સુરેન્દ્રનગર જિલ્લાના મૂળી તાલુકાના ખંપાળીયા ગામે ખનિજ ચોરી સામે વહીવટી તંત્ર દ્વારા મોટી કાર્યવાહી કરવામાં આવી છે. ગામના સર્વે નંબર 50 વાળી સરકારી જમીનમાં ગેરકાયદે રીતે સફેદ માટીનું ખનન થઈ રહ્યું હોવાની બાતમીના આધારે આ દરોડો પાડવામાં આવ્યો હતો.
રૂ. 67 લાખનો મુદ્દામાલ જપ્ત
સ્થળ તપાસ દરમિયાન તંત્ર દ્વારા ગેરકાયદે ખનન પ્રવૃત્તિમાં ઉપયોગમાં લેવાતા સાધનો જપ્ત કરવામાં આવ્યા છે. જેમાં 1 હિટાચી મશીન અને માટીની હેરાફેરી કરતો 1 ટ્રક (પાટલો) સહિત કુલ રૂ. 67 લાખનો માલસામાન કબજે કરી મૂળી મામલતદાર કચેરી ખાતે ખસેડવામાં આવ્યો છે.
