વાવ-થરાદ જિલ્લાના થરાદમાં સોશિયલ મીડિયા ક્રિએટર ભલા પટેલ સાથે મારામારી થઈ હોવાના આક્ષેપથી વિવાદ સર્જાયો છે. સોશિયલ મીડિયા પર વીડિયો બનાવવાની બાબતે સમગ્ર વિવાદ શરૂ થયો હોવાનો ભલા પટેલે દાવો કર્યો છે. સમાજની એક મહિલાનો વીડિયો બનાવવાના મુદ્દે તેમની સાથે મારામારી કરવામાં આવી હોવાનો આક્ષેપ છે. ઘટનાને પગલે ભલા પટેલને સારવાર માટે થરાદની સરકારી હોસ્પિટલમાં દાખલ કરવામાં આવ્યા હતા.
મહિલાનો વીડિયો બનાવવાના મુદ્દે વિવાદ
ભલા પટેલના જણાવ્યા અનુસાર, સમાજની એક મહિલાનો વીડિયો બનાવવાના મામલે વિવાદ થયો હતો. આ બાબતે બોલાચાલી થયા બાદ તેમની સાથે મારામારી કરવામાં આવી હોવાનો તેમણે આક્ષેપ કર્યો છે. સોશિયલ મીડિયા પર વીડિયો બનાવવાની બાબતે શરૂ થયેલો વિવાદ હવે સ્થાનિક સ્તરે ચર્ચાનો વિષય બન્યો છે.
થરાદ સરકારી હોસ્પિટલમાં સારવાર
મારામારીના આક્ષેપ બાદ ભલા પટેલને થરાદની સરકારી હોસ્પિટલમાં સારવાર માટે ખસેડવામાં આવ્યા હતા. હોસ્પિટલમાં તેમની સારવાર ચાલી રહી હતી ત્યારે થરાદના પૂર્વ ધારાસભ્ય અને જિલ્લા કોંગ્રેસ પ્રમુખ ગુલાબસિંહ રાજપૂત પણ તેમની ખબરઅંતર પૂછવા પહોંચ્યા હતા.
ગુલાબસિંહ રાજપૂતે કાર્યવાહીની માગ કરી
ગુલાબસિંહ રાજપૂતે હોસ્પિટલની મુલાકાત દરમિયાન ભલા પટેલ સાથે બનેલી ઘટના અંગે માહિતી મેળવી હતી. તેમણે મારામારી કરનારા સામે કાયદેસરની કાર્યવાહી કરવાની માગ કરી હતી. આ મામલે જવાબદારો સામે યોગ્ય પગલાં લેવામાં આવે તેવી રજૂઆત પણ કરી હતી.
સોશિયલ મીડિયા પર હજારો ફોલોઅર્સ
ભલા પટેલ સોશિયલ મીડિયા પર ક્રિએટર તરીકે જાણીતા છે. તેમના ઇન્સ્ટાગ્રામ એકાઉન્ટ પર 13 હજારથી વધુ ફોલોઅર્સ છે, જ્યારે ફેસબુક પર 7 હજારથી વધુ ફોલોઅર્સ છે. વીડિયો બનાવવાના વિવાદ બાદ તેમની સાથે મારામારી થઈ હોવાના આક્ષેપથી થરાદમાં આ મુદ્દો ચર્ચામાં આવ્યો છે.
આ પણ વાંચો : Explainer : અમેરિકાનું આકાશ અચાનક કેમ થંભી ગયું? એક ખામીથી હજારો ફ્લાઇટ્સ ગ્રાઉન્ડેડ, ભારતની હવાઈ વ્યવસ્થા કેટલી સુરક્ષિત?