જૂનાગઢ જિલ્લામાં મેઘરાજાની મહેર યથાવત જોવા મળી રહી છે. જિલ્લાના કેશોદ ગ્રામ્ય વિસ્તારમાં સારો વરસાદી માહોલ જામ્યો છે, જેના કારણે લાંબા સમયથી ગરમી અને ઉકળાટ અનુભવતા લોકોને મોટી રાહત મળી છે. સમગ્ર પંથકમાં વરસાદને પગલે આહ્લાદક ઠંડક પ્રસરી ગઈ છે.
અજાબ અને શેરગઢ સહિતના વિસ્તારોમાં વરસાદ
કેશોદના અજાબ, શેરગઢ તેમજ આસપાસના અનેક ગ્રામ્ય વિસ્તારોમાં મેઘરાજાએ હેત વરસાવ્યું છે. અચાનક બદલાયેલા હવામાન અને વરસાદી ઝાપટાંના કારણે ગ્રામ્ય માર્ગો પર પાણી ફરી વળ્યા હતા અને વાતાવરણમાં ઠંડક છવાઈ ગઈ હતી.
