- ડમ્પર ચાલક નશાની હાલતમાં હોવાની આશંકાએ લોકો માં રોષ
- સ્થાનિકોએ ડમ્પર ચાલકને પકડી પોલીસ હવાલે કર્યો
- કુંભારવાડા પોલીસે વધુ કાર્યવાહી હાથ ધરી
રાજ્યમાં સતત અકસ્માતની ઘટનામાં વધારો થઈ રહ્યો છે. જેમાં શુક્રવારે એક પછી એક અકસ્માતની ઘટના સામે આવી રહી હતી. વડોદરાના કારેલીબાગ ખાતે ડમ્પર ચાલકે અકસ્માત સર્જ્યો હતો. ડમ્પર ચાલકે ફોર વહીલરને અડફેટે લીધી હતી અને કારને 100 મીટર સુધી ઢસેડી હતી.
આ અંગેની માહિતી અનુસાર, વડોદરા કારેલીબાગ ખાતે ડમ્પર ચાલકે અકસ્માત સર્જ્યો હતો. સદનસીબે કાર ચાલકને સામાન્ય ઇજા પહોંચી હતી. ડમ્પર ચાલક નશાની હાલતમાં હોવાની આશંકાએ લોકોમાં રોષ છે. સ્થાનિકોએ ડમ્પર ચાલકને પકડી પોલીસ હવાલે કર્યો હતો. આ પછી કુંભારવાડા પોલીસે વધુ કાર્યવાહી હાથ ધરી છે.
ગાંધીનગરમાં વધતા અકસ્માતો વચ્ચે હવે હિટ એન્ડ રનના બનાવ વધ્યા છે ત્યારે ગઈકાલે સાંજે કોબા પાસે હિટ એન્ડ રનની વધુ એક ઘટનામાં વૃદ્ધનું મોત થઈ ગયું છે જે અંગે પોલીસ સૂત્રોમાંથી મળતી વિગતો પ્રમાણે કોબા પાટીયા પાસે રહેતો ખોડાજી નાગજીજી ઠાકોર છૂટક મજૂરી કરી ગુજરાન ચલાવે છે.
રાજકોટમાં બેફામ ચલાવતા કાર ચાલકે આધેડને અડફેટે લેતા ઘટનાસ્થળે મોત નીપજ્યું હોવાની ઘટના સામે આવી છે. મળતી માહિતી મુજબ કારચાલકે રોંગ સાઈડમાં એક્ટિવા ચાલક વૃદ્ધને અડફેટે લીધો હતો. જેના કારણે રસ્તા વચ્ચે લોકોનો ભારે રોષ જોવા મળ્યો હતો.
અંકલેશ્વર નેશનલ હાઇવે 48 પર આવેલ સહયોગ હોટલ પાસે અકસ્માત સર્જાયો હતો. હાઇવા ચાલકે બાઈક ચાલકને અડફેટે લેતા બાઈક પાછળ બેઠેલી મહિલાનું ઘટનાસ્થળે મોત નીપજ્યું હતું. પોલીસ ઘટનાસ્થળે પહોંચીને તપાસ હાથ ધરી છે.
[[$googlead]]
