બનાસકાંઠા જિલ્લાના પાલનપુર શહેર સહિત આસપાસના વિસ્તારોમાં વાતાવરણમાં આવેલા અચાનક પલટા બાદ મચ્છરજન્ય રોગચાળાએ માથું ઊંચક્યું છે. પાલનપુરમાં છેલ્લા 10 દિવસમાં જ ડેન્ગ્યુના 6 થી વધુ પોઝિટિવ દર્દીઓ સપડાતાં સ્થાનિક રહીશોમાં ભય અને તંત્રમાં હડકંપ વ્યાપી ગયો છે. ડેન્ગ્યુના વધતા જતા કેસોને પગલે જિલ્લા આરોગ્ય વિભાગ તુરંત જ એકશન મોડમાં આવી ગયું છે.
ડોર-ટુ-ડોર સર્વે અને પોરાનાશક કામગીરી તેજ
ડેન્ગ્યુના સંક્રમણને અટકાવવા માટે આરોગ્ય વિભાગ દ્વારા પાલનપુરના અસરગ્રસ્ત વિસ્તારોમાં સઘન ડોર-ટુ-ડોર હેલ્થ સર્વેક્ષણ હાથ ધરવામાં આવ્યું છે. આરોગ્ય કર્મચારીઓ દ્વારા ઘરોમાં ભરાયેલા પાણીના પાત્રો તપાસીને પોરાનાશક કામગીરી તેમજ તીવ્ર ફોગિંગ કામગીરી તેજ કરી દેવામાં આવી છે, જેથી મચ્છરોનો ઉપદ્રવ ઘટાવી શકાય.
