પંચમહાલ જિલ્લાના શહેરા નગર તેમજ આસપાસના ગ્રામ્ય વિસ્તારોમાં મોટા પાયે વીજ ચોરી થતી હોવાની ફરિયાદો મધ્ય ગુજરાત વિજ કંપની લિમિટેડ (MGVCL) ના ઉચ્ચ અધિકારીઓને મળી રહી હતી. આ ફરિયાદોના આધારે વીજ કંપનીએ આક્રમક વલણ અપનાવીને દરોડાનું આયોજન કર્યું હતું.
પંચમહાલના શહેરામાં MGVCL ની કડક કાર્યવાહી
સોમવારે વહેલી સવારે ગોધરા, લુણાવાડા અને હાલોલ વિભાગની 39 જેટલી સંયુક્ત વીજ ચેકિંગ ટીમોએ સ્થાનિક પોલીસ બંદોબસ્ત સાથે શહેરા શહેર તેમજ તાલુકાના ૨૫ થી વધુ ગામોમાં એકસાથે ઓચિંતું ચેકિંગ હાથ ધર્યું હતું. વીજ કંપનીની ટીમોએ શહેરા સિટી ઉપરાંત સાદરા, તરસંગ, ભુરખલ, નાડા, વાઘજીપુર, વાડી સહિતના અનેક અંતરિયાળ ગામોમાં ઘરેલુ, વ્યાપારી અને ખેતી વિષયક વીજ જોડાણોનું ઝીણવટભર્યું નિરીક્ષણ કર્યું હતું. આ તપાસ દરમિયાન ડાયરેક્ટ લંગરિયા નાખીને તેમજ મીટરમાં ગેરરીતિ કરીને વીજ ચોરી કરવામાં આવતી હોવાનું સામે આવ્યું હતું.