અમરેલી જિલ્લામાંથી વન્યજીવ અને માનવી વચ્ચેના અનોખા પ્રેમ અને પરસ્પર આદરનો એક હૃદયસ્પર્શી કિસ્સો સામે આવ્યો છે. અમરેલીના વડીયા તાલુકાના ઢૂંઢિયા પીપળીયા ગામની સીમમાં ખેડૂતો પોતાની ખેતીની કામગીરીમાં વ્યસ્ત હતા, તે દરમિયાન અચાનક ચાર સિંહો ખેતરમાં આવી પહોંચ્યા હતા. હાલ ખેતીની મુખ્ય સિઝન ચાલી રહી હોવાથી ખેડૂતો પોતાના ખેતરોમાં કામે જોતરાયા છે. આવા સમયે જંગલના રાજા ગણાતા સિંહોને એકસાથે સામે જોતા થોડીવાર માટે અસમંજસ સર્જાઈ હતી, પરંતુ ત્યારબાદ જે દ્રશ્ય સર્જાયું તેણે સૌના દિલ જીતી લીધા છે.
https://www.instagram.com/reel/De6-FSBgRKM/?utm_source=ig_web_copy_link&obrf=NTc4MTIwNjQ2YQ==
ખેડૂતે વિનંતી કરતા સિંહ આગળ ચાલ્યા ગયા બોલો!
ખેતરમાં કામ કરી રહેલા એક સાહસિક અને પ્રેમાળ ખેડૂતે ડર્યા વગર વનરાજાને આદરપૂર્વક વિનંતી કરી હતી કે, "હે જંગલના રાજા, હવે તમે આગળ ચાલ્યા જાવ." આશ્ચર્યની વાત એ બની કે આ શબ્દો સાંભળતા જ જાણે સિંહો ખેડૂતની ભાષા સમજી ગયા હોય તેમ કોઈ પણ પ્રકારનું નુકસાન પહોંચાડ્યા વગર શાંતિથી ત્યાંથી આગળ ચાલતા થયા હતા. અમરેલી પંથકમાં સિંહો અને ખેડૂતો વચ્ચેનો આ સહજીવનનો સંબંધ જગજાહેર છે, પરંતુ આ ઘટનાએ સાબિત કરી દીધું છે કે જો મનમાં ભાવ હોય તો વન્યજીવો પણ માનવીની વાત સમજી શકે છે.
સો.મીડિયા પર વાયરલ થયેલા વીડિયોએ સૌનું ધ્યાન ખેંચ્યું
આ અદભુત અને રોમાંચક ક્ષણનો વીડિયો હાલ સોશિયલ મીડિયા પર ભારે વાયરલ થઈ રહ્યો છે. ગુજરાતમાં સિંહ દર્શન સામાન્ય છે, પરંતુ માનવ અને વન્યજીવ વચ્ચેના પરસ્પર માન, સંવાદિતા અને અનોખા પ્રેમનો આ વીડિયો જોઈને સૌકોઈ આશ્ચર્યચકિત થઈ ગયા છે. આ ઘટનાએ ફરી એકવાર સાબિત કર્યું છે કે અમરેલીના લોકો સિંહો સાથે કેવું આત્મીય અને સહઅસ્તિત્વનું જીવન જીવી રહ્યા છે.
ગુજરાતના વધુ સમાચાર વાંચવા માટે ક્લિક કરો
