Kutch news: ટ્રાન્સપોર્ટ એસોસિએશનના પ્રમુખ તરીકે સતત ત્રીજી વખત નવઘણ આહીરની વરણી

• કચ્છ જિલ્લા ટ્રક ઑનર્સ એસોએસિયનની બેઠક પૂર્ણ
  
• ટ્રક ઓનર્સ એસો.ના હોદ્દેદારો બદલવા કે યથાવત રાખવાને લઇ ઘર્ષણ
• આખરે ટ્રાન્સપોર્ટ એસોસિએશનના પ્રમુખ તરીકે નવઘણ આહીરની વરણી

કચ્છમાં 10 હજાર ટ્રક માલિકોના હિતો માટેના સંગઠનની આજ રોજ બેઠક યોજાઇ હતી. આ બેઠકમાં ટ્રક ઓનર્સ એસોશિયેશનના હોદ્દેદારો બદલવા કે યથાવત રાખવાને લઇ ચર્ચા કરવામાં આવી હતી. જોકે હોદ્દેદારો બદલવાને લઇ બે પક્ષો વચ્ચે ઉગ્ર બોલાચાલી થઇ હતી. આખરે કચ્છ જિલ્લા ટ્રક ઑનર્સ એસોએસિયનની બેઠક ઉગ્ર બોલાચાલી વચ્ચે પૂર્ણ થઇ છે. આખરે સતત ત્રીજી વખત ટ્રાન્સપોર્ટ એસોસિએશનના પ્રમુખ તરીકે નવઘણ આહીરની વરણી કરવામાં આવી છે. પૂર્વ રાજય મંત્રી વાસણ આહીરના પુત્ર નવઘણ આહીર સતત ત્રીજી વખત ટ્રાન્સપોર્ટ એસોએસિયનના પ્રમુખ બન્યા છે.

મળતી માહિતી મુજબ, કચ્છમાં વર્તમાન પ્રમુખ અને પશ્ચિમ કચ્છના પ્રમુખની દાવેદારી બાદ બે જૂથ પડી ગયા છે. જેમાં ખાસ કરીને ટ્રક ઓનર્સ એસોશિયેશનના હોદ્દેદારો બદલવા કે યથાવત રાખવાને લઇ બેઠક યોજાઇ હતી. આ બેઠકમાં પશ્ચિમ કચ્છ ટ્રક માલિક સંગઠનના પ્રમુખ અર્જુનસિંહ જાડેજાના સમર્થકો અને હાલના કચ્છ જિલ્લા ટ્રક ઓનર્સના પ્રમુખ નવઘણ આહીરના સમર્થકો વચ્ચે ઘર્ષણ થયું હતું. બેઠકમાં ગરમાગરમી બાદ પોલીસે ઘર્ષણ કાબૂમાં લાવવા પ્રયત્નો કર્યા હતા. જાણવા મળી રહ્યું છે કે,

અબડાસાના ધારાસભ્ય અને કચ્છ જિલ્લા ટ્રક ઓનર્સના પ્રમુખ નવઘણ આહીર વચ્ચે પણ ઉગ્ર બોલાચાલી થઇ હતી. જોકે સતત ત્રીજી વખત ટ્રાન્સપોર્ટ એસોસિએશનના પ્રમુખ તરીકે નવઘણ આહીરની વરણી કરવામાં આવી છે. પૂર્વ રાજય મંત્રી વાસણ આહીરના પુત્ર નવઘણ આહીર સતત ત્રીજી વખત ટ્રાન્સપોર્ટ એસોએસિયનના પ્રમુખ બન્યા છે.