જૂનાગઢ જિલ્લાના માળીયા હાટીના વિસ્તારમાંથી ધરતીકંપના સમાચાર સામે આવ્યા છે. મળતી માહિતીમુજબ માળીયા હાટીના અને તેની આસપાસના ગ્રામ્ય વિસ્તારોમાં અચાનક જ ભૂકંપના હળવા આંચકા અનુભવાયા હતા, જેના કારણે સ્થાનિક રહીશોમાં અફરાતફરી મચી ગઈ હતી.
15 મિનિટમાં બે વખત ધરતી ધ્રૂજી
આશ્ચર્યજનક બાબત એ રહી કે માત્ર 15 મિનિટના ટૂંકા ગાળામાં જ બે વખત ધરતી ધ્રૂજવાનો અહેસાસ થયો હતો. આ આંચકાની સૌથી વધુ અસર માળીયા હાટીના તેમજ અકાળા, જલધર સહિતના આસપાસના ગામોમાં જોવા મળી હતી. વારંવાર થયેલા આંચકાના કારણે પંથકના લોકોમાં ભારે દહેશત ફેલાઈ ગઈ હતી.