મુળીના શેખપર ગામે રહેતા અને માછીમારી કરતા ત્રણ ભાઈઓ લીંબડીના રાસ્કા નજીક કેનાલે માછીમારી કરવા ગયા હતા. ત્યારે 2 શખ્સોએ અહીં માછીમારી કેમ કરવા આવ્યા તેમ કહી માર મારી રૂપીયા 5 હજાર ઓનલાઈન પડાવી લીધાની પોલીસ ફરિયાદ લીંબડી પોલીસ મથકે નોંધાઈ હતી. આ ફરિયાદ નોંધાતા જ પોલીસે લીંબડી તાલુકા એએચપી અધ્યક્ષ સહિત 2 ને ઝડપી લીધા હતા.
મુળી તાલુકાના શેખ૫ર ગામે રહેતા 26 વર્ષીય નવલભાઈ ભરતભાઈ ડેડાણીયા માછીમારીનો વ્યવસાય કરે છે. તા. 1-5 ના રોજ બપોરે તેઓ તેમના ભાઈ વિક્રમભાઈ ભરતભાઈ અને સુરેશભાઈ ભરતભાઈ સાથે લીંબડી તાલુકાના રાસ્કા ગામે નર્મદા કેનાલમાં માછીમારી કરવા ગયા હતા. રાતના 11કલાકના અરસામાં 2 શખ્સો બાઈક લઈને ત્યાં આવ્યા હતા. અને અપશબ્દો કહી લાકડાના ધોકા વડે માર મારી અહીં કેમ માછલીઓ પકડે છે, જમીન તારા બાપની છે ? તેમ કહી માછલા પકડવાની જાળ બાઈક પર લઈને બાઈક આગળ ચલાવડાવી પોલીસ સ્ટેશન લેવા જણાવ્યુ હતુ. જયાં આ શખ્સો લીંબડીના કીશોરસીંહ રાણા અને બામણભાઈ નામના શખ્સે લીંબડી પોલીસ મથકે સમગ્ર હકિકતો જણાવતા પોલીસે ગુનો ન બનતો હોવાનું જણાવી નવલભાઈને જવા દીધા હતા. પોલીસ મથકની બહાર નીકળતા વીજ કચેરી પાસે પહોંચતા બન્નેએ કેસ કરાવી, જેલ ભેગો કરી દેવાની ધમકી આપી 5 હજારની માંગણી કરી હતી.
