- પાંચ એકર વાડીમાં ખેતી કરી લાખો રૂપિયાની કમાણી
- રમીલાબેન વેકરીયા લંડન છોડી ગામડે ખેતી કરી રહ્યા છે
- વાડીમાં 35 લાખના ખર્ચે બે ગ્રીન હાઉસ ઉભા કર્યા
આજના સમયમાં લોકો કમાવવા માટે વિદેશ જઈ રહ્યા છે. ત્યારે ભુજ તાલુકાના બળદિયા ગામના રમીલાબેન વેકરીયા લંડન છોડી ગામડે ખેતી કરી રહ્યા છે. મહિલાએ પોતાની વાડીમાં વિદેશી ફ્રુટસ અને શાકભાજી ઉગાડી લાખો રૂપિયાની કમાણી કરી રહ્યા છે.
પાંચ એકર વાડીમાં ખેતી કરી લાખો રૂપિયાની કમાણી
કચ્છના બળદિયા ગામના રમીલાબેન વેકરીયા 35 વર્ષથી પોતાના પરિવાર સાથે લંડન રહેતા હતા. રમીલાબેનને બાળપણથી જ ખેતીવાડીનો શોખ હતો. રમીલાબેનના ખેતી તરફના લગાવના કારણે તેવોએ લંડન છોડી વતનમાં રહી ખેતી કરી રહ્યા છે. રમીલાબેનએ પોતાની પાંચ એકર વાડીમાં ખેતી કરી લાખો રૂપિયાની કમાણી કરી રહ્યા છે.
વાડીમાં 35 લાખના ખર્ચે બે ગ્રીન હાઉસ ઉભા કર્યા
આ મહિલા લંડનમાં વૈભવી જીવન છોડી આજે ગામડામાં ખેતી કરી રહ્યા છે. આધુનિક ખેતી કરીને અન્ય લોકોને પણ ખેતી માટે પ્રેરણાપૂરી પાડી રહ્યા છે. વાડીમાં 35 લાખના ખર્ચે બે ગ્રીન હાઉસ ઉભા કર્યા છે. જેમા તેમણે ટામેટા, કેપ્સિકમ, કમળ કાકડી, આંબા, ડ્રેગન ફ્રૂટ, દૂધી, પીચ, ચીકુ, સ્ટાર ફ્રૂટ, પેસન ફ્રૂટ, મેંગો સ્ટીક, બ્લેક મેંગો, રેડ મેંગો, એપલ બોર, લંડનના એપલ, બદામ, પિસ્તા, જાયફળ, એલચી, લીચી, કેળા, રુબી લોંગન, પપૈયા, મરી, સ્ટ્રોબેરી, જેવા ફ્રુટ અને શાકભાજીનું વાવેતર કરી રહ્યા છે. જેમાંથી ટામેટા, કેપ્સિકમ અને કાકડીમાંથી તેઓ અત્યાર સુધી અંદાજિત 9 મહિનામાં 32 લાખ જેટલા રૂપિયાની કમાણી કરી છે. રમીલા બેનએ લંડનનું વૈભવી જીવન છોડી આજે ગામડામાં ખેતી કરીને લાખો રૂપિયાની કમાણી કરી રહ્યા છે. આ મહિલાએ ખેતીમાં ઝંપલાવી અન્ય લોકોને પણ ખેતી માટે પ્રેરણા પૂરી પાડી રહ્યા છે.
[[$googlead]]
