અમરેલી જિલ્લાના રાજુલા પંથકમાંથી એક મોટા અકસ્માતના સમાચાર સામે આવ્યા છે. ભાવનગર-સોમનાથ હાઇવે પર આવેલા રાજુલાના હિંડોરણા નાના બ્રિજ ઉપર પૂરપાટ ઝડપે આવી રહેલી એસટી બસ અને રિક્ષા વચ્ચે ધડાકાભેર અકસ્માત સર્જાયો હતો. પ્રાપ્ત માહિતી મુજબ, મહુવા ડેપોની મહુવા-ઉના રૂટની એક્સ્ટ્રા એસટી બસ અને પેસેન્જર રિક્ષા વચ્ચે આ ટક્કર થઈ હતી. સદનસીબે, નેશનલ હાઇવે પર આવેલા ડિવાઇડરના કારણે એક મોટી અને ગંભીર જાનહાની થતી અટકી ગઈ હતી.
રિક્ષામાં સવાર ચાર મુસાફરોને પહોંચી ઈજાઓ
આ અકસ્માત એટલો જોરદાર હતો કે, રિક્ષામાં મુસાફરી કરી રહેલા ચાર વ્યક્તિઓને ગંભીર ઈજાઓ પહોંચી હતી. અકસ્માત સર્જાતા જ આસપાસના લોકો તાત્કાલિક મદદે દોડી આવ્યા હતા અને ઘટના સ્થળે ભારે ભીડ જમા થઈ ગઈ હતી.
