ભાવનગર જિલ્લામાં ચોમાસાની શરૂઆત થવાની સાથે જ મેઘરાજા ધમાકેદાર બેટિંગ કરી રહ્યા છે. મહુવા તાલુકાના ગ્રામ્ય વિસ્તારોમાં સતત બીજા દિવસે પણ ભારે વરસાદ થયો છે. શુક્રવારની બપોર બાદ અચાનક જ વાતાવરણમાં પલટો આવ્યો હતો, અને આકાશ કાળાડિબાંગ વાદળોથી ઘેરાઈ ગયું હતું, જે બાદ હળવાથી ભારે વરસાદ શરૂ થયો હતો.
બગદાણા સહિતના ગામોમાં મેઘ મહેર
મહુવા ગ્રામ્યના પ્રખ્યાત યાત્રાધામ બગદાણા, મોણપર, ગળથર અને માતલપર સહિતના આસપાસના તમામ ગામોમાં સારો એવો વરસાદ નોંધાયો છે. લાંબા સમયના અસહ્ય ઉકળાટ અને અસહ્ય ગરમી બાદ સતત બીજા દિવસે વરસાદ પડતાં સમગ્ર પંથકના વાતાવરણમાં સરસ ઠંડક પ્રસરી ગઈ છે અને લોકોને ગરમીમાંથી મોટી રાહત મળી છે.
