બોટાદ જિલ્લાની મહત્વપૂર્ણ ગણાતી રાણપુર અને બરવાળા એગ્રીકલ્ચર પ્રોડ્યુસ માર્કેટ કમિટી (APMC) ની ચૂંટણી તાજેતરમાં જ સફળતાપૂર્વક યોજાઈ હતી. બંને માર્કેટ યાર્ડના સંચાલન માટે ચેરમેન અને ડેપ્યુટી ચેરમેનની ચૂંટણી અને વરણીની પ્રક્રિયા આજે હાથ ધરવામાં આવી હતી. જેમાં તમામ હોદ્દાઓ પર બિનહરીફ વરણી થતાં સમગ્ર સહકારી ક્ષેત્રમાં હરખની હેલી જોવા મળી રહી છે.
બરવાળા અને રાણપુર APMC ની નવી કારોબારીની જાહેરાત
બરવાળા APMC માં ચેરમેન તરીકે સુરેશભાઈ ગઢીયા અને ડેપ્યુટી ચેરમેન તરીકે દિલાવરસિંહ ઝાલા ની સર્વાનુમતે બિનહરીફ વરણી કરવામાં આવી છે. બીજી તરફ, રાણપુર APMC માં ચેરમેન તરીકે કિશોરભાઈ ધાધલ અને ડેપ્યુટી ચેરમેન તરીકે લખમણભાઈ મેટાલીયા બિનહરીફ ચૂંટાઈ આવ્યા છે. વરણી પ્રક્રિયા પૂર્ણ થતાં જ ચૂંટણી અધિકારી દ્વારા સત્તાવાર જાહેરાત કરવામાં આવી હતી.