટેરીંગ પરનો કાબૂ ગુમાવી દેતા ટેમ્પો પલ્ટી ખાઇ ગયો હતો અને ટેમ્પોમાં સવાર વિધાર્થીઓમાંથી 8 વિધાર્થીને ગંભીર ઇજા પહોંચતા ઉના ખાનગી હોસ્પિટલમાં ખસેડવામાં આવ્યાં છે જ્યારે અન્ય 6 વિધાર્થીને સામાન્ય ઇજાઓ પહોંચી છે.
