ગાંધીનગર જિલ્લાના કલોલ શહેરમાંથી તહેવારોની મોસમ ટાણે જ એક મોટી ચોરીની ઘટના સામે આવી છે, જેના કારણે સ્થાનિક વેપારી વર્ગમાં ભારે ચિંતા અને રોષ જોવા મળી રહ્યો છે. શહેરના વ્યસ્ત વિસ્તાર ગણાતા રિલિફ શોપિંગ સેન્ટરમાં આવેલા 'ભગવતી ગોલ્ડ' નામના સોના-ચાંદીના દાગીના વેચતી દુકાનને તસ્કરોએ પોતાનું નિશાન બનાવી હતી. તહેવારો પહેલા જ થયેલી આ લાખો રૂપિયાની ચોરીથી પોલીસ પેટ્રોલિંગ સામે પણ સવાલો ઉભા થયા છે.
રૂ. 10 લાખના દાગીના અને રોકડ રકમની ઉઠાંતરી
પ્રાપ્ત વિગતો અનુસાર, તસ્કરોએ રાત્રિના સમયે દુકાનના શટરના કે મુખ્ય દરવાજાના તાળા તોડીને અંદર પ્રવેશ કર્યો હતો. દુકાનમાં તપાસ કરતા અંદાજે રૂ. 10 લાખની કિંમતના સોના-ચાંદીના કિંમતી દાગીના તેમજ દુકાનમાં રાખેલી રોકડ રકમ મળી આવી હતી. દુકાનમાંથી કુલ રૂ. 1.50 લાખ રોકડા અને અંદાજે રૂ. 10 લાખના દાગીના મળીને કુલ રૂ. 11,50,000 ની માલમત્તાની ચોરી થઈ હોવાનું સામે આવ્યું છે.
વેપારીઓમાં ચિંતાનું મોજુ, તહેવારો ટાણે સુરક્ષા સામે સવાલ
દિવાળી અને તહેવારોની સિઝન નજીક આવી રહી છે, ત્યારે બજારમાં આ પ્રકારે તસ્કરો દ્વારા દુકાનોને નિશાન બનાવવામાં આવતા વેપારીઓમાં ગભરાટ ફેલાયો છે. વેપારીઓ રાત્રે પોતાની દુકાનો સુરક્ષિત છોડીને જાય છે, પરંતુ પોલીસ બંદોબસ્ત કે નાઈટ પેટ્રોલિંગ સઘન ન હોવાના કારણે તસ્કરો બેખોફ થઈને લાખો રૂપિયાની ચોરીને અંજામ આપી રહ્યા છે.
ડોગ સ્કવોડ, FSL અને CCTV ના આધારે પોલીસની સઘન તપાસ
ઘટનાની જાણ થતાં જ કલોલ પોલીસ સ્ટેશનનો કાફલો તાત્કાલિક ઘટના સ્થળે દોડી આવ્યો હતો. ગુનાની ગંભીરતાને ધ્યાનમાં રાખીને પોલીસે ડોગ સ્કવોડ અને એફએસએલની ટીમને બોલાવીને વૈજ્ઞાનિક પદ્ધતિથી પુરાવા એકત્ર કરવાની કામગીરી હાથ ધરી છે. આ ઉપરાંત શોપિંગ સેન્ટર અને આસપાસના રસ્તાઓ પર લાગેલા સીસીટીવી ફૂટેજ મેળવીને તસ્કરો કયા વાહનમાં આવ્યા હતા અને કઈ દિશામાં નાસી છૂટ્યા તે અંગેના ચક્રોગતિમાન કર્યા છે. પોલીસે ગુનો નોંધીને ફરાર તસ્કરોને ઝડપી પાડવા માટે ચક્રો ગતિમાન કર્યા છે.
આ પણ વાંચો: 28 October Top News: ગુજરાત સરકાર મોંઘવારી ભથ્થુ વધારશે? ઘટશે મુસાફરીનો સમય, આગામી ત્રણ દિવસ માવઠાની આગાહી
