કચ્છ જિલ્લાના ભુજ તાલુકામાં આવેલા કુકમા ગામ નજીક આજે એક ભીષણ અકસ્માત સામે આવ્યો છે. કુકમા રેલવે ફાટકની બાજુમાં જ આવેલા એક ઓઇલ ગોડાઉનમાં અચાનક જ કાળઝાળ આગ ફાટી નીકળી હતી. ઓઇલ હોવાને કારણે આગે ક્ષણભરમાં જ રૌદ્ર સ્વરૂપ ધારણ કરી લીધું હતું અને કાળા ધુમાડાના ગોટેગોટા અને જ્વાળાઓ દૂર-દૂર સુધી જોવા મળી હતી.
ભુજના કુકમા પાસે ઓઇલ ગોડાઉનમાં ભયંકર આગ
ઓઇલ ગોડાઉનમાં ભયંકર આગ લાગવાના નિર્દેશો મળતાં જ સમગ્ર વિસ્તારમાં ભારે ભય અને દોડધામનો માહોલ સર્જાયો હતો. ઘટનાની જાણ થતાં જ પશ્ચિમ કચ્છની પધ્ધર પોલીસ ટીમ તેમજ ભુજ ફાયર બ્રિગેડનો કાફલો તાત્કાલિક સ્થળ પર પહોંચી ગયો હતો અને આગ પર કાબૂ મેળવવાની તજવીજ હાથ ધરી હતી.આગની આ ઘટનાને પગલે કુકમા ગામના ઉપસરપંચ સહિત સ્થાનિક અગ્રણીઓ પણ ઘટનાસ્થળે દોડી આવ્યા હતા.