Devbhumi Dwarka જિલ્લાના પોશીત્રા ગામના 32 વર્ષથી જમીન રેકોર્ડના ચોપડા ગાયબ !

દેવભૂમિ દ્વારકા જિલ્લાનું પોશીત્રા ગામ જેમાં પંચાયતમાંથી જમીન રેકોર્ડમાં બે ચોપડા ઘુમ થઈ જતા ખેડૂતો મુશ્કેલીમાં મુકાયા છે ભૂતકાળમાં અનેક રજૂઆતો કરવા છતાં એ અધિકારીઓના પેટનું પાણી હલતું નથી ખેડૂતોનું કહેવું છે કે છ નંબરનો ઉતારો નીકળતા ન હોવાથી ખેડૂતોને અનેકવિધ મુશ્કેલીઓનો સામનો કરવો પડે છે.

ખેડૂતોએ ચિમકી ઉચ્ચારી

ધિરાણ માટે ટીસી કરવું હોય નવી શરતમાંથી જૂની શરતમાં ફેરવવી હોય કે અન્ય કોઈ સરકારી યોજનાઓનો લાભ લેવો હોય ત્યારે ઓનલાઇન રેકોર્ડ ન નીકળતું હોવાથી પોશીત્રા ગામના ખેડૂતો પરેશાન થઈ રહ્યા છે ત્યારે આજે ખેડૂતો સાથે મળી દ્વારકા પ્રાંત અધિકારીને આવેદન આપી વહેલી તકે ઉકેલ લાવવા માટે જણાવાયું છે અન્યથા પોશીત્રા ગામના ખેડૂતો ઉગ્ર આંદોલન કરશે એવી ચિમકી પણ ઉચ્ચારી છે.

અધિકારીઓ વાત સાંભળતા નથી

આ સમગ્ર ઘટનામાં ખેડૂતોનું કહેવું છે કે અધિકારીઓને વારંવાર રજૂઆત કરી છે ત્યારે ખેડૂતોની વાત કોઈ સાંભળતું નથી અને અમારા જમીનના કામો અટકી ગયા હોવાની વાત સામે આવી છે,તો જમીનના કામો અટકાતા અને જરૂરી કાગળો ન નીકળતા સરકારી સહાય મળતી નથી તેવો આક્ષેપ પણ ખેડૂતોએ કર્યો છે,ત્યારે જોવાનું એ રહ્યું કે અધિકારીઓ કેટલા સમયની અંદર ખેડૂતોની સમસ્યાનું નિરાકરણ લાવશે.