- રાજકોટ સહિત સૌરાષ્ટ્રની 7 બેઠકોમાં ગત ચૂંટણી કરતાં ઓછું મતદાન
- રાજકીય પક્ષના જીત અને જંગી લીડના દાવાઓ વિશે ચર્ચા શરૂ
- 2024માં સૌથી વધુ મતદાન વલસાડમાં થયુ છે
રાજકોટ સહિત સૌરાષ્ટ્રની 7 બેઠકોમાં ગત ચૂંટણી કરતાં ઓછું મતદાન થયુ છે. જેમાં રાજકોટમાં 60 ટકા મતદાનથી ભાજપ કોંગ્રેસ બંનેના જીતના દાવા સામે આવ્યા છે. અમરેલીમાં ગત વર્ષ કરતા 7 ટકા ઓછું માત્ર 50.7 ટકા મતદાન થયુ છે. તેમજ જામનગરમાં માત્ર 58 ટકા મતદાન, ભાવનગરમાં 54 ટકા, જૂનાગઢમાં 59 ટકા જ્યારે સુરેન્દ્રનગરમાં 54 અને પોરબંદરમાં ફક્ત 52 ટકા મતદાન થયુ છે.
રાજકીય પક્ષના જીત અને જંગી લીડના દાવાઓને પણ પ્રશ્ન ચિન્હ
ઓછા મતદાનથી રાજકીય પક્ષના જીત અને જંગી લીડના દાવાઓને પણ પ્રશ્ન ચિન્હ છે. મતદારો માટે ગરમી અને કોઈ નક્કર મોટા મુદ્દાઓનો અભાવ પણ કારણ ભૂત માનવામાં આવે છે. ક્ષત્રીય આંદોલનનું કેન્દ્ર રાજકોટમાં પણ મતદારોનો ઓછો અને નીરસ અભિગમ જોવા મળ્યો છે. જેમાં છેલ્લા 10 વર્ષનું રાજકોટનું સૌથી ઓછું મતદાન થયુ છે. ગુજરાત લોકસભાની 2024ની ચૂંટણીમાં સરેરાશ 59.51% મતદાન થયુ છે. જેમાં વર્ષ 2019ની તુલનામાં 5 ટકા ઓછું મતદાન નોંધાયું છે.
2024માં સૌથી વધુ મતદાન વલસાડમાં થયુ છે
2019માં સરેરાશ 64.51 ટકા મતદાન થયું હતું. તેમજ 2024માં સૌથી વધુ મતદાન વલસાડમાં થયુ છે. જેમાં વલસાડમાં 72.24 ટકા મતદાન નોંધાયું છે. તેમજ સૌથી ઓછું અમરેલીમાં 49.44 ટકા મતદાન થયુ છે. વિધાનસભાની 5 બેઠકો પર સરેરાશ 62.48% મતદાન થયુ છે. 2024 લોકસભા ચૂંટણીમાં રાજ્યની 25 લોકસભા બેઠકો પર 59.51 ટકા મતદાન થયુ છે. ગુજરાત, મધ્ય પ્રદેશ, કર્ણાટક સહિત 11 રાજ્યો અને કેન્દ્ર શાસિત પ્રદેશોની કુલ 93 બેઠકો પર ત્રીજા તબક્કાનું મતદાન થયું હતું. ગુજરાતની 25, મહારાષ્ટ્રની 11, ઉત્તર પ્રદેશની 10, કર્ણાટકની 28માંથી બાકી રહેલી 14, છત્તીસગઢની 7, બિહારની 5, બંગાળ તેમજ આસામની 4-4 અને ગોવાની 2 બેઠકો પર મતદાન યોજાયું હતું. આ ઉપરાંત દમણ-દીવ અને દાદરા નગર હવેલીની બન્ને બેઠકો પર તેમજ મધ્ય પ્રદેશની 9 બેઠકો પર પણ ત્રીજા તબક્કાનું મતદાન થયું હતું.
[[$googlead]]
