મોરબી બ્રિજ હોનારત મુદ્દે SIT રિપોર્ટની જાણો 5 મોટી વાત

મોરબી બ્રિજ હોનારત મુદ્દે હાઈકોર્ટમાં સુનાવણી થશે. જેમાં SIT અને નગરપાલિકા કોર્ટમાં જવાબ આપશે. તથા SIT તપાસ રિપોર્ટ કોર્ટમાં રજૂ કરશે. ગતમુદ્દતે નપાની સમયની માગની અરજી HCએ ફગાવી હતી. તથા રાજ્યના બ્રિજની સ્થિતિનો રિપોર્ટ સરકાર રજૂ કરશે. તેમજ બ્રિજ મુદ્દે ગુજરાત હાઇકોર્ટના નિર્દેશ મહત્વના બની રહેશે.

SITનું માનવું છે કે આ 22 વાયર પહેલાથી જ તૂટી ગયા હશે
મોરબી બ્રિજ હોનારતનો મામલે ગુજરાત હાઇકોર્ટમાં સુનવણી થશે. જેમાં મોરબી બ્રિજ દુર્ઘટનામાં ગુજરાત સરકારની પાંચ સભ્યોની SITએ પોતાનો પ્રાથમિક રિપોર્ટ સોંપ્યો છે. રિપોર્ટમાં સામે આવ્યું છે કે બ્રિજના 49 કેબલમાંથી 22 પર કાટ લાગી ગયો છે. SITનું માનવું છે કે આ 22 વાયર પહેલાથી જ તૂટી ગયા હશે. બ્રિજ પર લોકોની સંખ્યા વધી જતાં બાકીના 27 વાયર વજન લઈ શક્યા ન હતા અને તૂટી ગયા હતા. મોરબીની ઘટના 30 ઓક્ટોબર 2022ના રોજ બની હતી. જેમાં 135 લોકોના મોત થયા હતા. SITમાં IAS રાજકુમાર બેનીવાલ, IPS સુભાષ ત્રિવેદી, રાજ્યના માર્ગ અને મકાન વિભાગના સચિવ, એક એન્જિનિયર અને સ્ટ્રક્ચરલ એન્જિનિયરિંગના પ્રોફેસર સભ્યો તરીકે હતા.

SIT રિપોર્ટની 5 મોટી બાબતો...

1. જૂના સસ્પેન્ડર્સ પર નવું વેલ્ડિંગ: નવીનીકરણ દરમિયાન બ્રિજના કેબલને જૂના સસ્પેન્ડર્સ (પ્લેટફોર્મ ડેક સાથે કેબલને જોડતા સ્ટીલના સળિયા)ને નવા સાથે વેલ્ડિંગ કરીને જોડવામાં આવ્યા હતા. જેના કારણે સસ્પેન્ડની કેપેસીટી બદલાઈ ગઈ. સામાન્ય રીતે, કેબલ બ્રિજમાં લોડ વહન કરવા માટે સિંગલ રોડ સસ્પેન્ડર્સનો ઉપયોગ કરવો જોઈએ.

2. એક કેબલમાં 49 સ્ટીલ વાયરઃ 1887માં મચ્છુ નદી પર બનેલા પુલના બે મુખ્ય કેબલમાંથી એક પર કાટ લાગી ગયો હતો. એટલે કે અકસ્માત પહેલા 22 વાયર તૂટી ગયા હોવા જોઈએ. એક કેબલ 7 વાયરનો બનેલો હતો, જે સ્ટીલનો હતો. અકસ્માત દરમિયાન નદીના ઉપરવાસમાં મુખ્ય કેબલ તૂટી ગયો હતો.

3. અકસ્માત સમયે 27 કેબલ તૂટ્યાઃ રિપોર્ટમાં જણાવાયું છે કે 49માંથી 22 કેબલ પર કાટ લાગી ગયો હતો. એટલે કે તેઓ ઘટના પહેલા જ તૂટી ગયા હતા. ઘટના સમયે બાકીના 27 વાયર તૂટી ગયા હતા. દુર્ઘટના સમયે બ્રિજ પર લગભગ 300 લોકો હતા. જે પુલની લોડ વહન ક્ષમતા કરતા ઘણી વધારે હતી. તેની વાસ્તવિક ક્ષમતાની પુષ્ટિ લેબ રિપોર્ટ દ્વારા કરવામાં આવશે.

4. એલ્યુમિનિયમ ડેક સાથે લાકડાના પાટિયાને બદલવાના ગેરફાયદા: અહેવાલમાં લખવામાં આવ્યું છે કે એલ્યુમિનિયમ ડેક સાથે લાકડાના પાટિયાને બદલવા પણ અકસ્માતનું એક કારણ છે. પુલ પરના લવચીક લાકડાના પાટિયાને કઠોર એલ્યુમિનિયમ પેનલ્સથી બદલવામાં આવ્યા હતા. જેના કારણે પુલનું પોતાનું વજન પણ વધી ગયું હતું.

5. ખોલતા પહેલા વેટ ટેસ્ટિંગ કરવામાં આવ્યું ન હતું: પુલને માર્ચ 2022 માં નવીનીકરણ માટે બંધ કરવામાં આવ્યો હતો અને 26 ઓક્ટોબરે ખોલવામાં આવ્યો હતો. મોરબી બ્રિજના ઉદ્ધાટન પહેલા કોઈ વજન પરીક્ષણ કે સ્ટ્રક્ચર ટેસ્ટિંગ કરવામાં આવ્યું ન હતું.