ભાવનગર જિલ્લાના મહુવા તાલુકામાંથી કાયદાનો ડર બેસાડતો એક મહત્વનો અને મોટો ચુકાદો સામે આવ્યો છે. મહુવા રૂરલ પોલીસ સ્ટેશન વિસ્તારમાં સગીર વયની બાળકી/છોકરીની છેડતી કરવા અંગેનો એક ગંભીર બનાવ બન્યો હતો. આ મામલે સ્પેશિયલ પોક્સો (POCSO) કોર્ટે કાયદાનું કડક પાલન કરાવીને આરોપીને જેલના સળિયા પાછળ ધકેલી દેતો મહત્વનો ચુકાદો આપ્યો છે, જેને પગલે પંથકના રોમિયો તત્વોમાં ફફડાટ વ્યાપી ગયો છે.
સરકારી વકીલની ધારદાર દલીલો
આ ચકચારી ઘટના ગત 10 ઓક્ટોબર 2025ના રોજ પ્રકાશમાં આવી હતી. મામલાની ગંભીરતાને ધ્યાને રાખીને મહુવા રૂરલ પોલીસ સ્ટેશનમાં ફરજ બજાવતા પી.એસ.આઈ. (PSI) એસ. એ. ઝાલાએ તુરંત જ ભોગ બનનારની ફરિયાદ નોંધી હતી. પોક્સો એક્ટની જોગવાઈ મુજબ CWPO (ચાઈલ્ડ વેલફેર પોલીસ ઓફિસર) અને મહિલા એ.એસ.આઈ. (ASI) ની રૂબરૂમાં આ સત્તાવાર ફરિયાદ લેવાઈ હતી અને પી.એસ.આઈ. ઝાલાએ કેસની સઘન તપાસ ચલાવી કોર્ટમાં મજબૂત ચાર્જશીટ રજૂ કરી હતી. અદાલતમાં કેસ ચાલવા પર આવતા સરકારી વકીલ કમલેશ કેસરીએ ભોગ બનનારના પક્ષમાં કોર્ટ સમક્ષ ધારદાર અને સચોટ દલીલો રજૂ કરી હતી.