ડીસા શહેરમાં ફરી એકવાર ગેસ પાઇપલાઇનમાં ભંગાણ સર્જાવાની ગંભીર ઘટના સામે આવી છે. ડીસાના અત્યંત વ્યસ્ત એવા રેલવે સ્ટેશન ચાર રસ્તા નજીકથી પસાર થતી મુખ્ય ગેસ પાઇપલાઇનમાં અચાનક લીકેજ થતાં ભારે અફરાતફરી મચી ગઈ હતી.
ડીસામાં ગેસ લાઇન લીક થતાં ભારે દોડધામ
મળતી વિગતો મુજબ, સ્થળ પર ચાલી રહેલી કોઈ કામગીરી દરમિયાન ખોદકામ કરતી વખતે જેસીબી કે અય સાધનો વાગવાથી ગેસની મુખ્ય પાઇપલાઇન ક્ષતિગ્રસ્ત થઈ હતી. પાઇપલાઇન તૂટતાં જ તેમાંથી હાઇ પ્રેશર સાથે ગેસ ફુવારાની જેમ હવામાં ઊડવા લાગ્યો હતો.જે સ્થળે ગેસ લીકેજ થયો છે તે ડીસાનો મુખ્ય અને સતત વાહનવ્યવહારથી ધમધમતો વિસ્તાર છે. જાહેર માર્ગની બિલકુલ નજીક જ પ્રેશર સાથે ગેસ લીક થઈને વાતાવરણમાં ફેલાઈ રહ્યો હોવાથી કોઈ મોટી આગ કે દુર્ઘટના સર્જાય તેવી ભીતિથી સ્થાનિક રહીશો, વેપારીઓ અને વાહનચાલકોમાં ભયનો માહોલ ફેલાયો હતો.