Gujarat Breaking News Updated: ઉત્તર ગુજરાત - સૌરાષ્ટ્રમાં ભૂકંપનો આચંકો

ઝાંસી મેડિકલ કોલેજના ચિલ્ડ્રન વોર્ડમાં ભીષણ આગ, 10 બાળકોના મોત, 40નું રેસ્ક્યું

ઉત્તર પ્રદેશની ઝાંસી મેડિકલ કોલેજમાં સિલિન્ડર વિસ્ફોટના કારણે ભીષણ આગ લાગી હતી. કહેવામાં આવી રહ્યું છે કે આગ ચિલ્ડ્રન વોર્ડ (NICU)માં લાગી હતી, જ્યાં ઘણા બાળકોને સારવાર માટે દાખલ કરવામાં આવ્યા હતા. આ ઘટનામાં ઘણા બાળકો દાઝી ગયા હોવાની પણ માહિતી છે. અંદરથી 10 બાળકોના મૃતદેહ બહાર કાઢવામાં આવ્યા છે. ઘટના બાદ સમગ્ર મેડિકલ કોલેજની લાઇટો કપાઇ ગઇ છે. આગ પર કાબૂ મેળવવા માટે ફાયર બ્રિગેડની ટીમ ઘટનાસ્થળે પહોંચી છે અને રાહત અને બચાવ કાર્યમાં લાગેલી છે. ઘટનાની માહિતી મળતા જ જિલ્લા પ્રશાસનના અધિકારીઓ પણ તાત્કાલિક ઘટનાસ્થળે પહોંચી ગયા હતા.

Ahmedabad: ઇસ્કોન પ્લેટિનમમાં આગ, શોર્ટ સર્કિટથી આગ લાગી હોવાનું અનુમાન

અમદાવાદના ઈસ્કોન પ્લેટિનમમાં આગ લાગતા લોકો ફસાયા હોવાની આશંકા. ફાયરની ટીમ ઘટનાસ્થળે પહોંચી. લોકોને બિલ્ડીંગની બહાર કાઢવાની કામગીરી હાથ ધરવામાં આવી.

ઉત્તર ગુજરાત અને સૌરાષ્ટ્રમાં 4.2 રિક્ટર સ્કેલનો ભૂકંપ, અમદાવાદમાં આંચકા અનુભવાયા

ઉત્તર ગુજરાત અને સૌરાષ્ટ્રમાં ફરી ધરા ધ્રુજી હોવાના સમાચાર પ્રાપ્ત થયા છે. ઉત્તર ગુજરાતના અનેક ભાગોમાં ભૂકંપનો આંચકો અનુભવાયો છે. 4.2ની તીવ્રતાનો આંચકો પાટણ, પાલનપુર, મહેસાણા, અમદાવાદ સહિતના શહેરોમાં અનુભવાયા હતા. જેનું પાટણથી 13 કિલોમીટર દૂર ચાણસ્મા તાલુકાના સેવાળા ગામમાં કેન્દ્ર બિંદુ છે. રાત્રે 10.16 કલાકે ભૂકંપનો આંચકો અનુભવાયો હતો.

‘બટેંગે તો કટેંગે’ના સૂત્રનો શણગાર, વારાણસીના ઘાટ પર 17 લાખ દીવડાઓથી રોશની 

વારાણસીના તમામ ઘાટ પર દેવ દિવાળીની ઉજવણી કરવામાં આવી. આ દરમિયાન તમામ ઘાટો અને મંદિરો સહિત 17 લાખથી વધુ દીવાઓ પ્રગટાવવામાં આવ્યા હતા. આ દરમિયાન, CM યોગીનું સ્લોગન "બટેંગે તો કટેંગે" પણ દીવા પર લખેલું જોવા મળ્યું હતું.

ઉત્તર ગુજરાત - સૌરાષ્ટ્રમાં ભૂકંપનો આચંકો

બનાસકાંઠા, પાટણ, સુરેન્દ્રનગર, પાલનપુર, પાટણ, શંખેશ્વરમાં અનુભવાયો આંચકો. સુરેન્દ્રનગર, લીંબડી, પોશીનામાં પણ આંચકો અનુભવાયો. ભૂકંપના જોરદાર આંચકાથી લોકોમાં ભયનો માહોલ. લોકો ઘરની બહાર દોડી આવ્યા.

મહેસાણાના રામોસણામાં ગાયો પર એસિડ એટેક કેસ

રામોસણામાં ગાયો પર એસિડ એટેક બાદ ગૌ રક્ષકો દ્વારા ગાયોને રોજ ડ્રેસિંગ કરવા જતા હતા. ગાયોને ટ્રીટમેન્ટ કરવા જતા ગૌ રક્ષકો પર હુમલો કરવામાં આવ્યો. અજાણ્યા ઈસમો દ્વારા હુમલો કરાયો. એક ગૌ રક્ષકને ઢોર માર મારવામાં આવ્યો. ઢોર માર મારતા યુવકને સિવિલ હોસ્પિટલ ખસેડાયો.

Nadiad: 1 લાખ દીવડાની રોશનીથી સંતરામ મંદિરનો દિવ્ય અને ભવ્ય નજારો

નડિયાદના સુપ્રસિદ્ધ સંતરામ મંદિરમાં આજે દેવદિવાળીના પાવન પર્વની નિમિત્તે ઉજવણી કરવામાં આવી છે. પરંપરાગત રીતે અહીંયા આ દિવસે ઢળતી સાંજે મંદિરના શીખરથી માંડીને પરિસરમાં હજારો દીવાઓથી રોશની કરવામાં આવી છે. અંદાજે એક લાખ ઉપરાંતના દીવાઓથી સંતરામ મંદિર સજી ઉઠ્યું છે. આ અદભૂત અને અલૌકિક નજારો જોવા નડિયાદ અને આસપાસના ગામોમાંથી હજારોની સંખ્યામાં ભક્તો ઉમટ્યા હતા.

વેરાવળ કોડીનાર રોડ પર આવેલ ટોલ બુથ પર મારામારી

ગીર સોમનાથ જિલ્લાના વેરાવળ કોડીનાર રોડ પર આવેલ ટોલ બુથ પર બબાલના દૃશ્યો સીસીટીવીમાં કેદ થયા. થાર કાર લઈ આવેલા અજાણ્યા યુવકે ટોલ કર્મીને માર માર્યો. ટોલ ફ્રી લાઇનમાંથી નીકળવા મામલે બબાલ. ટોલ કર્મચારીએ સારવાર લઈ પોલીસ ફરિયાદ નોંધાવી. પોલીસે અજાણ્યા યુવક વિરુદ્ધ ગુન્હો નોંધી તપાસ હાથ ધરી.

અમદાવાદની ખ્યાતિ હોસ્પિટલમાં મોતની ઘટના

અમદાવાદમાં ખ્યાતિ હોસ્પિટલમાં બેના મોતના મુદ્દે ડો.પ્રશાંત વજીરાણીને સાથે રાખીને પોલીસે તપાસ હાથ ધરી. હોસ્પિટલના માલિક, ડિરેક્ટર, ડોક્ટરો અને અલગ અલગ વિભાગની તપાસ કરી. આરોપી ડો. પ્રશાંતને એક એન્જીયોપ્લાસ્ટીના 15 હજાર ચૂકવાતા હોવાનું સામે આવ્યુ છે. ડોક્ટરો આવડત પ્રમાણે બ્લોકેજનો ખોટો આંકડો બતાવતા હતા. ફરાર આરોપીઓને શોધવા ક્રાઇમ બ્રાંચ અને LCBની ટીમો લાગી. પોલીસે PMJAY અને આરોગ્ય વિભાગ પાસે કેટલીક માહિતીઓ મંગાવી. પોલીસે અત્યાર સુધીમાં સાક્ષીઓ તથા કમિટીના સભ્યો સહિતના 15 લોકોના નિવેદન નોંધ્યા.

વડોદરાની અંજના હોસ્પિટલ સામે વધુ એક આરોપ

વડોદરાની અંજના હોસ્પિટલ સામે વધુ એક દર્દીના સગાએ આરોપ લગાવ્યો છે. સાવલીના ભાઈલાઈભાઈ પરમારે આરોપ લગાવ્યો. તેમના સાળા વિનોદનું લીવર ખરાબ થયું હતું. ઓગસ્ટ માસ માં અંજના હોસ્પિટલમાં દાખલ કરવામાં આવ્યા હતા. બે જ દિવસમાં ભાઈલાલભાઈના સાળાનું મોત થયું હતું. પહેલા હોસ્પિટલના ડોકટર અમન ખન્ના દ્વારા ઓપરેશનના 80 હજાર કહ્યા હતા. મોત બાદ સીધા 2.81 હજારનું બિલ આપ્યું. ઓળખાણ આપ્યા બાદ 1.10 લાખ રૂપિયા લીધા હતા. મૃતકના સગા પાસેથી ચેક લીધો હતો. હજુ પણ હોસ્પિટલ ઉઘરાણી કરી રહી છે.

જસદણમાં એક જ કોમના બે જૂથ વચ્ચે મારામારી

જસદણ તાલુકા પંચાયત પાછળ રહેતા દેવીપુજક સમાજના બે જૂથ વચ્ચે નજીવી બાબતે જૂથ અથડામણ. લાકડી, પાઇપ અને પથ્થરો વડે સામ સામે મારામારી કરતા બંને જૂથના અનેક લોકો ઘાયલ થયા. જસદણ પોલીસને જાણ થતા તાત્કાલિક ઘટના સ્થળે આવી મામલાને થાળે પાડ્યો હતો. તેમજ 108 બોલાવી ઘાયલ દર્દીઓને પોલીસે હોસ્પિટલ ભેગા કર્યા હતા.

ગુરુ નાનકની 555મી જન્મજયંતીની ઉજવણી

અમદાવાદમાં ગુરુ નાનકની જન્મજયંતીની ઉજવણી કરવામાં આવી. મુખ્યમંત્રી ભૂપેન્દ્ર પટેલએ ગુરુદ્વારાની મુલાકાત લીધી. સમગ્ર દેશભરમાં ધામધૂમ પૂર્વક ઉજવણી કરાઈ. અમદાવાદ થલતેજ ખાતે આવેલ ગુરુદ્વારા ખાતે ઉજવણી કરવામાં આવી. ગુજરાતના મુખ્યમંત્રી ભૂપેન્દ્ર પટેલ પણ પહોંચ્યા ગુરુદ્વારા. ગુરુનાનક જન્મજયંતી નિમિત્તે દર્શન કર્યા.

દેવ દિવાળી નિમિત્તે ઉમરેઠના સંતરામ મંદિરમાં દિવ્ય શણગાર

ઉમરેઠ સંતરામ મંદિરમાં દેવ દિવાળી નિમિત્તે દીપમાળાના દિવ્ય દર્શનનું આયોજન કરવામાં આવ્યું હતું. દેવ દિવાળી પ્રસંગે મંદિરમાં દીપ પ્રગટાવવામાં આવ્યા હતા. સંતરામ મંદિર દિવ્ય પ્રકાશમાં ઝળહળી ઉઠ્યું હતું. આ અલૌકિક દર્શનનો લાભ લેવા ઉમરેઠ સહીત આજૂબાજૂના ગામના ભક્તો મોટી સંખ્યામાં ઉમટી પડ્યા હતા. મંદિરમાં દિવ્ય દર્શન કરી ધન્યતાનો અનુભવ કર્યો હતો. દેવ દિવાળી નિમિત્તે મંદિરમાં અન્નકુટ દર્શનનું પણ આયોજન કરવામાં આવ્યું હતું.

ઉપલેટાની કિષ્ના સ્કૂલના બોમ્બ કેસમાં મોટો ચુકાદો 

રાજકોટના ઉપલેટામાં ચકચારી બોમ્બકાંડના આરોપીનો નિર્દોષ છુટકારો. આજથી થોડા વર્ષો પહેલા ગાંધી ચોકમાં થયેલ બૉમ્બ ધડાકામાં બે વ્યક્તિ ગિરીશ સોજીત્રા અને રતિલાલ પાદરીયાના મોત થયેલ હતા. ઉપલેટા ક્રિષ્ના સ્કૂલના સંચાલક વલ્લભ ડોબરીયા સામે ગુન્હો દાખલ કરી તેમની ધરપકડ થયેલ હતી. તેમાં ધોરાજી સેશન કોર્ટ દ્વારા નિર્દોષ જાહેર કરવામાં આવેલ છે.

વલસાડના પારડીમાં યુવતીના મોત મુદ્દે મોટો ખુલાસો

વલસાડના પારડીમાં મોતીવાડા ખાતે મળેલ યુવતી કેસમાં મોટો ખુલાસો થયો છે. ગુમ થયેલ યુવતીનો રેપ કરી હત્યા નીપજાવવામાં આવી. યુવતીના ગરદનના ભાગે નિશાનો મળ્યા હતા. તેમજ યુવતી મળી ત્યારે કપડા પણ ફાટેલા હતા. જિલ્લા પોલીસ વડાએ ઘટના સ્થળનું નિરીક્ષણ કર્યું. સુરત ખાતે પી.એમ. થયા બાદ સચ્ચાઈ સામે આવી. ટ્યુશનથી ઘરે જતી વખતે આ ઘટના બની હતી. પોલીસે ઘટના સ્થળથી બેગ, ચપ્પલ, પાણીની બોટલ અને ચાદર કબ્જે કરી. પોલીસે રેપ અને હત્યાનો ગુનો નોંધી તપાસ હાથ ધરી. પોલીસે રેલવે પોલીસની પણ મદદ લીધી. 10 થી વધુ ટીમો જિલ્લામાં અને જિલ્લા બહાર તેમજ આંતર રાજ્યમાં તપાસ હાથ ધરી રહી છે. સીસીટીવીથી લઇ ટેક્નિકલ એનાલિસસથી તપાસ હાથ ધરાઈ.

કોડીનારની ખાનગી હોસ્પિટલમાં મોબાઇલ ચોરી

ગીર સોમનાથના કોડીનારની ખાનગી હોસ્પિટલમાં ઘૂસી તસ્કરે મોબાઈલની ઉઠાંતરી કરી. કોડીનાર વેરાવળ હાઇવે ઉપર આવેલ ખાનગી હોસ્પિટલમાં આજે બપોરે એક કલાકે દર્દીના સ્વાંગમાં આવી લાભ જોઈ ફિઝિયોથેરાપી વિભાગમાં ઘૂસી મોબાઈલની ઉઠાંતરી કરી. ફિઝિયોથેરાપી ડોક્ટરનો જ મોબાઈલ ઉઠાવી જતા હોસ્પિટલમાં દોડધામ મચી. સમગ્ર મામલે તપાસ કરી સીસીટીવી ચેક કરતા ચોરી થયાનું માલુમ પડ્યું. હોસ્પિટલ દ્વારા સીસીટીવી ફૂટેજના આધારે પોલીસ ફરિયાદ નોંધવાની તજવીજ હાથ ધરવામાં આવી.

ફરજમાં બેદરકારી બદલ પોલીસ કર્મચારી સસ્પેન્ડ

ભરતનગર પોલીસ મથકના પીઆઇની બદલી કરવામાં આવી, જ્યારે એક પોલીસ કર્મચારીને ફરજ મોકૂફ કરવામાં આવ્યો છે. થોડા દિવસો પહેલા ભરતનગરમાં કોચિંગ કલાસમાં થયેલ મારામારીના બનાવમાં આરોપીઓ પ્રત્યે કુણું વલણ દાખવવા બદલ પગલાં લેવામાં આવ્યા. ભરતનગરના પી.આઈ. આર. એમ.ઠાકોરની લિવ રિઝર્વમાં બદલી કરવામાં આવી. જ્યારે હેડ કોન્સ્ટેબલ અશોક ઉલવાને સસ્પેન્ડ કરવામાં આવ્યા છે. જિલ્લા પોલીસવડાએ કાર્યવાહી કરતા પોલીસ બેડામાં ખળભળાટ.

વડોદરામાં સૌપ્રથમ વખત એર એમ્બ્યુલન્સનો ઉપયોગ

વડોદરામાં 108 દ્વારા દર્દીનું એર લિફ્ટીંગ કરવામાં આવ્યું. એર એમ્બ્યુલન્સમાં દર્દીને મુંબઇ શિફ્ટ કરવામાં આવ્યા. વડોદરાની ખાનગી હોસ્પિટલમાં દર્દીને દાખલ કરવામાં આવ્યા હતા. પડી જતા કમરથી નીચેના ભાગમાં ઇજા થઈ હતી.

1. Gujarat: ધરતી આબા ગ્રામ ઉત્કર્ષ અભિયાનનો નેત્રંગથી રાજ્યપાલ આચાર્ય દેવવ્રતજીના હસ્તે શુંભારંભ 

2. Bharuchના નેત્રંગ તાલુકાના કેલ્વીકુવા ગામે રાજયપાલે ખેડૂતો સાથે પ્રાકૃતિક કૃષિ સંવાદ યોજયો 

3. PM મોદીના વિમાનમાં ટેક્નિકલ ખામી, દેવઘર એરપોર્ટ પર ઇમરજન્સી લેન્ડિંગ 

4. Surendranagarના રાણાગઢ ખાતે મંત્રી કુંવરજી બાવળિયાના અધ્યક્ષસ્થાને જનજાતિય ગૌરવ દિવસની ઉજવણી કરાઈ 

5. Bopal વિદ્યાર્થી હત્યા કેસ, આરોપી વિરેન્દ્રસિંહ પઢેરીયાના 10 દિવસના રિમાંડ થયા મંજૂર 

6. Ahmedabad: સાવધાન! જાહેરમાં પિચકારી મારનાર સામે AMCની કાર્યવાહી 

7. પપ્પુ યાદવને ધમકી આપવાનો મામલો નકલી, અન્ય વ્યક્તિને ફસાવવા કાવતરું 

8. CM Bhupendra Patel આવતીકાલે મુંબઈ ચૂંટણી પ્રવાસે જશે, વાંચો ફુલ સ્ટોરી 

9. Bharuch: શુક્લતીર્થ મેળામાં 3 યુવાન ડૂબ્યા, બે યુવક લાપત્તા 

10. Agriculture News: ચારકોલના ઉપયોગથી જમીનની ફળદ્રુપતા વધશે, આ રીતે ખેતરમાં અપનાવો પદ્ધતિ 

અંકલેશ્વરમાં ડોક્ટરની હત્યાના આરોપી ઝડપાયા

ભરૂચ જિલ્લાના અંકલેશ્વરમાં સરકારી તબીબનો મૃતદેહ મળ્યો. સામોર ગામ નજીક 6 મહિના પહેલા હત્યા થઈ હતી. ક્રાઇમ બ્રાન્ચે ગુનાનો ભેદ ઉકેલ્યો. હત્યા કરનાર 2 આરોપીની ધરપકડ કરવામાં આવી. લૂંટના ઇરાદે હત્યા કરવામાં આવી હતી. નશાની હાલતમાં પડેલ તબીબને બાઈક પર બેસાડી લઈ જવાયા હતા. બાઈક મોબાઈલ અને રોકડ રકમની લૂંટ કરવામાં આવી હતી. એક આરોપીની ઉજ્જૈન તો અન્યની વડોદરાથી ધરપકડ કરવામાં આવી.

જૂનાગઢની આયુષ હોસ્પિટલની ગંભીર બેદરકારી

જૂનાગઢની આયુષ હોસ્પિટલ ફરી વિવાદમાં આવી છે. હાર્ટની સારવારને બદલે મગજનું ઓપરેશન કરી નાખવાનો આક્ષેપ કરવામાં આવ્યો છે. હાલતા ચાલતા આવેલા વૃદ્ધા અચાનક કોમામાં સરી પડ્યા છે. પરિવારજનોએ હોબાળો મચાવ્યો. હોબાળો કરતા હોસ્પિટલ મેનેજમેન્ટ દ્વારા ઓપરેશન ચાર્જ લેવાનો પણ ઇનકાર કર્યો. પોતાની ભૂલ છૂપાવવા પરિવાર માટે રહેવા જમવાની સુવિધા કરી આપી. છેલ્લા 24 કલાકથી મહિલાને આઇસીયુમાં રાખવા છતાં ડોક્ટરો દ્વારા પરિસ્થિતિની જાણ કરવામાં આવી નથી. હાજર ડોક્ટરો પણ દર્દીની પરિસ્થિતિ અંગે જણાવતા નથી તેઓ પરિવારનો આક્ષેપ.

પીઆઇ મોબાઇલ ફોનની લાંચ લેતા ઝડપાયો

નવસારીના મરીન પોલીસ સ્ટેશનમાં ACB દ્વારા ટ્રેપ કરવામાં આવી જેમાં PI દિનેશ કુબાવત લાંચ લેતા રંગે હાથે ઝડપાયો છે. છૂટક લાઇટ ડિઝલના વેચાણ માટે લાંચ માગી હતી. એપ્પલ કંપનીનો આઇફોન લાંચ પેટે માગ્યો હતો.

ઉનામાં ખોટા મેડિક્લેમ કરી રૂપિયા ખંખેરવાનું કૌભાંડ

ગીર સોમનાથ જિલ્લામાં ઉના ટ્રસ્ટ સંચાલિત હોસ્પિટલમાં ખોટા મેડીક્લેમ કરી રુપિયા ખંખેરવાનું કૌભાંડ સામે આવ્યું છે. દર્દીની જાણ બહાર મેડિકલેમની મોટી રકમ મેળવી લીધી. ઉના શહેરની સુદર્શન સોસાયટીમાં રહેતા જગદીશ મનવાણી નામના દર્દીના નામે 39 હજાર રૂપિયાનો મેડિક્લેમ કરી હોસ્પિટલે રકમ મેળવી લીધી. હોસ્પિટલે પહેલાં 39 હજાર પાસ કરાવી બીજા 19 હજારનું બીલ મૂકતાં વીમા કંપનીને શંકા ગઇ અને ભાંડો ફૂટ્યો. જેની જાણ દર્દીને થતાં કૌભાંડ બહાર આવ્યું. વીમા કંપની પાસે ક્રેડિટ ખરાબ ન થાય એ માટે હોસ્પિટલે દર્દી પાસે હવાતિયાં મારવાનું શરૂ કર્યું.

ભરૂચના શુક્લતીર્થ મેળામાં 3 યુવાન ડૂબ્યા

ભરુચના શુક્લતીર્થ મેળામાં 3 યુવાન ડૂબ્યા તેમજ બે યુવક નદીમાં લાપત્તા થયા છે. એક યુવકનો આબાદ બચાવ. નદીમા ન્હાવા જતા ઘટના બની. ઘટના સ્થળે પોલીસનો કાફલો પહોંચ્યો. સલામતીના ભાગ રૂપે તંત્ર ફરી એક વાર નાકામ.

મુખ્યમંત્રી ભૂપેન્દ્ર પટેલ આવતીકાલે મુંબઈ ચૂંટણી પ્રવાસે જશે

મુખ્યમંત્રી ભૂપેન્દ્ર પટેલ શનિવાર તા. 16મી નવેમ્બરે મુંબઈના ચૂંટણી પ્રવાસે જશે. મહારાષ્ટ્ર વિધાનસભા ચૂંટણી પ્રચાર અંતર્ગત મુખ્યમંત્રી મુંબઈ મહાનગરમાં તેમના પ્રવાસ દરમિયાન એક જ દિવસમાં ચાર જનસભાઓને સંબોધન કરવાના છે.મુખ્યમંત્રી ભૂપેન્દ્ર પટેલ શનિવારે સવારે ૧૦ વાગ્યે દહીસર વિધાનસભા વિસ્તારમાં ગુજરાતી બિઝનેસ કમ્યુનિટી સાથે "ચાય પે ચર્ચા" માં સહભાગી થઈને મુંબઈમાં તેમના ચૂંટણી પ્રચાર અભિયાનનો પ્રારંભ કરશે.

પુણેના હડપસરમાં 3 માળની ઇમારતમાં આગ લાગી

મહારાષ્ટ્રના પુણે શહેરના હડપસર વિસ્તારમાં 3 માળની ઈમારતમાં આગ લાગી હતી. ઘટના બાદ ફાયર બ્રિગેડની અનેક ગાડીઓ ઘટનાસ્થળે પહોંચી હતી અને કોઈક રીતે આગ પર કાબુ મેળવ્યો હતો. આ ઘટનામાં કોઈ જાનહાનિ અંગે કોઈ માહિતી પ્રાપ્ત થઈ નથી.

મહારાષ્ટ્રના હિંગોલીમાં અમિત શાહના હેલિકોપ્ટરનું ચેકિંગ

કેન્દ્રીય ગૃહમંત્રી અમિત શાહ મહારાષ્ટ્રના પ્રવાસે છે. જ્યાં, હિંગોલીમાં તેમના હેલિકોપ્ટરની તપાસ કરવામાં આવી છે. જણાવવામાં આવી રહ્યું છે કે શાહનું હેલિકોપ્ટર હિંગોલીમાં લેન્ડ થતાં જ ચૂંટણી પંચના અધિકારીઓ ઘટનાસ્થળે પહોંચી ગયા હતા. આ પછી તેણે હેલિકોપ્ટર અને તેની બેગ તપાસી. આ પહેલા શિવસેના યુબીટી નેતા ઉદ્ધવ ઠાકરે અને બીજેપી નેતા દેવેન્દ્ર ફડણવીસના હેલિકોપ્ટરની પણ તપાસ કરવામાં આવી હતી.

દિલ્હીમાં વધતા પ્રદૂષણને ધ્યાનમાં રાખીને સરકારી ઓફિસોના સમયમાં ફેરફાર

દિલ્હીમાં વધી રહેલા પ્રદૂષણને જોતા આતિશી સરકારે એક મોટું પગલું ભર્યું છે. સમગ્ર દિલ્હીમાં સરકારી કચેરીઓ હવે અલગ-અલગ સમયે કામ કરશે. દિલ્હી મ્યુનિસિપલ કોર્પોરેશનની ઓફિસ હવે સવારે 8.30 થી સાંજના 5 વાગ્યા સુધી ખુલ્લી રહેશે. તે જ સમયે, કેન્દ્ર સરકારની ઓફિસનો સમય સવારે 9 થી સાંજે 5.30 અને દિલ્હી સરકારની ઓફિસનો સમય સવારે 10 થી સાંજે 6.30 સુધીનો રહેશે.

આણંદના ધર્મજના જવાહર ચોક વિસ્તારમાં તસ્કરો ત્રાટક્યા

આણંદના ધર્મજના જવાહર ચોક વિસ્તારમાં તસ્કરો ત્રાટક્યા હતા. બંધ મકાનમાંથી 1 લાખના દાગીના અને રોકડની ચોરી કરીને ફરાર થઇ ગયા હતા. ચોરીના બનાવોથી ગ્રામજનોમાં રોષ જોવા મળી રહ્યો છે. સ્થાનિકોએ પોલીસને રજૂઆત કરી હતી. પોલીસ દ્વારા રાત્રી પેટ્રોલિંગ વધારાશે.

PM મોદીના વિમાનમાં ટેકનિકલ ખામી સર્જાઈ

PM મોદીના વિમાનમાં ટેકનિકલ ખામી સર્જાઈ, દેવઘર એરપોર્ટ પર થોડીવાર રોકવું પડ્યું

દેવ દિવાળીએ ડાકોર મંદિર કમિટીએ ધજા ચડાવવાને લઈને લીધો આ નિર્ણય

સુપ્રસિદ્ધ યાત્રાધામ ડાકોરમાં આવતા તમામ ભક્તો હવે મંદિરના શિખર ઉપર ધજા ચઢાવી શકશે. આ માટે મંદિર ટ્રસ્ટ દ્વારા ખાસ વ્યવસ્થા કરવામાં આવી છે. શિખર ઉપર ધજા ચડાવવાનો લાગો 500 રૂપિયા રાખવામાં આવ્યો છે. ડાકોર રણછોડજી મંદિરમાં ધજા ચડાવવાનું વિશેષ મહત્વ રહેલુ છે. ત્યારે ટેમ્પલ કમિટીના આ મહત્વ નિર્ણયને લઈ ભક્તોમાં ફેલાઈ ખુશીની લાગણી ફેલાઈ છે.

ભરૂચ: નેત્રંગ તાલુકાના કેલ્વીકુવા ગામે રાજયપાલે ખેડૂતો સાથે પ્રાકૃતિક કૃષિ સંવાદ યોજયો

રાજયપાલ આચાર્ય દેવવ્રતજી એ આજે ભરૂચ જિલ્લાના નેત્રંગ તાલુકાના કેલ્વિકુવા ખાતે ખેડુત સતીષભાઈ રઘુવીરભાઈ ભક્તના ખેતરે પ્રકૃતિના ખોળે સમગ્ર ગુજરાતમાં પ્રથમ વખત પ્રાકૃતિક ખેતી માટે ખાટલા - પરિષદ યોજી રાજ્યપાલે ૧૫૦ જેટલા ખેડૂતો સાથે વાર્તાલાપ કરી પ્રાકૃતિક ખેતીથી થતાં ફાયદાઓ અંગે જરૂરી માર્ગદશન પુરું પાડ્યું હતું. આ તબક્કે, રાજ્યપાલે પ્રાકૃતિક કૃષિ નિદર્શન - વેચાણ કેન્દ્રની પણ મુલાકાત લઈ પ્રાકૃતિક કૃષિ પેદાશો અને ખેડુતની પૃચ્છા કરી હતી.

જામનગરના દરેડ ગામમાં મકાનમાં આગ

જામનગરના દરેડ ગામમાં મકાનના મીટર બોક્સમાં આગથી દોડધામ, ફાયરની ટીમે આગ પર મેળવ્યો કાબૂ

રાજયમાં આખરે "શિયાળા"ની થઈ શરૂઆત, તાપમાનમાં ક્રમશ ઘટાડો થયો

હવામાન વિભાગે ઠંડીને લઈ આગાહી આપી છે,હવામાન વિભાગના જણાવ્યા અનુસાર હવે રાજયમાં ઠંડી પડવાની શરૂઆત થશે જેમાં તાપમાનમાં ક્રમશ ઘટાડો થશે સાથે મોટાભાગના જિલ્લાઓમાં તાપમાનમાં ઘટાડો થયો છે.અમરેલીમાં સૌથી ઓછું 17 ડિગ્રી તાપમાન તો અમદાવાદમાં લઘુતમ 19.9 ડિગ્રી, મહત્તમ 34.4 ડિગ્રી તાપમાન નોંધાયું છે.24 કલાકમાં અમદાવાદમાં 0.9 ડિગ્રી તાપમાન ઘટ્યું છે.

બપોરના 03 વાગ્યા સુધીના તમામ મહત્વના સમાચાર

01. Khyati Hospitalનો કાંડ, 2023માં દસ્ક્રોઇના કાંકજ ગામે વગર જાણે લોકોના કર્યા ઓપરેશન

02. Dakor: દેવ દિવાળીએ ડાકોર મંદિર કમિટીએ ધજા ચડાવવાને લઈને લીધો આ નિર્ણય

03. Gujarat Weather : રાજયમાં આખરે "શિયાળા"ની થઈ શરૂઆત, તાપમાનમાં ક્રમશ ઘટાડો થયો

04. Rajkotમાં ખાખી પર લાગ્યું કલંક, પોલીસે 30 લાખનું સોનું પડાવી લીધાનો આક્ષેપ

05. Khyati Hospital કૌભાંડ મામલે ગૃહ રાજ્યમંત્રી હર્ષ સંઘવીની પ્રથમ પ્રતિક્રિયા, જુઓ Video

06. Porbandarમાંથી ઝડપાયું 500 કિલો ડ્રગ્સ, NCB અને ATSએ પાર પાડયું સંયુકત ઓપરેશન

07. હવે નહીં વાગે 'પટિયાલા પેગ...'કોન્સર્ટ પહેલા Diljit Dosanjhને મોટો ઝટકો, જાણો કેમ

08. PM Modi in Bihar: બિરસા મુંડાની 150મી જન્મજયંતિ, PMએ ગૌરવ દિવસ ઉજવ્યો

09. Israelએ બેરૂતમાં ધડાધડ કરી એર-સ્ટ્રાઇક, 12 લેબનીઝ સહિત 15 સીરિયનો મોતને ઘાટ

10. Mohammed Shamiના પ્રશંસકો માટે સારા સમાચાર, બીજી ટેસ્ટ પહેલા ખેલાડીની થશે એન્ટ્રી

અમદાવાદ ઉદેપુર નેશનલ હાઇવે પર કાર અકસ્માત, 4ના મોત

અમદાવાદ ઉદેપુર નેશનલ હાઇવે પર મોડાસાના ગડાદર નજીક કાર અકસ્માત થયો છે. જેમાં કારમાં સવાર ચાર લોકોના ઘટના સ્થળે મોત થયા છે. શામળાજી મંદિર દર્શન કરી પરત જતા પરિવારને અકસ્માત નડ્યો. એક મહિલા , બે પુરૂષ અને એક બાળકીનું મોત થયુ છે.

UP PCS પરીક્ષાની નવી તારીખની જાહેરાત

યુપી પબ્લિક સર્વિસ કમિશને યુપી પીસીએસ પરીક્ષાની નવી તારીખ જાહેર કરી છે. હવે આ પરીક્ષા 22મી ડિસેમ્બરે લેવામાં આવશે. અગાઉ આ પરીક્ષા 7 અને 8 ડિસેમ્બરે યોજાવાની હતી. UPPCS પરીક્ષા બે પાળીમાં લેવામાં આવશે.

ખ્યાતિ હોસ્પિટલના કાંડને લઈ વધુ ખુલાસાઓ આવ્યા સામે

ખ્યાતિ હોસ્પિટલના કાંડને લઈ વધુ ખુલાસાઓ સામે આવ્યા. ખ્યાતિ હોસ્પિટલે ઉત્તર ગુજરાત અને ગાંધીનગર જિલ્લામાં પણ શિકાર બનાવ્યા. ગાંધીનગર જિલ્લાના શેરથામાં ખ્યાતિ હોસ્પિટલે ગ્રામજનોને શિકાર બનાવ્યા. માસૂમ ગ્રામજનોને ડર બતાવી એન્જિયોપ્લાસ્ટી કરીને સ્ટેન્ટ મુક્યા. 21 જૂન, 2022ના રોજ શેરથામાં ખ્યાતિ હોસ્પિટલે કેમ્પ કર્યો હતો. 22 જૂને કુલ 17 ગ્રામજનોને બસમાં હોસ્પિટલ લઈ જવાયા હતા. જ્યાં 17 લોકોમાંથી 9ની એન્જિયોપ્લાસ્ટી કરવામાં આવી હતી.

કાંકજ ગામમાં 10 લોકોના ઓપેરશન કર્યાની માહિતી

કાંકજ ગામમાં કેમ્પ યોજાયો હતો જેમાં ઘૂંટણની તકલીફવાળા દર્દીઓને સ્ટેન્ટ મૂક્યાનો આક્ષેપ લાગ્યો છે,ગ્રામજનોએ આજે ભેગા મળીને ખ્યાતિ હોસ્પિટલના નામે છાજીયા લીધા હતા,અને કહ્યું કે જે બીમારી હતી તે બીમારી તો દૂર નહી કરી પરંતુ બીજી બિમારી ઘર કરી ગઈ છે.ત્યારે પોલીસ પણ કાંકેજ ગામના લોકોની વાત સાંભળે અને જરૂર લાગે તો ફરિયાદ નોંધે તે જરૂરી બન્યું છે.

ખ્યાતિએ નથી છોડયા કોઈને

ખ્યાતિ હોસ્પિટલને લઈ વધુ એક કૌંભાડ સામે આવ્યું છે જેમાં દસ્ક્રોઈના કાંકજ ગામે ગ્રામજનોની જાણ બહાર ઓપરેશન કર્યુ હોવાની માહિતી સામે આવી છે જેમાં ગામમાં કેમ્પ યોજવામાં આવ્યો હતો અને બસ ભરીને ગ્રામજનોને હોસ્પિટલ લઈ જવામાં આવ્યા હતા,,હોસ્પિટલ લઈ ગયા બાદ તમામની એન્જિયોગ્રાફી પણ કરવામાં આવી હોવાની વાત સામે આવી છે.કેટલાય લોકોને બારોબાર એન્જિયોપ્લાસ્ટી કરી દીધી છે જેમાં પરિજનોને જાણ કર્યા વગર ઓપરેશન કર્યાનો આક્ષેપ લાગ્યો છે.

ખ્યાતિ હોસ્પિટલનું વધુ એક મહાકૌભાંડ ખૂલ્યું છે

જેમાં,દસ્ક્રોઈ તાલુકામાં કરેલી કરતૂતોનો પર્દાફાશ થયો છે.પાલડી કાંકજ ગામમાં ઓપરેશન કર્યાની વાત સામે આવી છે જેમાં પરિજનોને જાણ કર્યા વગર ઓપરેશન કર્યાના આક્ષેપ ગ્રામજનોએ કર્યા છે.કાંકજ ગામમાં 10 લોકોના ઓપેરશન કર્યાની માહિતી સામે આવી છે.ઘૂંટણની તકલીફવાળા દર્દીઓને સ્ટેન્ટ મૂક્યાનો આક્ષેપ કરવામાં આવ્યો છે.જેમાં 25 ડિસેમ્બર 2023એ કરાઈ હતી સર્જરી.

ખ્યાતિ હોસ્પિટલ કૌભાંડને લઇ ગૃહ રાજ્યમંત્રી હર્ષ સંઘવીનું નિવેદન

ખ્યાતિ હોસ્પિટલ કૌભાંડને લઇ ગૃહ રાજ્યમંત્રી હર્ષ સંઘવીએ જણાવ્યું હતુ કે ઘટના સામે આવ્યા બાદ આરોગ્ય મંત્રીએ તાત્કાલિક તપાસના આદેશ આપ્યા હતા. જેમાં હાલ આરોગ્ય વિભાગની ફરિયાદના આધારે તપાસની કામગીરી ચાલુ છે. વધુમાં ફરિયાદમાં સૌથી વધુ કલમો અને કડકમાં કડક કલમો ઉમેરવામાં આવી છે. ખ્યાતિ હોસ્પિટલ કાંડમાં સામેલ તમામ આરોપી વિરુદ્ધ કાર્યવાહી કરવામાં આવશે. ઉપરાંત આરોગ્ય વિભાગ અને પોલીસ વિભાગે સંયુક્ત રીતે કામગીરી શરૂ કરી છે. હાલ આરોપીને કડકમાં કડક સજા આપવા પોલીસ વિભાગ કામ કરી રહ્યું છે. કોઇ પણ છટકબારી ન રહે તેને લઇ બંને વિભાગો કામગીરી કરી રહ્યા છે.

ખ્યાતિ હોસ્પિટલની વધુ એક મહા કરતૂત

• દસક્રોઈ તાલુકામાં કરેલી કરતૂતોનો પર્દાફાશ
• પાલડી કાંકજ ગામમાં હોસ્પિટલે કર્યો હતો કેમ્પ
• બસ ભરીને ગ્રામજનોને લઈ ગયા હતા હોસ્પિટલ
• હોસ્પિટલ લઈ ગયા બાદ તમામની કરી એન્જિયોગ્રાફી
• કેટલાય લોકોને બારોબાર એન્જિયોપ્લાસ્ટી કરી દીધી
• પરિજનોને જાણ કર્યા વગર ઓપરેશન કર્યાના આક્ષેપ
• કાંકજ ગામમાં 10 લોકોના ઓપેરશન કર્યાની માહિતી
• ઘૂંટણની તકલીફવાળા દર્દીઓને સ્ટેન્ટ મૂક્યાનો આક્ષેપ
• એક વર્ષ પહેલા ઓપરેશનો કરાયા હોવાના આક્ષેપ 

ખ્યાતિ મોતકાંડમાં મૃતકોના પીએમ રિપોર્ટના ઠાગાઠૈયા

• રિપોર્ટ આવવામાં લાગશે સમય: સિવિલ સુપરિન્ટેન્ડેન્ટ
• રિપોર્ટ હજુ નથી આવ્યોઃ ડો. રાકેશ જોશી
• ‘3 તબીબની પેનલમાં થયું હતું પોસ્ટમોર્ટમ’
• ‘વીડિયોગ્રાફી સાથે કરાયું હતું પોસ્ટમોર્ટમ’
• સિવિલ સુપરિન્ટેન્ડન્ટના જવાબ પર ઉઠ્યા સવાલ
• 11 નવેમ્બરે બંને મૃતકોનું કરાયું હતું પોસ્ટમોર્ટમ
• 5 દિવસ બાદ પણ પીએમ રિપોર્ટ કેમ નહીં ?
• શું કોઈનું દબાણ છે કે પછી સિવિલ પણ ભીનું સંકેલે છે?

સિંગર અને એક્ટર દિલજીત દોસાંઝને મળી નોટિસ

પંજાબી સિંગર અને એક્ટર દિલજીત દોસાંઝ હાલ દેશ ભરમાં તેના કોન્સર્ટના લીધે ચર્ચામાં છે. આજે હૈદરાબાદમાં તેનો કોન્સર્ટ છે જેને લઈને તેલંગાણા સરકારે હૈદરાબાદની હોટલ, સિંગર સહિત તેની ટીમને નોટિસ ફટકારી છે. જેમાં સિંગરને લાઈવ શો દરમિયાન ‘પટિયાલા પેગ’ અને ‘પંજ તારા’ જેવા ગીતો ન ગાવા માટે કહેવામાં આવ્યું છે. આ નોટિસ મહિલા અને બાળ કલ્યાણ અને વિકલાંગ અને સિનિયર નાગરિક વિભાગ દ્વારા પાઠવવામાં આવી છે. સાથે બાળકોને કોન્સર્ટ દરમિયાન સ્ટેજ પર ન બોલાવવા માટે પણ કહેવામાં આવ્યું છે.

રાજકોટમાં ખાખી પર લાગ્યો કલંક, પોલીસે 30 લાખનું સોનું પડાવી લીધાનો આક્ષેપ

રાજકોટમાં ખાખીએ તોડ કર્યો હોવાનો આક્ષેપ કરવામાં આવ્યો છે,સોનાના વેપારી દ્રારા પોલીસને હાથો બનાવવામાં આવી અને પિતા-પુત્ર પાસે 30 લાખનું સોનું છે તેમ કહી પોલીસે તેમને ઉઠાવી માર મારવામાં આવ્યો છે ત્યારે આ સમગ્ર કેસમાં પિતાને આઘાત લાગતા તેમણે સ્યુસાઈડ કરી લીધુ છે બીજી તરફ પુત્ર ન્યાય માટે વલખા મારી રહ્યો છે.તો પિતા-પુત્રએ ભેગા મળીને પોલીસને 3 લાખ રૂપિયા પણ આપ્યા હોવાની વાત છે. આ સમગ્ર મામલાને લઈ રાજકોટ એ ડિવિઝન પોલીસ સ્ટેશમાં ડી-સ્ટાફમાં ફરજ બજાવતા પોલીસ કર્મી કિશન આહિર અને ભગીરથસિંહ ઝાલાની કરતતૂ હોવાની વાત છે.પિતા-પુત્ર પાસે રહેલું 30 લાખનું સોનું પડાવી લીધાનો આરોપ લગાવ્યો છે.જે સ્યુસાઈડ નોટ પરિવાર પાસે છે તેમાં મૃતકે લખ્યું છે કે,પોલીસ ખોટા કેસ કરવાની ધમકી આપીને રૂપિયા પડાવે છે અને પોલીસને આ બાબતે 3 લાખ રૂપિયા પણ આપી દીધા છે.સોની વેપારી વિવેક ભુવા ,મનોજ રાજપુરા,ધર્મેશ પારેખ ,અતુલ પારેખ દ્વારા પોલીસ સાથે મળી ખોટી રીતે સોની કારીગર હિરેન આડેસરાને ફસાવ્યો હોવાનો આક્ષેપ છે.

પોરબંદરમાંથી ઝડપાયો 500 કિલોથી વધુ ડ્રગ્સનો જથ્થો

પોરબંદરમાંથી 500 કિલો ડ્રગ્સ ઝડપાયું હોવાના સમાચાર સામે આવ્યા છે. NCB અને ATSનું સંયુક્ત ઓપરેશન હાથ ધર્યું હતું જેમાં પોરબંદરના દરિયાઇ વિસ્તારમાંથી 500 કિલોથી વધુ ડ્રગ્સનો જથ્થો પકડાયો છે. કોણે મંગાવ્યું, ક્યાંથી આવ્યું તેને લઈ તપાસ તેજ કરવામાં આવી છે.

 બિહારના જમુઈમાં PM મોદીએ કહ્યું-આજનો દિવસ ખૂબ જ પવિત્ર છે

બિહારના જમુઈમાં એક વિશાળ જાહેર સભાને સંબોધતા વડાપ્રધાન નરેન્દ્ર મોદીએ કહ્યું, “આજનો દિવસ ખૂબ જ પવિત્ર દિવસ છે. આજે કાર્તિક પૂર્ણિમા, દેવ દિવાળી અને આજે ગુરુ નાનકદેવજીનું 555મું પ્રકાશ પર્વ પણ છે. આજે ભગવાન બિરસા મુંડાની જન્મજયંતિ પણ છે. રાષ્ટ્રીય આદિવાસી ગૌરવ દિવસ છે. હું તમામ દેશવાસીઓને અને ખાસ કરીને મારા આદિવાસી ભાઈ-બહેનોને આદિવાસી ગૌરવ દિવસ પર અભિનંદન આપું છું.

રાયબરેલીઃ સ્નાન કરવા આવેલા 3 શ્રદ્ધાળુઓ ડૂબ્યા

રાયબરેલીમાં કારતક પૂર્ણિમાના મેળામાં સ્નાન કરવા આવેલા ત્રણ શ્રદ્ધાળુઓ ડૂબી ગયા છે. ભક્તો ગંગાઘાટની હુસૈનગંજ બાજુ સ્નાન કરી રહ્યા હતા. આ લોકો ફતેહપુર જિલ્લાના હુસૈનગંજના રહેવાસી હોવાનું કહેવાય છે. ન્હાતી વખતે એક મહિલા સહિત ત્રણ બાળકો ડૂબી ગયા. બાળકનો મૃતદેહ મળી આવ્યો હતો. એક મહિલાની હાલત નાજુક છે જ્યારે બીજા બાળકની શોધ ચાલુ છે.

આહવામાં CM ભૂપેન્દ્ર પટેલની ઉપસ્થિતિમાં જનજાતિય ગૌરવ દિવસની ઉજવણી

આદિવાસીઓના ભગવાન બિરસા મુંડાની ૧૫૦મી જન્મજયંતી નિમિત્તે ડાંગના આહવામાં CM ભૂપેન્દ્ર પટેલની ઉપસ્થિતિમાં રાજ્યકક્ષાના જનજાતિય ગૌરવ દિવસની ધામધૂમથી ઉજવણી કરવામાં આવી હતી. જનજાતિય ગૌરવ દિવસની ઉજવણી કાર્યક્રમમાં CM ભૂપેન્દ્ર પટેલે સંબોધનમાં કહ્યું હતું કે, ભગવાન બિરસા મુંડાને હૃદયપૂર્વક વંદન કરું છું... ભગવાન બિરસા મુંડા નાનપણથી તેજસ્વી હતા. ભગવાન બિરસા મુંડા વનસ્પતિઓની જડીબૂટીનું અદ્ભુત જ્ઞાન ધરાવતા હતા. ભગવાન બિરસા મુંડાના અનેક અનુયાયી બન્યા છે. આદિવાસીઓ દેશની આઝાદીમાં અડીખમ રહેલા છે. દેશના વિકાસમાં સૌને સાથે લઈને ચાલવાનું કમિટમેન્ટ છે. આદિજાતિ વિસ્તારોમાં વિકાસના કાર્યો થયા છે. આ સાથે ઉત્તર ગ્રામ અભિયાનમાં વિકાસનો સંકલ્પ કરી રહ્યા છીએ. વિકાસના કામો ક્યારેય અટકશે નહીં.

બપોરના 12 વાગ્યા સુધીના તમામ મહત્વના સમાચાર

01. Girnar લીલી પરિક્રમાનો આજે અંતિમ દિવસ, મોટી સંખ્યામાં શ્રદ્ધાળુઓ પરિક્રમા કરશે પૂર્ણ

02. Surendranagar: સુરેન્દ્રનગરનું આરોગ્ય વિભાગ સફાળે જાગ્યું, 10 હોસ્પિટલો શંકાના દાયરામાં

03. Aravalli: દેવ દિવાળીના દિવસે શામળાજીના નાગધરા કુંડમાં પિતૃ મોક્ષાર્થે ડુબકી લગાવવાની પરંપરા

04. Bopalમાં વિદ્યાર્થીની હત્યા કરી વિરેન્દ્રસિંહ પઢેરીયા કેવી રીતે પહોંચ્યો પંજાબ, Special Story

05. Ambaji: દેવદિવાળી નિમિત્તે અંબાજી મંદિરને રંગબેરંગી ફૂલોથી શણગારાયું, લાખો માઇભક્તો દર્શનાર્થે

06. Rajkot: જસદણ જૂના માર્કેટિંગ યાર્ડમાં મગફળીની ખરીદી માટે ખેડૂતોને ધરમ ધક્કા

07. Rajkotના ધોરાજીમાં ખેડૂતોને DAP અને NPK ખાતર મેળવવા મારવા પડે છે વલખા

08. Gold-Silver Price: દેવ દિવાળી ટાણે સોનાની ચમક પડી ફિક્કી, જાણો નવીનતમ ભાવ

09. Petrol-Diesel Price: દેવ દિવાળીના દિવસે ફરી બદલાયું બજાર! જાણો પેટ્રોલ-ડીઝલનો નવો ભાવ

10. Sarfaraz Khan: ભારતને લાગ્યો ઝટકો, ઓસ્ટ્રેલિયામાં ઈજાગ્રસ્ત થયો યુવા બેટ્સમેન

જામનગરમાં કાર ચાલકે નશાની હાલતમાં કારને ઘુસાડી બંગ્લામાં, ઘટના સ્થળે નિપજયું મોત

જામનગરમાં જૂની ટીબી હોસ્પિટલ પાસે અકસ્માત સર્જાતા કાર ચાલકનું મોત થયું છે,કાર ચાલક નશામાં હોય અને કારના સ્ટેયરિંગ પરથી કાબુ ગુમાવી દેતા કાર દિવાલમાં અથડાઈને ઘરમાં ઘુસી ગઈ હતી જયાં ઘટના સ્થળે જ કાર ચાલકનું મોત નિપજયું હતુ,કાર ચાલક એવો અથડાયો કે તે કારની બહાર નીકળતાની સાથે જ મોતને ભેટયો હતો,આસપાસ લોકોના ટોળેટોળા ભેગા થયા હતા પરંતુ સારવાર મળે તે પહેલા જ તેણે દમ તોડયો હતો. પોલીસે સમગ્ર મામલે કાર્યવાહી હાથ ધરી.

બોટાદ જિલ્લા કલેક્ટરના અધ્યક્ષસ્થાને ડિસ્ટ્રીક્ટ રોડ સેફ્ટી કમિટીની સમીક્ષાત્મક બેઠક યોજાઈ

બોટાદ જિલ્લા કલેક્ટર કચેરી ખાતે જિલ્લા કલેક્ટર ડો. જીન્સી રોયના અધ્યક્ષસ્થાને ડિસ્ટ્રીક્ટ રોડ સેફ્ટી કમિટિની સમીક્ષાત્મક બોઠક યોજાઈ હતી.જેમાં સમગ્ર શહેરમાં રસ્તાઓને ધ્યાને રાખીને જરૂરી સુધારાઓ અંગે માર્ગદર્શન આપ્યું હતું. જેમ કે સ્કૂલ-કોલેજ જવાના રસ્તા તેમજ સતત માણસોની અવર-જવરનો ધસારો રહેતો હોય તેવા રસ્તાઓ પર સ્પીડ બ્રેકર લગાવવા, તેમજ સિગ્નલ અંગેની તપાસ કરવી, સ્પીડ લીમિટ બાબતે સૂચિત કરતા બોર્ડ લગાવવા ઉપરાંત યોગ્ય સાઈનેજીસ લગાવવા તથા ઓવર સ્પીડીંગ કરતા વાહન ચાલકો સામે કડક પગલા લેવા અંગે માર્ગદર્શિત કરવામાં આવ્યાં હતાં.

રણછોડરાયજીના ડાકોર આગમનને આજે 869 વર્ષ પૂર્ણ

ખેડા: યાત્રાધામ ડાકોરમાં કારતક સુદ પૂર્ણિમાએ ભક્તોનો ધસારો જોવા મળી રહ્યો છે. કારતક પૂર્ણિમાના અવસરે જ રાજા રણછોડ દ્વારકાથી ડાકોર પધાર્યા હતા. રણછોડરાયજીના ડાકોર આગમનને આજે 869 વર્ષ પૂર્ણ થયા છે. ભક્ત બોડાણાની ભક્તિને વશ થઈ રણછોડરાય ડાકોર પધાર્યા હતા. શ્રદ્ધાળુઓને મન કારતક પૂર્ણિમાના દર્શનનો વિશેષ મહિમા છે. મોટી સંખ્યામાં ભાવિક ભક્તોએ મંગળા આરતીના દર્શનનો લાભ લીધો.

દિલ્હી: સરાઈ કાલેખાન ISBT ચોકનું નામ બદલાયું

દિલ્હીના સરાય કાલેખાન ISBT ચોકનું નામ બદલીને બિરસા મુંડા ચોક કરવામાં આવ્યું છે. કેન્દ્રીય શહેરી વિકાસ મંત્રી મનોહર લાલ ખટ્ટરે આની જાહેરાત કરી હતી.

બનાસકાંઠાના ખેડૂતે પ્રાકૃતિક કૃષિને અપનાવી પંચસ્તરીય મોડેલ ફાર્મ ઉભુ કર્યુ

ગુજરાતમા દિન-પ્રતિદિન પ્રાકૃતિક ખેતીનો વ્યાપ વધી રહ્યો છે. રાજ્યમાં ૨૦ લાખથી વધુ ખેડૂતો પ્રાકૃતિક કૃષિ કરતા થાય તે માટે રાજ્યપાલ આચાર્ય દેવવ્રત અને મુખ્યમંત્રી ભુપેન્દ્રભાઈ પટેલના નેતૃત્વ અને માર્ગદર્શન હેઠળ પ્રાકૃતિક કૃષિ માટે અનેક પ્રયાસો હાથ ધરાયા છે. બનાસકાંઠા જીલ્લાના ખેડૂતો પણ આ દેશી ગાય આધારિત ખેતીના જીવામૃત, બીજામૃત, વાફસા અને સહજીવી પાક એટલે કે મિશ્ર પાક પધ્ધતિને અપનાવીને એક સ્વસ્થ સમાજની સાથે વધુ આવક મેળવતા થયા છે.

PM નરેન્દ્ર મોદીના નેતૃત્વ હેઠળ ગુજરાત રિન્યુએબલ એનર્જી ક્ષેત્રે વૈશ્વિક સ્તરે અગ્રેસર

રાજ્યના ઉર્જામંત્રી કનુભાઈ દેસાઈ એ અઝરબૈજાનના બાકુમાં યોજાઈ રહેલા (COP29) કૉન્ફરન્સમાં જણાવ્યું છે કે, વડાપ્રધાન નરેન્દ્રભાઈ મોદીના નેતૃત્વ હેઠળ ગુજરાત રિન્યુ એબલ એનર્જી ક્ષેત્રે વૈશ્વિક સ્તરે લઇ લીડરશીપ લઈ રહ્યું છે મુખ્યમંત્રી ભૂપેન્દ્રભાઈ પટેલના દૂરંદેશી માર્ગદર્શન હેઠળ ગુજરાતે પુનઃપ્રાપ્ય ઉર્જા અને સસ્ટેનેબલ વિકાસમાં તેના નેતૃત્વની વૈશ્વિક સ્તરે પુનઃ પુષ્ટિ કરી છે.

સુરેન્દ્રનગરનું આરોગ્ય વિભાગ સફાળે જાગ્યું, 10 હોસ્પિટલો શંકાના દાયરામાં

અમદાવાદ ખ્યાતિ હોસ્પિટલમાં બનેલી ઘટના બાદ મેડિકલ માફિયાઓ પર લગામ લગાવા હવે તંત્ર જાગ્યું છે. સંદેશ ન્યુઝના અહેવાલની અસર સુરેન્દ્રનગર આરોગ્ય વિભાગમાં જોવા મળી છે. સુરેન્દ્રનગર જિલ્લાની PMJAY યોજના અંતર્ગત સારવાર આપતી 10થી વધુ હોસ્પિટલો શંકાના દાયરામાં આવી છે. PMJAY યોજના અંતર્ગત સારવાર આપતી જિલ્લાની 10થી વધુ હોસ્પિટલોમાં ટૂંક સમયમાં ચેકિંગ કામગીરી હાથ ધરવામાં આવશે.

તેલંગાણા: અભિનેતા-ગાયક દિલજીત દોસાંઝને નોટિસ

તેલંગાણા સરકારે અભિનેતા-ગાયક દિલજીત દોસાંઝ અને હૈદરાબાદમાં આજે 15 નવેમ્બરે યોજાનારી 'દિલ-લુમિનાટી' કોન્સર્ટના આયોજકોને નોટિસ પાઠવી છે. નોટિસમાં કહેવામાં આવ્યું છે કે તેમણે દારૂ, ડ્રગ્સ અથવા હિંસાને પ્રોત્સાહન આપતા કોઈપણ ગીત ગાવાનું ટાળવું જોઈએ. નોટિસમાં એમ પણ કહેવામાં આવ્યું છે કે આયોજકો અને ગાયકોએ લાઈવ શો દરમિયાન સ્ટેજ પર બાળકોનો ઉપયોગ ન કરવો જોઈએ.

સુરેન્દ્રનગરમાં જન્મદિવસની પાર્ટીમાં હત્યાને અપાયો અંજામ

સુરેન્દ્રનગરમાં જન્મદિવસની પાર્ટીમાં હત્યાને અંજામ અપાયો છે,ત્યારે જન્મદિવસની ઉજવણી ચાલી રહી હતી તે દરમિયાન દારૂ પીવાની બાબતે બોલાચાલી થઈ હતી અને મિત્રો વચ્ચે માથાકૂટ થતા એક વ્યકિતને ધાબા પરથી નીચે ફેંકીને તેની હત્યા કરવામાં આવી હતી.ચંદન પરમાર નામના યુવકને ધાબા પરથી નીચે ફેંક્યો અને તેની હત્યા કરાઈ છે. પોલીસે સમગ્ર મામલે વધુ તપાસ હાથ ધરી છે.

અમદાવાદ: અસારવા રેલવે સ્ટેશન પર ટ્રેનમાંથી ઝડપાયો દેશી દારૂ

અમદાવાદ: અસારવા રેલવે સ્ટેશન પર ટ્રેનમાંથી દેશી દારૂ ઝડપાયો છે. ઉદેપુર-અમદાવાદ ટ્રેનમાં ગાંધીનગર SMCની ટીમની તપાસ ચાલી રહી છે. ત્રણ લોકોની ધરપકડ કરાઈ છે. કુલ 7 લોકો વિરૂદ્ધ ગુનો દાખલ કરવામાં આવ્યો છે. 770 લીટર દેશી દારૂ સાથે 2.51 લાખ રૂપિયાનો મુદ્દામાલ જપ્ત કરાયો.

શ્રીકષ્ટભંજનદેવ હનુમાનજીને સફેદ ગુલાબ અને સેવંતીના ફૂલોનો કરાયો દિવ્ય શણગાર

સ્વામિનારાયણ મંદિર વડતાલધામ સંચાલિત સુપ્રસિદ્ધ યાત્રાધામ સાળંગપુરધામ શ્રી કષ્ટભંજનદેવ હનુમાનજી મંદિર ખાતે દાદાને દિવ્ય વાઘાનો શણગાર તેમજ દાદાના સિંહાસનને સફેદ ગુલાબ અને સેવંતીના 200 કિલો ફુલનો દિવ્ય શણગાર કરવામાં આવ્યો છે.આજે કરાયેલા શણગાર વિશે પૂજારી સ્વામીએ જણાવ્યું કે સફેદ ગુલાબ અને સેવંતીના 200 કિલો ફૂલનો શણગાર કરાયો છે. વડોદરાથી આ ફુલ મંગાવ્યા છે. સિલ્કના વાઘા 15 દિવસની મહેનતે વૃંદાવનમાં તૈયાર થયા છે. જેમાં ફુલની ડિઝાઈન અને જરદોશી વર્ક કરાયું છે.

કાનપુરઃ સીએમ યોગી આવતીકાલે સિસામઉમાં રોડ શો કરશે

સીએમ યોગી આદિત્યનાથ શનિવારે કાનપુરના સિસામઉ વિધાનસભા ક્ષેત્રની પેટાચૂંટણીમાં જાહેર સભા અને રોડ શો કરશે. મુખ્યમંત્રીના કાર્યક્રમના રોડ શોની ભૂમિકા પણ તૈયાર કરવામાં આવી છે. લોકસભા ચૂંટણીમાં વડાપ્રધાન મોદીના ગુમતી રોડ શોની તર્જ પર સીએમ યોગીના રોડ શોનું આયોજન કરવામાં આવી રહ્યું છે.

અમદાવાદ: શહેરના અનેક વિસ્તારોમાં પ્રદૂષણ જોખમી સ્તરે

અમદાવાદ: શહેરના અનેક વિસ્તારોમાં પ્રદૂષણ જોખમી સ્તરે છે. રામોલ, હાથીજણ, વટવા, રિવરફ્રન્ટ વિસ્તારમાં AQI-400ને પાર છે. રામોલ-હાથીજણમાં હવા સૌથી ઝેરી, AQI-452 નોંધાયો. વટવામાં AQI-449, રિવરફ્રન્ટ પર AQI-435 છે. શહેરમાં સરેરાશ AQI-225 નોંધાયો છે. પ્રદૂષિત હવાથી શ્વસનતંત્રને લગતી બીમારીઓ વધવાની શક્યતા છે.

દેવદિવાળી નિમિત્તે અંબાજી મંદિરને રંગબેરંગી ફૂલોથી શણગારાયું

આજે દેવ દિવાળી નિમિત્તે અંબાજી મંદિરમાં વહેલી સવારે મંગળા આરતી કરવામાં આવી હતી. અંબાજી મંદિરમાં ભક્તો મોટી સંખ્યામાં દર્શન કરવા આવ્યા હતા. અંબાજી મંદિરમાં ભક્તો ધજા લઈને ગરબે ઘૂમતા જોવા મળ્યા હતા. અંબાજી મંદિરને રંગબેરંગી ફુલોથી શણગારવામાં આવ્યુ હતુ.આજે અંબાજી મંદિરમાં દેવ દિવાળીના પર્વ નિમિત્તે મોટી સંખ્યામાં ભક્તો દર્શન કરવા આવ્યા હતા.

શામળાજીના નાગધરો કુંડમાં ભક્તોની ઉમટી ભીડ

દેવ દિવાળીના તહેવાર પર યાત્રાધામ શામળાજી વિશેષ બની જાય છે. આજે અહીં કાર્તિકી પૂર્ણિમાના મેળા ભરાયા હતા. આ તહેવાર પર મેશ્વો ડેમની તળેટીમાં આવેલા નાગધરા કુંડમાં સ્નાન કરવાનું વિશેષ મહત્વ છે. ત્યારે પૂર્ણિમા નિમિત્તે હજારો શ્રદ્ધાળુઓ પોતાના પૂર્વજોના મોક્ષાર્થે શામળાજીના દર્શન કરવા આવ્યા હતા. મંદિરના દર્શન કરવા અને મેળામાં દર્શન કરવા માટે વહેલી સવારથી જ ભક્તોની ભીડ જામી હતી. આજે ભગવાનને પણ વિશેષ શણગાર કરવામાં આવ્યો હતો.

ખ્યાતિ હોસ્પિટલકાંડમાં કોર્ટે તબીબના 7 દિવસના રિમાન્ડ મંજૂર કર્યા

ખ્યાતિ હોસ્પિટલના એક પછી એક કાંડ સામે આવી રહ્યા છે. ક્લિનિકલ એસ્ટાબ્લિશમેન્ટ એક્ટની મંજૂરી વગર જ હોસ્પિટલ ચાલતી હોવાનો ખુલાસા બાદ હોસ્પિટલને નોટિસ ફટકારાઇ છે. તો દર્દીઓનું દિલ કારણ વગર ચીરી નાંખનારા ડોક્ટર પ્રશાંત વજીરાણીની પોલીસે ધરપકડ કરી કોર્ટમાં રજૂ કર્યો. જ્યાં કોર્ટે તબીબના 7 દિવસના રિમાન્ડ મંજૂર કર્યા છે.

ગાંધીનગર: માણસામાં બાળક ચોરી કરતી મહિલા પકડાઇ

ગાંધીનગર: માણસામાં બાળક ચોરી કરતી મહિલા પકડાઇ છે. મહિલાનો વીડિયો આવ્યો સામે. લોકોએ ભેગા થઈ મહિલા બાળક ચોરવા આવી હોય એવો વીડિયો વાયરલ કર્યો. વીડિયોમાં મહિલા પર લોકોએ બાળક ચોરી કરતી હોવાનો આક્ષેપ લગાવ્યો છે. હાલ વીડિયો સોશિયલ મીડિયામાં વાયરલ થઈ રહ્યો છે. જો કે TV9 આ વીડિયોની પુષ્ટિ કરતુ નથી. હાલ રાજ્યમાં બાળક ચોરતી ગેગ એક્ટિવ થઈ છે એવી અફવાઓ વચ્ચે આ વીડિયો હાલ તપાસનો વિષય છે.

ગિરનાર લીલી પરિક્રમાનો આજે અંતિમ દિવસ

ગિરનાર લીલી પરિક્રમાનો આજે અંતિમ દિવસ છે. મોટીસંખ્યામાં શ્રદ્ધાળુઓ આજે ગિરનાર લીલી પરિક્રમા પૂર્ણ કરશે. સાડા 6 લાખથી વધુ શ્રદ્ધાળુઓએ લીલી પરિક્રમાં પૂર્ણ કરી છે.

રાજયમાં "ગુલાબી ઠંડી"ની થઈ શરૂઆત, સ્વેટર પહેરવાની રાખજો તૈયારી

રાજયમાં વાતાવારણને લઈ હવામાન વિભાગે આગાહી આપી છે,જેમાં હાલ ગુલાબી ઠંડીની શરૂઆત થઈ ગઈ છે.રાજયમાં બેવડી ઋતુનો અનુભવ યથાવત છે ત્યારે બપોરે ગરમી તો વહેલી સવારે અને રાત્રે ઠંડીની અસર જોવા મળી છે,13 જિલ્લામાં તાપમાન 20 ડિગ્રીથી ઓછું નોંધાયું છે.હવે રાજયમાં ઠંડીનો ચમકારો દેખાઈ રહ્યો છે,વહેલી સવારે અને મોડી રાત્રે શહેરમાં ઠંડીના ચમકારાનો અહેસાસ થઈ રહ્યો છે. હવામાન વિભાગના આંકડા પ્રમાણે વાત કરવામાં આવે તો સૌથી ઓછું તાપમાન કેશોદમાં 17.5 ડિગ્રી,સૌથી વધુ તાપમાન રાજકોટમાં 36.3 ડિગ્રી,અમદાવાદમાં મહત્તમ તાપમાન 34.4 ડિગ્રી, લઘુતમ તાપમાન 20.8 ડિગ્રી,ગાંધીનગરમાં મહત્તમ તાપમાન 34.2 ડિગ્રી, લઘુતમ તાપમાન 19.6 ડિગ્રી,નલિયામાં મહત્તમ તાપમાન 34.2 ડિગ્રી, લઘુતમ તાપમાન 18.4 ડિગ્રી,અમરેલીમાં મહત્તમ તાપમાન 35.0 ડિગ્રી, લઘુતમ તાપમાન 17.8 ડિગ્રી,સુરતમાં મહત્તમ તાપમાન 36.3 ડિગ્રી, લઘુતમ તાપમાન 19.1 ડિગ્રી તો કેશોદમાં મહત્તમ તાપમાન 35.0 ડિગ્રી, લઘુતમ તાપમાન 17.5 ડિગ્રી નોંધાયું છે.

કારતક પૂર્ણિમાના દિવસે વારાણસીમાં ગંગા નદીમાં સ્નાન કરવા માટે ભક્તોની ભીડ ઉમટી

યુપી: કારતક પૂર્ણિમાના અવસર પર વારાણસીમાં ગંગા નદીમાં પવિત્ર સ્નાન કરવા માટે ભક્તોની ભારે ભીડ જોવા મળી હતી.

દિલ્હીની હવા ઝેરી છે, હવા ગુણવત્તા સૂચકાંક 400ને પાર

સેન્ટ્રલ પોલ્યુશન કંટ્રોલ બોર્ડની એપ સમીર અનુસાર, આજે દિલ્હીનો હવા ગુણવત્તા સૂચકાંક 409 છે, જે ગંભીર શ્રેણી છે. આજે પણ ઘણા વિસ્તારોમાં AQI 450 થી ઉપર છે.