વડોદરા જિલ્લાના વાઘોડીયા વિસ્તારમાંથી એક ચિંતાજનક અને દુઃખદ સમાચાર સામે આવ્યા છે. વાઘોડીયાના રામેશરા વિસ્તાર પાસેથી પસાર થતી નર્મદા કેનાલના કિનારે આ ઘટના બની હતી. પ્રાપ્ત વિગતો અનુસાર, માનકાર જંગલિયા નામના આધેડ વ્યક્તિ કેનાલની આસપાસથી પસાર થઈ રહ્યા હતા તે દરમિયાન પાણી પીવા માટે કેનાલના કાંઠે ગયા હતા.
પગ લપસી જતાં ઊંડા પાણીમાં ગરકાવ થયા આધેડ
કેનાલના કાંઠે પાણી પીવા અથવા હાથ ધોવા માટે ગયા તે વેળાએ અચાનક તેમનો પગ લપસી ગયો હતો. પગ લપસી જવાની આ દુર્ઘટનાના કારણે તેઓ સીધા જ કેનાલના પૂરઝડપે વહેતા ઊંડા પાણીમાં ગરકાવ થઈ ગયા હતા. પાણીના ભારે પ્રવાહના કારણે તેઓ તણાઈને ગુમ થઈ ગયા છે. ઘટનાની જાણ થતાં જ આસપાસના વિસ્તારમાં અને પરિવારજનોમાં દોડધામ મચી ગઈ હતી.