Gujarat Breaking News Updated: મુખ્યમંત્રી ભૂપેન્દ્ર પટેલે મહારાષ્ટ્રમાં કર્યો પ્રચાર

મણિપુરમાં પ્રદર્શનકારીઓ ઉગ્ર બન્યા,  મંત્રીઓ અને ધારાસભ્યોના ઘર પર હુમલો

મણિપુરમાં રાહત શિબિરમાંથી 6 લોકોના અપહરણ અને તેમાંથી ત્રણની હત્યા બાદ ફરી એકવાર તણાવ ચરમસીમાએ પહોંચી ગયો છે. આ ઘટનાના વિરોધમાં લોકો રસ્તા પર ઉતરી આવ્યા છે. શનિવારે રાજધાની ઈમ્ફાલમાં ભીડ એટલી હિંસક બની ગઈ હતી. શનિવારે ઈમ્ફાલમાં, વિરોધીઓ જીરીબામ જિલ્લામાં ત્રણ લોકોના મૃત્યુના સંબંધમાં ન્યાયની માગણી કરતા બે મંત્રીઓ અને ત્રણ ધારાસભ્યોના નિવાસસ્થાનમાં પ્રવેશ્યા હતા. આ ઘટના બાદ ઇમ્ફાલ પશ્ચિમ (જિલ્લા) વહીવટીતંત્રે જિલ્લામાં અનિશ્ચિત સમય માટે કર્ફ્યુ લાદી દીધો હતો.

ચીનની શાળામાં છરીથી હુમલો, 21 વર્ષના વિદ્યાર્થીએ 8 લોકોની કરી હત્યા

ચીનના જિઆંગસૂ પ્રાંતના યિક્સિંગ શહેરની એક શાળામાં હેરાન કરનારી ઘટના સામે આવી છે. જ્યાં એક વિદ્યાર્થીએ છરી વડે હુમલો કરીને 8 લોકોની હત્યા કરી હતી. સ્થાનિક પોલીસ અધિકારીઓએ જણાવ્યું કે વિદ્યાર્થીના હુમલામાં 17 લોકો ઘાયલ પણ થયા છે. યિક્સિંગ શહેરની પોલીસે મૃત્યુઆંકની પુષ્ટિ કરતા જણાવ્યું હતું કે હુમલો સાંજે જિઆંગસુ પ્રાંતના વૂશી વોકેશનલ ઈન્સ્ટિટ્યૂટ ઓફ આર્ટસ એન્ડ ટેક્નોલોજીમાં થયો હતો. ઘણા મીડિયા રિપોર્ટ્સમાં એવો દાવો કરવામાં આવ્યો છે કે હુમલાખોર બીજું કોઈ નહીં પણ એક સ્કૂલનો વિદ્યાર્થી છે જેની ઉંમર 21 વર્ષની આસપાસ હોવાનું કહેવાય છે.

પોરબંદરમાં અકસ્માતમાં એકનું મોત

પોરબંદરમાં અકસ્માતમાં એકનું મોત થયું છે. સોમનાથ બાયપાસ રોડ પર અકસ્માત સર્જાયો હતો. કાર અને રીક્ષા વચ્ચે અકસ્માતમાં સર્જાયો, જેમાં રીક્ષા ચાલકનું અકસ્માતમાં મોત થયું છે.  

બરેલીમાં માલગાડીને ઉથલાવી દેવાનું ષડયંત્ર, રેલવે ટ્રેક પર મુકયા કોંક્રીટના થાંભલા 

શનિવારે ફરી એકવાર ઉત્તર પ્રદેશમાં ટ્રેનને ઉથલાવી દેવાનું ષડયંત્ર રચવામાં આવ્યું હતું. કેટલાક તત્વોએ રેલવે ટ્રેક પર કોંક્રીટનો થાંભલો મૂકીને ટ્રેનને ઉથલાવી દેવાની યોજના બનાવી હતી. જેના કારણે બરેલી તરફ આવી રહેલી એક માલગાડી પલટી જવાથી બચી ગઈ હતી. જોકે, માલગાડીના એન્જિનને નુકસાન થયું છે. જ્યારે પાયલોટે ઈમરજન્સી બ્રેક લગાવતા મોટી દુર્ઘટના ટળી હતી.

Jhansi અગ્નિકાંડ બાદ એક્શનમાં સરકાર, લખનૌમાં 80 હોસ્પિટલને ફટકારી નોટિસ

ઝાંસીની મેડિકલ કોલેજમાં આગને કારણે 10 બાળકોના મોત બાદ યોગી સરકાર હવે એક્શન મોડમાં આવી ગઈ છે. લખનૌથી નોઈડા અને બારાબંકીથી આઝમગઢ સુધી વહીવટીતંત્ર એક્ટિવ મોડમાં આવી ગયું છે. લખનૌમાં ફાયર વિભાગે 80 હોસ્પિટલને નોટિસ ફટકારી છે.

અભિનેતા અક્ષય કુમારે વડાપ્રધાન મોદી સાથે કરી મુલાકાત 

બોલિવુડ અભિનેતા અક્ષય કુમારે આજે વડાપ્રધાન નરેન્દ્ર મોદી સાથે મુલાકાત કરી છે. અક્ષય કુમારે તેની ઈન્સ્ટાગ્રામ સ્ટોરીમાં પીએમ મોદી સાથેની મુલાકાતની તસવીર પણ શેર કરીને તેના ફેન્સને આ અંગે જાણકારી આપી છે. પીએમ સાથે અક્ષય કુમારની મુલાકાત દિલ્હીમાં એક કાર્યક્રમમાં થઈ હતી. આ તસવીરમાં અભિનેતા અક્ષય કુમાર વડાપ્રધાન મોદીને હાથ મિલાવતો જોવા મળી રહ્યો છે.

અમદાવાદના નહેરુનગરના માણેકબાગ રોડ પર ફાયરિંગની ઘટના

અમદાવાદમાં વધુ એક વખત ફાયરિંગની ઘટના બની છે. નહેરુનગરના માણેકબાગ રોડ પર ફાયરિંગની ઘટના બની છે. અંગત અદાવતમાં ફાયરિંગ કરી હુમલો કરવામાં આવ્યો છે. ફાયરિંગમાં એક વ્યકતિને ઈજા પહોંચી છે. હાલમાં DCP સહિતનો પોલીસ કાફલો ઘટના સ્થળે હાજર છે. 

થરાદમાં ટોલ શરૂ થયા પહેલા સ્ટાફ દ્વારા રોકડી

થરાદમાં ટોલ શરૂ થયા પહેલા સ્ટાફ દ્વારા રોકડી કરવામાં આવી રહી છે. ભારતમાલા પ્રોજેક્ટમાં થરાદ સિક્સ લેન પર રોકડી કરવામાં આવી રહી છે. બંધ ટોલટેક્સ પર 500 રૂપિયા વસૂલવાના આક્ષેપો કરવામાં આવી રહ્યા છે. રાત્રીના સમયે વાહનચાલકો પાસેથી પૈસા પડાવાય છે.

મુખ્યમંત્રી ભૂપેન્દ્ર પટેલે મહારાષ્ટ્રમાં કર્યો પ્રચાર

મુખ્યમંત્રી ભૂપેન્દ્ર પટેલે મહારાષ્ટ્રમાં પ્રચાર કર્યો. મહારાષ્ટ્ર વિધાનસભાની ચૂંટણી માટે CMએ પ્રચાર કર્યો. અંધેરી ઈસ્ટ બેઠકમાં CM ભૂપેન્દ્ર પટેલે સભા સંબોધી. તમને જણાવી દઈએ કે અંધેરી ઈસ્ટથી મૂળજી પટેલ મહાયૂતિના ઉમેદવાર છે. 

રાજકોટ: આપઘાતની ઘટના મામલે પોલીસે આરોપી ધર્મેશ પારેખની કરી અટકાયત

રાજકોટમાં સોની કારીગર અશ્વિન આડેસરાના આપઘાતની ઘટના મામલે પોલીસે આરોપી ધર્મેશ પારેખની અટકાયત કરી છે. આત્મહત્યાની દુષ્પ્રેરણાનો ગુનો નોંધાયો છે. અન્ય 3 આરોપીઓ સામે પણ ફરિયાદ નોંધાઈ છે. ફરિયાદીએ જ પોલીસને આરોપીનું લોકેશન આપ્યું છે. આરોપીને લીંબડી પોલીસને સોંપવામાં આવશે.

અંબાજી આબુરોડ હાઈવે પર કારમાં આગ

અંબાજી આબુરોડ હાઈવે પર કારમાં આગની ઘટના બની છે. મોરબીના ટાઈલ્સ વેપારીની કારમાં આગ લાગી હતી. આબુરોડ પાસેના ધર્મકાંટા વિસ્તારમાં કારમાં આગ લાગી હતી. કારમાં બેઠેલા તમામ 4 લોકોનો બચાવ થયો છે. 

ગોધરામાં તસ્કરોનો તરખાટ, SRP ક્વાર્ટસમાં જ કર્યો હાથફેરો

પંચમહાલમાં તસ્કરોનો તરખાટ. જનતાને રક્ષણ પૂરું પાડતા એસ આર પી જવાનોના સરકારી ક્વાટર્સમાં જ ચોરી કરી. ગોધરા એસઆરપી ગ્રુપ 5ના કોન્સ્ટેબલના સરકારી ક્વાટર્સમાં તસ્કરો હાથફેરો કરી સોના ચાંદીના દાગીનાની ચોરી કરી ફરાર થયા. એસ આર પી જવાન સુરતમાં ફરજ પર હતા અને પરિવાર વતન ગયો હતો તે દરમ્યાન જ બંધ મકાન માં તસ્કરોએ ચોરીને અંજામ આપ્યો. સોના ચાંદીના દાગીના અને રોકડ સહિત રૂપિયા 3.91 લાખની મત્તાની ચોરી.

દાહોદ જિલ્લો બન્યો નશાના વાવેતરનું એપી સેન્ટર 

દાહોદ SOG ડ્રોનની મદદથી નશાનુ વાવેતર ઝડપી પાડયુ. ગુણા ગામના ગુણીયા ફળીયામા વાવેતર કરેલ ગાંજાનુ વાવેતર ઝડપી પાડયુ. કુલ 493 છોડ જેનો વજન 169 કિલો, 100 ગ્રામ ગાંજો ઝડપી પાડ્યો. દાહોદ SOG પોલીસએ કુલ 16,91,000 મુદ્દામાલ સાથે 2 પુરષ સહીત 1 મહિલાને ઝડપી પાડી. નાઇટ વિઝન થર્મલ ડ્રોન દ્વારા પોલીસએ ફરી એક વાર નશાનુ વાવેતર ઝડપી પાડયુ. દાહોદ જિલ્લો નશાનુ વાવેતર માટે એપી સેન્ટર બન્યો છે.

શુક્લાતીર્થના મેળામાં 4 લોકોના ડૂબી જવાની ઘટના

ભરૂચના શુક્લાતીર્થના ભાતીગળ મેળામાં નર્મદા સ્નાન દરમિયાન ચાર લોકોના મૃત્યુ પામવાની ઘટના બાબતે સાંસદ મનસુખ વસાવાનું ચોકાવનાર નિવેદન આપતા જણાવ્યું કે, નિર્દોષ લોકોના નર્મદામાં ડૂબી જવાથી મૃત્યુ નીપજવાની ઘટના પાછળ ભરૂચ નર્મદા અને વડોદરા જિલ્લાનું વહીવટી તંત્ર જવાબદાર છે. ખાણ અને ખનીજ વિભાગની મીલિભગતથી રેતી માફિયા બેફામ બન્યા છે. રેતી માફીયાઓના  ગાંધીનગર સુધી રાજકીય કનેક્શન હોવાના સાંસદના આક્ષેપ. સંકલન બેઠકમાં મુદ્દો ઉઠાવાયો. મુખ્યમંત્રીને  ફરિયાદ કરવામાં આવી. અગાઉ મુખ્યમંત્રીને રેતી માફિયાઓની ફરિયાદ કરાયા બાદ ત્રણ ચાર મહિના ગેરકાયદેસર રેતી ખનન પર નિરંતર આવ્યા બાદ ફરી પ્રવૃત્તિ બેફામ બની છે.

ડ્રગ્સ સાથે ઝડપાયેલા ઇરાની શખ્સોના રિમાંડ મંજૂર

પોરબંદરના સમુદ્રમાંથી 700 કિલો ડ્રગ્સ અને 8 ઈરાની નાગરિકોની ધરપકડ મુદ્દે NCB, ATS દ્વારા આજે 8 ઈરાની નાગરિકોને પોરબંદર કોર્ટમાં રજૂ કરાયા છે. સુરક્ષા એજન્સીઓ દ્વારા સાત દિવસના રિમાન્ડની માંગણી કરવામાં આવી હતી. પોરબંદર કોર્ટે 4 દિવસના રિમાન્ડ મંજૂર કર્યા. ઈરાની નાગરિકો પાસેથી ડ્રગ્સની સાથે સેટેલાઈટ ફોન સહિતની ટેકનોલોજી મળી આવી.

ભાવનગરમાં સીટી બસે મહિલાને લીધી અડફેટે

ભાવનગર શહેરના મહિલા કોલેજ સર્કલ ખાતે અકસ્માતનો બનાવ બન્યો. મહિલા કોલેજ ખાતે સફાઈ કામદાર સાથે અકસ્માત સર્જાયો. સીટી બસ ચાલકએ મનપાના સફાઈ કામદાર મહિલાને અડફેટે લેતા સમગ્ર ઘટનાના સીસીટીવી ફૂટેજ સામે આવ્યા. મહિલા ડિવાઈડર પાસે સફાઈ કરતી હતી અને સિટી બસના ચાલકે અડફેટે લીધી. મહિલાને ગંભીર ઇજાઓ થતા સારવાર માટે સિવિલ હોસ્પિટલમાં ખસેડવામાં આવી.

વડોદરા મનપાની સામાન્ય સભામાં ઘમાસાણ

કોર્પોરેશનની સામાન્ય સભામાં પાણીના મુદ્દે ઘમાસાણ. પાણીની સમસ્યાને લઇ ભાજપ અને કોંગ્રેસના કાઉન્સિલરો આમને સામને. દિવાળી બાદ યોજાયેલી પ્રથમ સભામાં કોંગ્રેસના કાઉન્સિલરોએ પાણી મુદ્દે આક્ષેપોનો મારો ચલાવ્યો. માનવ સર્જિત પૂરની સમસ્યા સંદર્ભે પણ કોંગ્રેસે ઉઠાવ્યા સવાલો. કોંગ્રેસ કાઉન્સિલરોના સવાલોના જવાબો નહીં મળતા કાઉન્સિલર નીચે બેસીને વિરોધ નોંધાવ્યો.

આચારસંહિતા ભંગની ફરિયાદ પર ચૂંટણી પંચ કડક, ભાજપ, કોંગ્રેસ પાસેથી માંગ્યા જવાબ

ઝારખંડમાં પ્રથમ તબક્કાની ચૂંટણી માટે 13 નવેમ્બરે મતદાન થયું હતું જ્યારે બીજા તબક્કાની ચૂંટણી 20 નવેમ્બરે છે. તે જ સમયે, મહારાષ્ટ્રમાં પણ, 20 નવેમ્બરના રોજ એક જ તબક્કામાં રાજ્યની તમામ 288 વિધાનસભા બેઠકો પર મતદાન થશે. બંને રાજ્યોના પરિણામો એકસાથે 23 નવેમ્બરે જાહેર થશે.

Maharashtra: પ્રચાર દરમિયાન ગોવિંદાની તબિયત અચાનક બગડતાં રોડ શો અધવચ્ચે જ રોક્યો

અભિનેતા ગોવિંદા મહારાષ્ટ્ર વિધાનસભા ચૂંટણીમાં સીએમ એકનાથ શિંદેની પાર્ટી શિવસેના માટે પ્રચાર કરી રહ્યા છે. શનિવારે, જલગાંવ જિલ્લાના પચારણમાં પાર્ટીના ઉમેદવારના સમર્થનમાં પ્રચાર કરતી વખતે, ગોવિંદાની તબિયત બગડી અને તે રોડ શો અધવચ્ચે છોડીને મુંબઈ જવા રવાના થઈ ગયા.

ભાવનગરમાં વાહનચાલક સાથે તોડ કેસમાં કાર્યવાહી

ભાવનગરમાં થોડા દિવસ પહેલા વાયરલ થયેલ TRB જવાનના વીડિયો મામલે ટ્રાફિક બિગ્રેડના હેડ કોન્સ્ટેબલ અને 2 TRB જવાનને સસ્પેન્ડ કર્યા છે. જિલ્લા પોલીસવડા ડો. હર્ષદ પટેલએ કાર્યવાહી કરી. જિલ્લા પોલીસવડાએ હેડ કોન્સ્ટેબલ અને 2 TRB જવાનને સસ્પેન્ડ કરતા પોલીસબેડામાં ભારે ખળભળાટ.

જંબુસર ભરૂચ નેશનલ હાઇવે પર ટ્રાફિક જામ

જંબુસર ભરૂચ નેશનલ હાઇવે 64 ઉપર 10 કિલોમીટરનો ટ્રાફિક જામ. આમોદથી ભરૂચ જતા તણછા ગામ પાસે ટ્રાફિક જામ સર્જાયો. તણછા ગામ નજીક મોટી ટ્રક રોડ ઉપર આડી થઈ જતા ટ્રાફિકજામ. ગાડીની એક્સલ તુટી જવાથી ગાડી રસ્તામાં જ આડી થઈ ગઈ જેને લઇને ટ્રાફિકની સમસ્યા સર્જાઈ. બે કલાક સુધી પણ ટ્રાફિકની સમસ્યાનું નિરાકરણ નહીં. અનેક વાહન ચાલકો ટ્રાફિકમાં ફસાયા સાથે બસમાં પેસેન્જર પણ ટ્રાફિકમાં ફસાયાં. બે કલાક સુધી પણ ટ્રાફિકની સમસ્યાનું નિરાકરણ ના આવતા આમોદ પોલીસને ખબર પડતા જ આમોદ પોલીસ ઘટના સ્થળે પહોંચી ટ્રાફિક દૂર કરવાની કવાયત હાથ ધરી હતી.

ખેડા ભાજપમાં આંતરિક વિવાદ ચરમસીમાએ

પૂર્વ ધારાસભ્ય કેસરીસિંહ સોલંકી ખેડા જિલ્લા દૂધ ઉત્પાદક સહકારી મંડળી સામે નારાજ. નડીઆદ ભાજપ કાર્યાલય ખાતે ડિરેક્ટરો ધારાસભ્ય સાથે કરેલી મીટિંગને લઈ સોસીયલ મીડિયામાં બળાપો ઠાલવ્યો. પશુપાલકોના હિતમાં કામ કરતા લોકો માટે બળાપો ઠાલવ્યો. ભાજપના નેતાઓ સામે પણ સ્ફોટક નિવેદન કરતા કહ્યું કે, તમારા જિલ્લામાં ચાલતા દારૂના વેપારની ચિંતા કરો. ભાજપના નામે પશુપાલકોની ચિંતા ના કરશો. મેન્ડેટ આપ્યા બાદ પણ તેને હારવાનું કામ 2020માં તમે કર્યું હતું. 

1. Ahmedabadમાં NRI દિપક પટેલની હત્યાનો ઉકેલાયો ભેદ, બોપલ પોલીસે હત્યારાની કરી ધરપકડ 

2. Tsunami: ઓડિશાના 24 ગામોને સુનામીનું ટેગ મળ્યું, આ ગામોમાં શું બદલાવ થશે? 

3. Petladમાં ઓવરબ્રિજની કામગીરી ગોકળગતિએ, વાહનચાલકો અને રહીશો પરેશાન 

4. Botadમાં રોજગાર ઇચ્છુકોને રોજગારી પ્રાપ્ત થાય તેવા હેતુસર ભરતી મેળાનું આયોજન કરાયું 

5. Agriculture News: ખેડૂતો માટે ફાયદાના સમાચાર, આ યોજનામાં સહાયની રકમ વધારી 

6. Surat: આને કહેવાય રત્ન 'કલાકાર', મંદીને પહોંચી વળવા કર્યો ગજબનો ઉપાય ! 

7. આંધ્રપ્રદેશના CM ચંદ્રબાબૂ નાયડુના ભાઈ રામમૂર્તિનું નિધન, હૈદરાબાદમાં લીધા અંતિમ શ્વાસ 

8. Surat: નકલી પોલીસ બની કોન્ટ્રાક્ટર સાથે કર્યો તોડ, 4 લોકોને પોલીસે દબોચ્યા 

9. 'અડાલજની વાવ' ખાતે યોજાશે વોટર ફેસ્ટિવલ, વારસાને પુનર્જીવિત કરવાના 15 વર્ષની ઉજવણી 

10. ICICI બેંક ક્રેડિટ કાર્ડના નિયમોમાં ફેરફાર, તમારા ખિસ્સા પર શું થશે અસર? 

ધોરાજીમાં સુપેડી નેશનલ હાઇવે પર બસમાં આગ

રાજકોટ જિલ્લાના ધોરાજીના સુપેડી ગામના નેશનલ હાઈવે પર ટ્રાવેલ્સમાં કોઈ કારણસર ટ્રાવેલ્સ સંપૂર્ણ બળીને ખાખ થઈ ગઈ. પોરબંદરથી રાજકોટ જતી ખાનગી ટ્રાવેલ્સ કોઈ કારણસર આગ લાગી હોવાથી ધોરાજી નગરપાલિકા ફાયર બ્રિગેડ સ્ટાફ તાત્કાલિક ઘટના સ્થળે પહોચ્યો. આગ કાબુમા લેતા પહેલા જ ટ્રાવેલ્સ બસ સંપૂર્ણ બળીને ખાખ. સદનસીબે કોઈ પણ પ્રકાર જાનહાની થઈ નથી ટ્રાવેલ્સમા બેઠેલ તમામ પેસેન્જરનો આબાદ બચાવ. શક્તિ ટ્રાવેલ્સ નામની બસ જે સુપેડી ગામ નજીક પહોંચતા કોઈ કારણસર આગ લાગી.

અરવલ્લીમાં કાર-બાઇક વચ્ચે અકસ્માતમાં બેના મોત

માલપુરના ભેમપુર પાસે કાર અને બાઇક વચ્ચે અકસ્માત સર્જાયો. અકસ્માતમાં બાઇક પર સવાર બે વ્યક્તિના મોત. બન્ને મૃતકો શ્રમિક હોવાની પ્રાથમિક વિગત. એક ઇજાગ્રસ્તને સારવાર અર્થે ખસેડવામાં આવ્યો. માલપુર પોલીસે તપાસ હાથ ધરી.

મહેસાણાના વડનગરમાં અકસ્માતમાં બાળકનું મોત

રેતી ભરેલા ટ્રેક્ટરે કારને ટક્કર મારતા અકસ્માત સર્જાયો. રેતી ભરી ટ્રેક્ટર રોંગ સાઇડમાં આવી રહ્યું હતું જે દરમિયાન કાર સાથે અકસ્માત સર્જાયો. કારમાં 3 લોકો સવાર હતા. એક મહિલાને ગંભીર હાલતમાં હોસ્પિટલ ખસેડવામાં આવી. અકસ્માતમાં એક નાના ૫ વર્ષના બાળકનું મોત. એક મહિલા ગંભીર રીતે ઘાયલ થતા હોસ્પિટલ ખસેડવામાં આવી.

પંચમહાલ શહેરા લુણાવાડા હાઇવે પર અકસ્માતમાં એકનું મોત

પંચમહાલમાં માર્ગ અકસ્માતમાં એકનું મોત એક વ્યક્તિ ઘાયલ. શહેરા લુણાવાડા હાઇવે ઉપર વાંટાવ છોડા પાસે  કન્ટેનર ગાડી અને બાઈક વચ્ચે અકસ્માત સર્જાયો. રોંગ સાઈડ આવતી ટ્રકે અકસ્માત સર્જ્યો. અકસ્માતમાં  બાઈક ચાલકનું ઘટના સ્થળે મોત એકની હાલત ગંભીર. બનાવ સ્થળે  વાંટાવછોડાં  ગામના અજય પટેલીયાનું મોત. ઇજાગ્રસ્ત યુવાનને સારવાર અર્થે ખાનગી દવાખાનામાં  ખસેડાયો. બનાવ સ્થળે  વાંટાવછોડાં ગામના અજય પટેલીયાનું મોત.

દાહોદમાં અકસ્માતમાં બેના મોત, 3 ઘાયલ

દાહોદમાં ગરબાડાના દેવધામાં હાઇવે પર કારચાલકે સ્ટિયરિંગ પરનો કાબૂ ગુમાવતા કાર ઝાડ સાથે ટકરાતા અકસ્માતમાં બેના મોત, 3 ઘાયલ, ઇજાગ્રસ્ત 3 લોકોને સારવાર અર્થે ખસેડાયા, પોલીસે હાથ ધરી તપાસ.

શિયાળાની શરૂઆત થતાં અમદાવાદ DEOની સ્કૂલોને સૂચના

• સ્વેટર માટે વિદ્યાર્થીઓને ફરજ નહીં પાડી શકાય
• ચોક્કસ જગ્યાએથી સ્વેટર ખરીદવા ફરજ નહીં પાડી શકે
• ઘણી સ્કૂલો યુનિફિર્મ, સ્વેટર ખરીદવા પાડે છે ફરજ
• ચોક્કસ જગ્યાએથી ખરીદવા બાળકોને પાડે છે ફરજ

પંચમહાલના શહેરા-લુણાવાડા હાઇવે પર અકસ્માતમાં એકનું મોત

પંચમહાલના શહેરા લુણાવાડા હાઇવે પર વાંટાવ છોડા પાસે કન્ટેનર-બાઈક વચ્ચે અકસ્માતમાં એકનું મોત થયાના સમાચાર સામે આવ્યા છે. અકસ્માતમાં બાઈક ચાલકનું મોત, એકની હાલત ગંભીર, ઇજાગ્રસ્ત યુવાનને સારવાર અર્થે ખસેડાયો

મહીસાગર જિલ્લામાં કોતરમાંથી યુવકનો મૃતદેહ મળ્યો

મહીસાગર જિલ્લામાં જેતપુર મક્કરના મુવાડાના કોતરમાંથી કલાભાઇ પગી નામના યુવકનો મૃતદેહ મળ્યો છે. 26 વર્ષના યુવકનો મૃતદેહ મળતા અનેક તર્કવિતર્ક, પોલીસે હત્યા કે આત્મહત્યા મુદ્દે તપાસ હાથ ધરી 

બોટાદમાં રોજગાર ઇચ્છુકોને રોજગારી પ્રાપ્ત થાય તેવા હેતુસર ભરતી મેળાનું આયોજન કરાયું

બોટાદ જિલ્લા રોજગાર વિનિમય કચેરી, બોટાદ દ્વારા જિલ્લાના રોજગાર ઇચ્છુકોને રોજગારી પ્રાપ્ત થાય તેવા હેતુસર ટાટા મોટર્સમાં વિવિધ જગ્યા માટે ૧૮થી ૨૫ વર્ષની વયમર્યાદા તેમજ ધોરણ-૧૨ પાસ/ આઇ.ટી.આઇ / ડિપ્લોમા/ સ્નાતકની લઘુત્તમ શૈક્ષણિક લાયકાત ધરાવનારાઓ માટે ભરતી મેળાનું આયોજન કરાયું છે.

સુરતમાં હિંદુ સંગઠનો વિરુદ્ધ ઉશ્કેરીજનક પેમ્પલેટ વાયરલ કરનાર વિધર્મીને પોલીસે ઝડપ્યો

લિંબાયત વિસ્તારમાં આવેલ આ દેખાતા ટ્યુશન ક્લાસમાં મુસ્લિમ વિરોધી સંગઠનો સામે ટકવા અને ભાજ૫, આરએસએસ અને શિવસેના જેવા સંગઠનોને જડથી ઉખાડી નાખવાની ટ્રીક સહિતના ઉદ્દેશ્યો સાથે શિક્ષણ આપવામાં આવતું હોવાના પેમ્પલેટનું આસપાસના વિસ્તારમાં વિતરણ થતાં ભારે હોબાળો મચી જવા પામ્યો હતો.આ સંદર્ભે ટ્યુશન ક્લાસના સંચાલકને જાણ થતાં તેના હાથ-પગ ઠંડા થઈ ગયા હતા અને સમગ્ર ઘટના અંગે પોતે નિર્દોષ હોવાને કારણે તેણે આ સંદર્ભે તપાસ હાથ ધરતાં યુવકના સસરા દ્વારા જ આ પ્રકારના કોમી વૈમનસ્ય ફેલાવતાં પેમ્પલેટ છાપીને વિતરણ કરવામાં આવ્યો હોવાનો ઘટસ્ફોટ થયો હતો.

અનાજની ખરાબ ગુણવત્તાને લઇ રજૂઆતની ઘટના

• કલેક્ટરે સમગ્ર કેસમાં આપ્યા તપાસના આદેશ
• રામ મોકરિયા દ્વારા ઉઠાવાયા હતા સવાલો
• સેમ્પલ લઈ મોકલવામાં આવ્યાઃ રાજકોટ કલેક્ટર
• રાજકોટમાં કલેક્ટરની પુરવઠા બેઠકમાં થઇ હતી તડાફડી
• રામ મોકરિયાએ આપ્યા હતા સસ્તા અનાજના નમૂના
• ઘઉં, ચોખા, દાળ, ચણાના નમૂના આપ્યા હતા
• અનાજમાં જીવાત હોવાનું પણ સામે આવ્યું હતું

મહારાષ્ટ્રના ધામણગાંવમાં રાહુલ ગાંધીના હેલિકોપ્ટરનું ચેકિંગ

મહારાષ્ટ્રના અમરાવતીમાં ધમણગાંવ રેલવેના હેલિપેડ પર રાહુલ ગાંધીની બેગની તપાસ કરવામાં આવી છે. રાહુલ ગાંધી અહીં મહાવિકાસ અઘાડીના 8 ઉમેદવારોના પ્રચાર માટે આવ્યા છે. તેમની જાહેર સભા ધામણગાંવ રેલવેના જુનામાં યોજાવાની છે.

આણંદના પેટલાદના શહેરી વિસ્તારમાં બે ઓવરબ્રિજની કામગીરી ગોકળગતિએ

આણંદના પેટલાદના શહેરી વિસ્તારમાં બે ઓવરબ્રિજની કામગીરી એક સાથે ચાલી રહી છે. શહેરના બસ સ્ટેન્ડ વિસ્તાર તથા હાઈવે રસ્તા ઉપર ઓવરબ્રિજની કામગીરી ચાલી રહી છે. હાઈવે રસ્તા ઉપરના ઓવરબ્રિજની કામગીરી 6 વર્ષથી પણ વધુ સમયગાળો વીતવા છતાં પૂર્ણ થઈ નથી.

વડોદરા તા.પંચાયત પ્રમુખ કરશે ભારતનું પ્રતિનિધિત્વ

અંકિતા પરમાર બેંગકોકમાં કરશે દેશનું પ્રતિનિધિત્વ

એશિયા પેસિફિક મિનિસ્ટ્રીયલ કોન્ફરન્સમાં લેશે ભાગ

મહિલા પદાધિકારી તરીકે કરશે ભારતનું પ્રતિનિધિત્વ

મહિલાઓના વિકાસ અને કામગીરીનું કરશે પ્રેઝન્ટેશન

ભારત દેશમાંથી એકમાત્ર અંકિતા પરમારની નિમણુંક

મિનિસ્ટ્રી ઓફ પંચાયતી રાજ દ્વારા પસંદગી

બનાસકાંઠાના ભાભરમાં ગૌમૂત્ર ડેરીની કરાશે શરૂઆત

બનાસકાંઠા: ભાભરમાં ગૌમૂત્ર ડેરીની શરૂઆત કરાશે. આવતીકાલે ગૌમૂત્ર ડેરીનો શુભારંભ કરાશે. દરરોજનું 12 હજાર લીટર ગૌમૂત્ર ડેરીમાં કરાશે સંગ્રહ. બનાસ ડેરીના ચેરમેન શંકર ચૌધરી અને સાંસદ પરસોત્તમ રૂપાલા પણ હાજરી આપશે. પશુપાલકો ગૌમૂત્રમાંથી મેળવી શકશે આવક.

સુખબીર સિંહ બાદલે અકાલી દળના અધ્યક્ષ પદ પરથી રાજીનામું આપ્યું

શિરોમણી અકાલી દળ (SAD)ના પ્રમુખ સુખબીર સિંહ બાદલે પાર્ટી અધ્યક્ષ પદેથી રાજીનામું આપી દીધું છે.

બપોરના 03 વાગ્યા સુધીના તમામ મહત્વના સમાચાર

01. Gujaratમાં ઠંડી પડવાની થઈ શરૂઆત, આગામી સાત દિવસ વાતાવરણ સૂકું રહેશે

02. Surat: બામરોલી રોડ સ્થિત હોટલમાંથી 2.57 ગ્રામ MD ડ્રગ્સ સાથે પેડલર ઝડપાયો

03. Vadodara: વડોદરાના અક્ષય પાત્ર સંસ્થાના કોન્ટ્રાક્ટના 250 કર્મીઓને છુટા કરી દેવાતા હડતાળ

04. Ahmedabad: કોલ્ડપ્લેના ચાહકો માટે 26 જાન્યુઆરીએ બીજો શો યોજાશે, બુકિંગ શરૂ

05. Farmerની ખેત પેદાશોને આફતો સામે રક્ષણ આપતી યોજનાની સહાયમાં કરાયો વધારો

06. Rajkotમાં 2 PIને ડિજિટલ એરેસ્ટનો થયો કડવો અનુભવ, વાંચો Special Story

07. ખ્યાતિ હોસ્પિટલની વધુ એક બેદરકારી, કડીના 61 વર્ષીય વૃદ્ધનું મોત

08. Chhattisgarh: કાંકેર જિલ્લામાં 5 નક્સલવાદીઓ ઠાર, સમગ્ર વિસ્તારમાં નાકાબંધી

09. Israel-Hamas યુદ્ધ વચ્ચે મોટા સમાચાર, ભારતીય મૂળના સૈનિકે શહીદી વહોરી

10. IND vs SA: આફ્રિકા ટીમ સામે ભારતની જીતમાં આ 3 ખેલાડી હીરો

મહારાષ્ટ્રઃ અમરાવતીમાં રાહુલ ગાંધીની બેગની તપાસ કરવામાં આવી

કોંગ્રેસ સાંસદ રાહુલ ગાંધી મહારાષ્ટ્રના પ્રવાસે છે. આ દરમિયાન અમરાવતીમાં તેની બેગની તપાસ કરવામાં આવી હતી.

સુરતના બામરોલી રોડ સ્થિત હોટલમાંથી 2.57 ગ્રામ MD ડ્રગ્સ સાથે પેડલર ઝડપાયો

સુરત શહેર પોલીસ દ્વારા સુરત સિટી અભિયાન ચલાવવામાં આવી રહ્યું છે. ઝોન-4 LCB તથા ખટોદરા પોલીસને બાતમીના આધારે બમરોલી રોડ સ્થિત હોટલ ગેલેક્ષીમાં રેડ પાડવમાં આવી હતી. પહેલા માળે રૂમ નંબર-4 માં પેડલર રોકાયો હતો. LCB તથા ખટોદરા પોલીસે 2.57 ગ્રામ MD ડ્રગ્સ સાથે પેડલર દાનિશ હારૂન શેખની ધરપકડ કરી છે.

અમદાવાદ: કોલ્ડપ્લેના ચાહકો માટે 26 જાન્યુઆરીએ બીજો શો યોજાશે, બુકિંગ શરૂ

ઘણા વખતથી ચર્ચામાં રહેલા અને આખું વિશ્વ જેની પાછળ ઘેલું થયું છે એ કોલ્ડપ્લેનો કોન્સર્ટ ગુજરાતના અમદાવાદમાં વિશ્વના નંબર 1 નરેન્દ્ર મોદી સ્ટેડિયમમાં યોજાવા જઈ રહ્યો છે. આગામી 25 અને 26મી જાન્યુઆરીના રોજ નરેન્દ્ર મોદી સ્ટેડિયમમાં સંગીતનો ભવ્ય જલસો થશે. કોલ્ડપ્લે કોન્સર્ટના પ્રથમ શોની તમામ ટિકિટ SOLD OUT થઈ જતાં હવે આજે બપોરે 1 વાગ્યાથી બુક માય શો પર બીજા શોની ટિકિટ માટે ઓનલાઈન બુકિંગ શરૂ કરી દેવામાં આવ્યું છે. એના માટે બુક માય શો એપ્લિકેશન પર પહેલાં વેઇટિંગ રૂમ ઓપન કરાયો હતો. એકવાર વેઇટિંગ રૂમમાં એન્ટર થયા પછી બહાર નીકળશો તો ટિકિટ મેળવવાનો ચાન્સ ઓછો થવાની શક્યતા છે.

છત્તીસગઢ: એન્કાઉન્ટરમાં ઘાયલ 2 જવાન એરલિફ્ટ, 5 નક્સલી ઠાર

છત્તીસગઢના કાંકેર નારાયણપુર બોર્ડર પર અબુઝમાદના જંગલમાં નક્સલવાદીઓ સાથેની અથડામણમાં ઘાયલ થયેલા બે જવાનોને એરલિફ્ટ કરીને રાયપુરની હોસ્પિટલમાં લઈ જવામાં આવ્યા હતા. અત્યાર સુધીમાં 5 નક્સલવાદીઓના મૃતદેહ મળી આવ્યા છે. મોટી માત્રામાં હથિયારો પણ મળી આવ્યા છે. એન્કાઉન્ટર હજુ ચાલુ છે. આ માહિતી આઈજી બસ્તર પી સુંદરરાજે આપી છે.

ઠંડીને લઇને અંબાલાલ પટેલે કરી આગાહી

કૃષિ પાક અંગે હવામાન નિષ્ણાત અંબાલાલ પટેલે આગાહી કરી છે. અંબાલાલ પટેલે જણાવ્યુ કે શિયાળુ પાક માટે વાતાવરણ યોગ્ય નથી. રવિ પાક અને જીરૂ માટે યોગ્ય વાતાવરણની જરૂરિયાત છે. રાજ્યમાં 17 નવેમ્બરથી ઠંડી પડવાની શરૂઆત થઇ શકે. 17મીથી ન્યૂનતમ તાપમાન ઘટશે, મહત્તમ તાપમાન ઘટવાની વાર છે. 23, 24 અને 25 નવેમ્બરે પશ્ચિમી વિક્ષેપની શક્યતા છે. પશ્ચિમી વિક્ષેપના કારણે ન્યૂનતમ-મહત્તમ તાપમાન ઘટી શકે છે.

સુરતના કાકરાપાર જમણા કાંઠાની મુખ્ય કેનાલમાં પડ્યું ગાબડું

સુરત:કાકરાપાર જમણા કાંઠાની મુખ્ય કેનાલમાં ગાબડું પડ્યું. હરિયાલ નજીક કેનાલમાં ગાબડું પડતા ખેતરોમાં પાણી ભરાયા. કેનાલના અંદરના ભાગે ગાબડું પડતા સિંચાઈ વિભાગ દોડતું થયું. સિંચાઈ વિભાગ ગાબડું રીપેર કરવાની કામગીરી હાથ ધરી.

ખેડૂતો માટે મોટા સમાચાર

ખેડૂતોને તેમની ખેતપેદાશોના બજારમાં સારા ભાવ મળે તે માટે ખેતપેદાશોની ગુણવત્તા લાંબા સમય સુધી જળવાય અને બજારમાં જ્યારે પાકના સારા ભાવ હોય ત્યારે જ ખેત પેદાશોનું વેચાણ થાય તે ખૂબ જ જરૂરી છે. પરંતુ અનેક ખેડૂતો પાસે કાપણી પછી ખેતપેદાશોને લાંબા સમય સુધી સંગ્રહ કરવા માટે કોઈ યોગ્ય સુવિધા ઉપલબ્ધ ન હતી. પરિણામે કુદરતી આફતો અને ઓછા બજાર ભાવના કારણે ખેડૂતોને આર્થિક નુકશાની વેઠવાનો વારો આવતો હતો. ગુજરાતના ખેડૂતોની આ વ્યથા સમજીને રાજ્ય સરકારે વર્ષ ૨૦૨૧-૨૨માં નવી “મુખ્યમંત્રી પાક સંગ્રહ સ્ટ્રક્ચર યોજના” અમલમાં મૂકી હતી. 

સોશિયલ મીડિયાના એકાઉન્ટ

નાગરિકો તેમની ફરિયાદોનું નિવારણ કરવા તેમજ સાયબર-ફ્રોડથી પોતાને સુરક્ષિત રાખવા માટે આ પ્રકારનાં સાધનોનો ઉપયોગ કરી શકે.સોશિયલ મીડિયાના જનરેશનમાં ખાસ કરીને દરેક લોકો પોતાની અંગત લાઇફસ્ટાઇલને અન્યો સાથે શેર કરતા હોય છે. પરંતુ હાલના સમયે દરેક સોશિયલમાં મીડિયામાં સિક્યુરિટી આપવામાં આવે છે. તેમ છતાં બધાના સોશિયલ મીડિયાના એકાઉન્ટ હેક થવાની ઘટના બનતી હોય છે.

ગોંડલ નપામાં વિવિધ કમિટીઓના ચેરમેનોની નિયુક્તિ

• સામાન્ય સભામાં ગોંડલ નપાની નવી કમિટીની રચના
• જૂની કમીટીની ટર્મ પૂર્ણ થતા નવી કમિટીની રચના
• 22 જેટલા નવા ચેરમેનની નિમણૂક
• નવા હોદ્દેદોરાની નિમણૂકને ફટાકડા ફોડી વધાવી
• સમર્થકોએ નવનિયુક્ત હોદ્દેદારો પર રૂપિયા ઉડાડ્યા

UP : દુલ્હા-દુલ્હન સહિત 7 લોકોના મોત; બિજનૌરમાં ભયાનક અકસ્માત

ઉત્તર પ્રદેશના બિજનૌરમાં આજે સવારે એક ભયાનક માર્ગ અકસ્માત થયો હતો, જેમાં વરરાજા સહિત 7 લોકોના ઘટનાસ્થળે જ મોત થયા હતા. એક કારે થ્રી વ્હીલરને જોરદાર ટક્કર મારી હતી અને તે રોડની બાજુના ખાડામાં પડી હતી. લગ્નની સરઘસ ઝારખંડથી પરત ફરી રહી હતી, પરંતુ બિજનૌર પાસે અકસ્માત થયો. ખુશી શોકમાં ફેરવાઈ ગઈ.

રાજકોટમાં 2 PIને ડિજિટલ એરેસ્ટનો થયો કડવો અનુભવ

રાજકોટથી એક મહત્વના સમાચાર સામે આવી રહ્યાં છે જેમાં 2 PIને જ ડિજિટલ એરેસ્ટ કરવાનો પ્રયાસ કરવામાં આવ્યો હોય તેવી વાત સામે આવી છે જેમાં PI બી.બી. જાડેજા અને એમ.એ. ઝણકાટને કડવો અનુભવ થયો છે,ગઠીયાઓએ ફોન કરીને કહ્યું કે,મુંબઈમાં તમારા વિરુદ્ધ ફરિયાદ થઈ છે અને કાયદાના વિરોધમાં મોબાઈલનો ઉપયોગ થયાનું કહ્યું હોવાની વાત સામે આવી છે.ગઠીયાએ કહ્યું કે જવાબ નહી આપો તો મોબાઈલ બંધ કરાઈ દઈશું.

ખ્યાતિ હોસ્પિટલની વધુ એક બેદરકારી, કડીના 61 વર્ષીય વૃદ્ધનું મોત

ખ્યાતિ હોસ્પિટલની વધુ એક બેદરકારી સામે આવી છે. હોસ્પિટલની બેદરકારીથી 61 વર્ષીય વૃદ્ધને જીવ ગુમાવવાનો વારો આવ્યો છે. મહેસાણા જિલ્લાના કડીમાં વિનાયકપુરામાં રહેતા ગણપત ભાઈ વાળંદનું ગત ૭ નવેમ્બરે હૃદયમાં બ્લોકેજ હોવાનું કહી ઓપરેશન કર્યું હતું. 10 થી 15 મિનિટમાં ઓપરેશન થઈ જશેનું જણાવી ઓપરેશન કર્યું હતું. ઓપરેશનના દોઢ દિવસ બાદ તબિયત લથડતા સારવાર દરમિયાન મોત થયું. તબિયત લથડતા ખ્યાતિ હોસ્પિટલે યુ એન મહેતા હોસ્પિટલમાં જવા કહ્યું હતું. ખ્યાતિ હોસ્પિટલ દ્વારા કડીના વિનાયકપુરા ગામમાં પણ કેમ્પનું આયોજન કરવામાં આવ્યું હતું. 

અમદાવાદના ગોમતીપુરમાં સ્થાનિકો દારૂ અને જુગારના દૂષણથી અકળાયા, રોડ પર લગાવ્યા બેનરો

અમદાવાદમાં ગોમતીપુર પોલીસને સ્થાનિકો ઉંઘમાંથી જગાડતા હોય તેવું લાગી રહ્યું છે,પોલીસની નિષ્ફળતા ગણો કે પોલીસની જાણ ગણો પણ સ્થાનિકોનો આક્ષેપ છે કે ગોમતીપુરમાં દેશી દારૂ અને જુગારના અડ્ડા ચાલી રહ્યાં છે અને પોલીસની રહેમ નજર હેઠળ આ અડ્ડા ચાલી રહ્યાં છે તેવી વાત સામે આવી છે ત્યારે આજે સ્થાનિકોએ ભેગા મળીને ગોમતીપુર પોલીસ સ્ટેશનમાં હોબાળો કર્યો છે અને રોડ પર બેનરો માર્યા છે કે દારૂ અને જુગારનું દૂષણ દૂર કરો.

બપોરના 12 વાગ્યા સુધીના તમામ મહત્વના સમાચાર

01. Ahmedabadના બોપલ ઈસ્કોન પ્લેટેનિયમમાં લાગેલી આગની ઘટનામાં 20 લોકો હજી સારવાર હેઠળ

02. Surat: સુરતમાં મંદીના માહોલ વચ્ચે હીરાઉદ્યોગમાં આંશિક તેજી! ડાયમંડની નિકાસમાં 11.32% વધારો

03. CNG Price Hike: અદાણીના CNGના ભાવમાં 1 રૂપિયાનો તોતિંગ વધારો

04. Vadodaraની MS યુનિવર્સિટીમાં સિંગલ પ્લાસ્ટિક યૂઝ પર પ્રતિબંધ, UGCએ બહાર પાડી માર્ગદર્શિકા

05. Suratમાંથી બાંગ્લાદેશી મહિલા ઝડપાઈ, એજન્ટ મારફતે રૂપિયા આપી ઘૂસી હતી ભારતમાં

06. Ahmedabad: અમદાવાદીઓ માટે હવે શ્વાસ લેવો પણ હાનિકારક, AQI 200ને પાર

07. Kashmir Snowfall: સિઝનની પહેલી હિમવર્ષા, ઘાટીમાં બરફની ચાદર છવાઇ

08. America: અમેરિકામાં બેરોજગારીનું સંકટ..! આ કારણે વિવેક રામાસ્વામીનો ચોંકાવનારો ખુલાસો

09. Petrol-Diesel Prices Today: દેશમાં પેટ્રોલ-ડીઝલના નવા ભાવ જાહેર, જાણો આજનો લેટેસ્ટ રેટ

10. IND vs SA: આફ્રિકા ટીમ સામે ભારતની જીતમાં આ 3 ખેલાડી હીરો

પોલીસે રાંચીના ગેસ્ટ હાઉસમાં દરોડા પાડ્યો જ્યાં અમિત શાહ રોકાયા હતા: CM સરમા

આસામના મુખ્યમંત્રી હિમંતા બિસ્વા સરમાએ ટ્વીટ કર્યું, 'કેન્દ્રીય ગૃહમંત્રી અમિત શાહ 11 નવેમ્બરની રાત્રે રાંચીની સરલા બિરલા સ્કૂલ ગેસ્ટ હાઉસમાં રોકાયા હતા. આજે ઝારખંડ પોલીસે કોઈપણ નક્કર કારણ વગર આ સંસ્થા પર દરોડો પાડ્યો, જે સ્પષ્ટપણે શાસક સરકારની વધતી બેચેની દર્શાવે છે. હું તમામ સરકારી અધિકારીઓને અપીલ કરું છું કે તેઓ કાયદાના દાયરામાં રહીને ફરજ બજાવે. કાયદાનું પાલન સર્વોપરી છે; બિનજરૂરી દબાણમાં આવશો નહીં અને રાજકીય આકાઓને ખુશ કરવા તમારી પ્રામાણિકતા અને નિષ્પક્ષતા સાથે સમાધાન કરશો નહીં.

છત્તીસગઢના કાંકેર નારાયણપુર બોર્ડર પર સુરક્ષા દળો અને નક્સલવાદીઓ વચ્ચે અથડામણ

છત્તીસગઢના કાંકેર નારાયણપુર બોર્ડર પર અબુઝમાદના જંગલમાં સુરક્ષાદળો અને નક્સલવાદીઓ વચ્ચે અથડામણ ચાલી રહી છે. આ માહિતી છત્તીસગઢ પોલીસે આપી છે.

સુરતમાંથી બાંગ્લાદેશી મહિલા ઝડપાઈ, એજન્ટ મારફતે રૂપિયા આપી ઘૂસી હતી ભારતમાં

સુરતમાં ગેરકાયદેસર રીતે ઘુસણખોરી કરીને ભારતમાં આવેલી મહિલાને સુરત એસઓજીએ ઝડપી પાડી છે,ખોટા દસ્તાવેજો બનાવી ખોટું નામ ધારણ કરી આ મહિલા સુરતમાં રહેતી હોવાની બાતમી પોલીસને મળી હતી તો પોલીસે જે ઘરમાં રહેતી હતી મહિલા ત્યાંથી જ તેની ધરપકડ કરી હતી,પશ્ચિમ બંગાળથી ભારતમાં ગેરકાયદે ઘૂસી હતી મહિલા.

અમદાવાદના બોપલ ઈસ્કોન પ્લેટેનિયમમાં લાગેલી આગની ઘટનામાં 20 લોકો હજી સારવાર હેઠળ

અમદાવાદના બોપલ વિસ્તારમાં આવેલ ઇસ્કોન પ્લેટિનિયમમાં મોડી રાત્રે આગ લાગી હતી અને આગમાં એક 65 વર્ષીય મહિલા મીનાબહેન શાહનું મોત થયું છે,જયારે આ મહિલાનું સારવાર દરમિયાન મોત થયું હોવાની વાત સામે આવી છે.તો મહત્વની વાત એ છે કે 20 લોકોને હજી સારવાર હેઠળ રાખવામાં આવ્યા છે તો 14 દર્દીઓને રજા આપી દેવાઈ છે.

આર્મી ચીફ જનરલ ઉપેન્દ્ર દ્વિવેદી આવતા સપ્તાહે નેપાળ જશે

આર્મી ચીફ જનરલ ઉપેન્દ્ર દ્વિવેદી આવતા અઠવાડિયે નેપાળની સત્તાવાર મુલાકાતે આવશે, જે બંને દેશો વચ્ચે વિકસિત સૈન્ય મુત્સદ્દીગીરીનો બીજો મહત્વપૂર્ણ પ્રકરણ હશે. આ મુલાકાત ભારત અને નેપાળ વચ્ચેના ઊંડા સૈન્ય સંબંધોને રેખાંકિત કરે છે, જે સહિયારા ઇતિહાસ, વ્યૂહાત્મક હિતો અને વિવિધ સુરક્ષા અને સંરક્ષણ બાબતો પર સહકારને કારણે એક સદીથી વધુ સમયથી વિકાસ પામ્યા છે. ભારતીય સેના દ્વારા આ માહિતી આપવામાં આવી છે.

અમદાવાદના બોપલ ઈસ્કોન પ્લેટિનમ બિલ્ડિંગમાં લાગેલી આગમાં એકનું મોત

અમદાવાદઃ બોપલ ઈસ્કોન પ્લેટિનમ બિલ્ડિંગમાંલાગેલી આગમાં એકનું મોત થયુ છે.ગઈ કાલે રાતે 8માં માળે લાગેલી આગ 22 માં માળ સુધી પ્રસરી હતી. ફાયર બ્રિગેડની 12 ગાડીઓએ આગ પર કાબુ મેળવ્યો. 23 સ્થાનિકોને હોસ્પિટલમાં દાખલ કરાયા છે.

ઝાંસી આગ: PM મોદીએ વળતરની જાહેરાત કરી

વડા પ્રધાન નરેન્દ્ર મોદીએ ઉત્તર પ્રદેશની ઝાંસી મેડિકલ કોલેજમાં આગની ઘટનામાં મૃત્યુ પામેલા શિશુઓના પરિવારોને વડા પ્રધાન રાષ્ટ્રીય રાહત ભંડોળમાંથી રૂ. 2 લાખની એક્સ-ગ્રેશિયા રકમની જાહેરાત કરી છે. ઘાયલોને 50,000 રૂપિયા આપવાની પણ જાહેરાત કરવામાં આવી છે.

ટ્રમ્પે કેરોલિન લેવિટને વ્હાઇટ હાઉસના પ્રેસ સેક્રેટરી તરીકે નિયુક્ત કર્યા

અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પે વ્હાઇટ હાઉસના પ્રેસ સેક્રેટરી તરીકે કેરોલિન લેવિટની નિમણૂકની જાહેરાત કરી હતી.

રાજકોટ શહેરમાં વાયુ પ્રદૂષણમાં વધારો, AQI 300ને પાર

રાજકોટ શહેરમાં વાયુ પ્રદૂષણમાં વધારો થયો છે. રાજકોટ શહેરના 3 સ્થળે AQI 300ને પાર પહોંચ્યો છે. ST બસ સ્ટેન્ડ, રામાપીર ચોકડી વિસ્તારમાં પ્રદૂષણ વધ્યું છે. જામ ટાવર વિસ્તારમાં પણ વાયુ પ્રદૂષણમાં વધારો થયો છે.

ઝાંસી: મહારાણી લક્ષ્મીબાઈ મેડિકલ કોલેજ હોસ્પિટલમાં મોટી દુર્ઘટના

ઝાંસી: મહારાણી લક્ષ્મીબાઈ મેડિકલ કોલેજ હોસ્પિટલમાં મોટી દુર્ઘટના બની છે. બાળકોના વોર્ડમાં મોડી રાત્રે લાગેલી આગથી 10 નવજાતના મોત થયા છે. NICUમાં તમામ બાળકો દાખલ હતા. મોડી રાતે શોર્ટ સર્કિટ બાદ આગ લાગી હતી. 37 બાળકોને બારીના કાચ તોડી બચાવાયા છે. 16ની હાલત ગંભીર છે. NICUમાં કુલ 54 બાળકો દાખલ હતા. મૃતક બાળકોના પરિવારને 5 લાખની સહાયની જાહેરાત કરાઇ છે. તો ઈજાગ્રસ્તોને 50 હજારની આર્થિક સહાયની જાહેરાત કરવામાં આવી છે.

અદાણી CNGના ભાવમાં 1 રૂપિયાનો વધારો

• અદાણી CNGના ભાવ 78.78 પર પહોંચ્યો
• રૂ.77.76માંથી 78.78 રૂપિયા ભાવ થયો

35 નવજાત બાળકોને બચાવ્યાઃ ભાજપના ધારાસભ્ય

ઝાંસી મેડિકલ કોલેજ આગ પર ભાજપના ધારાસભ્ય રાજીવ સિંહ પરિચાએ કહ્યું કે આ ખૂબ જ દુઃખદ અને દુર્ભાગ્યપૂર્ણ ઘટના છે. આગમાં 10 નવજાત શિશુના મોત, 35 જેટલા નવજાતને બચાવી લેવાયા. ઇજાગ્રસ્ત નવજાત શિશુઓને તબીબો શ્રેષ્ઠ સારવાર આપી રહ્યા છે. મેડિકલ કોલેજના તબીબોના સંપર્કમાં છે. પ્રાથમિક દૃષ્ટિએ આગનું કારણ શોર્ટ સર્કિટ હોવાનું જણાય છે.

આણંદના પણસોરા ગામે વાનરનો આતંક

આણંદના પણસોરા ગામે વાનરનો આતંક જોવા મળી રહ્યો છે. 2 દિવસમાં 10થી વધુ લોકોને બચકા ભર્યા. માર્ગ પર જતા આવતા રાહદારી પર હુમલો કરી વાનર પલાયન થઇ જતો હતો. ઘર પાસે કામ કરતી મહિલા પર વાનરે બચકા ભરતા 30 ટાંકા આવ્યા હતા. ઇજાગ્રસ્તોએ પણસોરા સરકારી હોસ્પીટલમાં સારવાર અપાઇ.

રાજયમાં આખરે "શિયાળો" જામ્યો, તાપમાનમાં ક્રમશ ઘટાડો થયો

હવામાન વિભાગે ઠંડીને લઈ આગાહી આપી છે,હવામાન વિભાગના જણાવ્યા અનુસાર હવે રાજયમાં ઠંડી પડવાની શરૂઆત થશે જેમાં તાપમાનમાં ક્રમશ ઘટાડો થશે સાથે મોટાભાગના જિલ્લાઓમાં તાપમાનમાં ઘટાડો થયો છે.મોટાભાગના જિલ્લાઓમાં તાપમાન ગગડયું છે,તો બીજી તરફ 16 જિલ્લામાં તાપમાન 20 ડિગ્રીથી ઓછુ નોંધાયું છે. હવામાન વિભાગની આગાહી પ્રમાણે વાત કરવામાં આવે તો સૌથી ઓછું તાપમાન અમરેલીમાં 17.0 ડિગ્રી,સૌથી વધુ તાપમાન રાજકોટમાં 36.4 ડિગ્રી,અમદાવાદમાં મહત્તમ 34.5, લઘુતમ 19.9 ડિગ્રી,ગાંધીનગરમાં મહત્તમ 34 ડિગ્રી, લઘુતમ 19.2 ડિગ્રી,નલિયામાં મહત્તમ 35.4 ડિગ્રી, લઘુતમ 17 ડિગ્રી,અમરેલીમાં મહત્તમ તાપમાન 34 ડિગ્રી, લઘુતમ 17 ડિગ્રી,સુરતમાં મહત્તમ તાપમાન 34.6 ડિગ્રી, લઘુતમ તાપમાન 23.1 ડિગ્રી,કેશોદમાં મહત્તમ તાપમાન 34.7 ડિગ્રી, લઘુતમ તાપમાન 19.3 ડિગ્રી નોંધાયું છે.

કેન્દ્રીય ગૃહમંત્રી અમિત શાહ ત્રણ દિવસના ગુજરાત પ્રવાસે

કેન્દ્રીય ગૃહપ્રધાન અમિત શાહ ત્રણ દિવસના ગુજરાત પ્રવાસે આવશે. 18થી 20 નવેમ્બર દરમિયાન વિવિધ કાર્યક્રમોમાં શાહ હાજરી આપશે. 18મીએ ઘાટલોડિયામાં આયોજીત સ્નેહ મિલન કાર્યક્રમમાં હાજરી આપશે. અમિત શાહ 19 નવેમ્બરે સાબર ડેરીની મુલાકાત લેશે. રાષ્ટ્રીય રક્ષા યુનિવર્સિટીના કાર્યક્રમમાં પણ હાજર રહેશે. IPS રાજીવકુમાર, CBI ડાયરેક્ટર પ્રવીણ સુદ હાજર રહેશે.

દેવ દેવાળીએ જ રાજ્યના અનેક શહેરોમાં ભૂકંપના આંચકા

દેવ દેવાળીએ જ રાજ્યના અનેક શહેરોમાં ભૂકંપના આંચકા અનુભવાયા. ઉત્તર ગુજરાત સહિત અમદાવાદના અનેક વિસ્તારોમાં અનુભવાયો આંચકો. પાલનપુર, અંબાજી અને પાટણ, માઉન્ટ આબુ સુધી ભૂકંપના આંચકા અનુભવાયા. વડગામ, અમીરગઢ, દાંતા, ડીસામાં ભૂકંપના આંચકા અનુભવાયા. રિક્ટર સ્કેલ પર 4.2ની તિવ્રતાનો આંચકો અનુભવાયો.

PM મોદીએ ઝાંસી દુર્ઘટના પર દુખ વ્યક્ત કર્યું

પીએમ મોદીએ ઝાંસી દુર્ઘટના પર શોક વ્યક્ત કર્યો છે. વડાપ્રધાન કાર્યાલયે ટ્વીટ કર્યું, 'હાર્ટબ્રેકિંગ! ઉત્તર પ્રદેશના ઝાંસીની મેડિકલ કોલેજમાં લાગેલી આગની ઘટના હૃદયદ્રાવક છે. જેઓએ પોતાના માસૂમ બાળકોને ગુમાવ્યા છે તેમના પ્રત્યે મારી ઊંડી સંવેદના. અમે ભગવાનને પ્રાર્થના કરીએ છીએ કે તેઓ આ અપાર દુ:ખ સહન કરવાની શક્તિ આપે. રાજ્ય સરકારની દેખરેખ હેઠળ સ્થાનિક વહીવટીતંત્ર રાહત અને બચાવ માટે તમામ શક્ય પ્રયાસો કરી રહ્યું છે.