- ઈફકોની ચૂંટણીમાં મતદાન પ્રક્રિયા પૂર્ણ
- ગુજરાતના ડાયરેક્ટર પદ માટેનું મતદાન પૂર્ણ
- કુલ 182માંથી 180 વોટ નાખવામાં આવ્યા
પંકજ પટેલ અંતે ઝૂક્યા
ઇફકોના સહકારી ઇતિહાસમાં અત્યાર સુધી ન બન્યું હોય તેવી સ્થિતિ સર્જાઈ છે. ભાજપ સામે બાંયો ચડાવનારા પંકજ પટેલ અંતે ઝુક્યા છે. પંકજ પટેલે મધરાતે ટેકો જાહેર કરીને એક વીડિયો બનાવ્યો છે. મહત્વનું છે કે પહેલા પંકજ પટેલે બાયો ચઢાવી અને પછી પોતે જ ઝૂક્યા હતા.
ચૂંટણીની આગલી રાતે ટેકો જાહેર
મહત્વનું છે કે ચૂંટણીની આગલી રાતે વીડિયો જાહેર કરીને ટેકો આપ્યો છે. બિપિન પટેલ ગોતાને ટેકો જાહેર કરતો વિડિયો આવ્યો સામે આવ્યો હતો. ઉલ્લેખનીય છે કે તેઓ ફોર્મ પરત ખેંચવા દિલ્હી જઇને ફરાર થયા હતા. બાથરૂમ જવાનું કહીને દિલ્હીથી ફરાર થયા હતા. જો કે અંતે ચૂંટણીની આગલી રાતે ટેકો જાહેર કર્યો. હવે જયેશ રાદેડીયા અને બિપિન પટેલ વચ્ચે સીધો જંગ છે. ભાજપે બિપિન પટેલ ને મેન્ડેડ આપ્યું છે.
સાંજે 5 વાગે ચૂંટણીનું પરિણામ
મહત્વનું છે કે બોર્ડ ઓફ ડિરેકટરની કુલ 21 બેઠકમાંથી માત્ર ગુજરાતની બેઠકમાં મેન્ડેટ જાહેર કરાયો છે. સવારે 9વાગ્યાથી મતદાન શરૂ થઇ ગયુ છે સાંજે 4 વાગ્યા સુધી ચાલશે. સાંજે 4 થી 5 વાગ્યા સુદી મતગણતરી અને 5 વાગ્યા બાદ હાઇ વોલ્ટેજ ચૂંટણીનું ચિત્ર સ્પષ્ટ થશે.
દિલીપ સંધાણીનું જયેશ રાદડિયાને સમર્થન
ઇફકો ડિરેક્ટર પદ માટે ભાજપના બળિયાજૂથ આમને સામને છે.. જયેશ રાદડિયાએ કહ્યું હતું કે, મેં નિર્ધારિત સમયે ફોર્મ ભરી દીધું છે. હું ચૂંટણી લડીશ. જ્યારે ઇફકો ચેરમેન દિલીપ સંધાણીએ પણ જયેશ રાદડિયાનું સમર્થન કરી જણાવ્યું હતું કે, જયેશ રાદડિયાએ ફોર્મ નિયત સમયે ભર્યું તો બળવો ક્યાં થયો ? આ સાથે રાદડિયાની રાજકીય સાથે સહકારી કારકિર્દી પતાવવાનો કારસો રચાયાનો આક્ષેપ પણ કરાયો હતો.
ચૂંટણી પર સૌની નજર
ઇફકોના ચેરમેન દિલીપ સંઘાણીએ પહેલેથી જ જયેશ રાદડિયાને સમર્થન આપ્યું છે. જ્યારે, ગોતા વિસ્તારના બિપીન પટેલ કે જેમને મેન્ડેટ અપાયો છે તે પ્રદેશ ભાજપના નજીકના મનાય છે. આથી હવે રાજકોટ લોધિકામાં મેન્ડેટ અનાદર બદલ અગાઉ ભાજપ એ પગલાં લીધા હતા ત્યારે આમાં શું થશે? તેની અટકળોએ વેગ પકડયો છે. નોંધનીય છે કે, દિલીપ સંઘાણી જે બેઠક પર ઉમેદવારી કરેલ તે બેઠક બિનહરીફ થતાં સંઘાણીની સીધી એન્ટ્રી થઇ ગઈ છે.
રાદડિયા સીટ મેળવવા તલપાપડ છે
બિપિન પટેલ અને જયેશ રાદડિયા બંને સહકારી આગેવાનો છે. રાદડિયા ગત ચૂંટણીમાં ઈફ્કોમાં બિનહરિફ ચૂંટાયા હતા. રાદડિયાએ ફોર્મ ભરી લેતાં એ સ્પષ્ટ થઈ ગયું છે કે રાદડિયા ભાજપના મેન્ડેટનો અનાદર કરીને પણ ચૂંટણી લડી શકે છે.. ભાજપે ઈફ્કો માટેનો મેન્ડેટ બિપિન પટેલને આપ્યુ છે. આ સ્પષ્ટ છે કે રાદડિયાને સાઈડલાઈન કરાયા છે પણ જયેશ રાદડિયા ઝૂકવાના મૂડમાં જરા પણ નથી.
