કચ્છ જિલ્લાના મુખ્યાલય ભુજ ખાતે લાંચરુશવત વિરોધી બ્યુરો (ACB) દ્વારા એક સફળ ટ્રેપ ગોઠવીને ભ્રષ્ટ અધિકારીને ઝડપી પાડવામાં આવ્યો છે. ભુજમાં ફરજ બજાવતા રેવન્યુ તલાટી ચંદુ હરણે એક અરજદાર પાસે ખેડૂત ખાતેદારનો દાખલો આપવાના બદલામાં ગેરકાયદેસર નાણાંની માગણી કરી હતી. શરૂઆતમાં તલાટીએ રૂ.40 હજારની માગણી કરી હતી, પરંતુ રકઝક બાદ આખરે ₹૩૫ હજારમાં સોદો નક્કી થયો હતો.
ભુજ પ્રાંત અને મામલતદાર કચેરી ખાતે ACBની ટ્રેપ
લાંચ આપવા ન માંગતા જાગૃત નાગરિકે આ મામલે તાત્કાલિક ACBનો સંપર્ક કરીને લેખિત ફરિયાદ નોંધાવી હતી. ફરિયાદના આધારે ACBની ટીમે ભુજ ખાતે આવેલી પ્રાંત અને મામલતદાર કચેરી પરિસરમાં જ સટકું ગોઠવ્યું હતું. આયોજન મુજબ જ્યારે ફરિયાદી પાસેથી રેવન્યુ તલાટી ચંદુ હરણ રૂ.35 હજારની લાંચની રકમ સ્વીકારી રહ્યો હતો, ત્યારે જ ACBની ટીમે તેને રંગેહાથ ઝડપી પાડ્યો હતો.