ગુજરાતના ઐતિહાસિક અને પ્રકૃતિથી સભર એવા પોરબંદરના દરિયા કિનારેથી એક અત્યંત મનમોહક અને અદ્ભુત નજારો સામે આવ્યો છે. ચોમાસાના પ્રારંભિક વરસાદી માહોલ વચ્ચે પોરબંદરના અરબી સમુદ્રમાં એકસાથે અનેક ડોલ્ફિનો સ્વેચ્છાએ વિહાર કરતી જોવા મળી છે. આ આહલાદક દ્રશ્ય સ્થાનિક માછીમારો અને સહેલાણીઓ માટે ભારે આકર્ષણનું કેન્દ્ર બન્યું છે.
એકસાથે 8 થી 10 ડોલ્ફિનોનું ઝુંડ નજરે ચડ્યું
પ્રાપ્ત વિગતો અનુસાર, પોરબંદરના દરિયામાં એક બે નહીં પરંતુ આખી 8 થી 10 ડોલ્ફિનોનું એક મોટું ઝુંડ નજરે પડ્યું હતું. આ ડોલ્ફિનો સમુદ્રના મોજાંઓ સાથે તાલ મિલાવીને ઊંચા-ઊંચા કૂદકા મારી રહી હતી. સામાન્ય રીતે ડોલ્ફિન જેવા જીવો દરિયાના શાંત અને ઊંડા પાણીમાં રહેવાનું પસંદ કરે છે, પરંતુ પોરબંદરના કિનારે તેમનું આ પ્રકારે લાઈવ પરફોર્મન્સ જોવા મળવું એ પ્રકૃતિ પ્રેમીઓ માટે એક વિરલ લહાવો સાબિત થયો છે.