સાબરકાંઠા જિલ્લાના મુખ્યાલય હિંમતનગર સ્થિત જાણીતા સાબર સ્ટેડિયમ ખાતે પોલીસ વિભાગની પ્રતિષ્ઠિત રાજ્યકક્ષાની સ્પર્ધા ‘DGP Cup 2026’ નો ભવ્ય પ્રારંભ થયો છે. સાબરકાંઠા પોલીસના યજમાનપદે યોજાયેલા આ રમતગમતોના મહાકુંભમાં રાજ્યભરમાંથી આવેલા પોલીસ ખેલાડીઓમાં ભારે ઉત્સાહ જોવા મળી રહ્યો છે.
રાજ્યભરના 26 જિલ્લાઓની પોલીસ ટીમોની સહભાગિતા
આ રાજ્યકક્ષાની સ્પર્ધામાં ગુજરાતભરના 26 જેટલા જિલ્લાઓની પોલીસ ટીમોના પરાક્રમી ખેલાડીઓએ ઉત્સાહભેર જોડાણ નોંધાવ્યું છે. પોલીસકર્મીઓમાં શારીરિક તંદુરસ્તી (ફિટનેસ), ટીમ સ્પિરિટ અને પરસ્પર ભાઈચારેની ભાવના વધુ દ્રઢ બને તેવા મુખ્ય ઉદ્દેશ્ય સાથે આ ભવ્ય સ્પર્ધાનું આયોજન કરવામાં આવ્યું છે.
