દક્ષિણ ગુજરાતમાં ચોમાસાની સિસ્ટમ સંપૂર્ણપણે સક્રિય થતાં જ નવસારી જિલ્લામાં મેઘરાજાએ ધમાકેદાર ઇનિંગ શરૂ કરી છે. છેલ્લા કેટલાક દિવસોથી જિલ્લાના અલગ-અલગ તાલુકાઓમાં વરસી રહેલા અવિરત વરસાદના કારણે પંથકના જળાશયો અને નદીઓમાં વ્યાપક પરિવર્તન જોવા મળી રહ્યું છે. ઉનાળાના આકરા તાપમાં જે નદીઓ પથરાળ અને ખાલીખમ દેખાતી હતી, તે નદીઓ હવે કાળાડિબાંગ વાદળોની છાયામાં હરિયાળી ચાદર ઓઢીને જીવંત બની ગઈ છે.
નવસારી જિલ્લામાં મેઘરાજાએ ધમાકેદાર ઇનિંગ
https://twitter.com/sandeshnews/status/2072903319883014148
ત્રણ મુખ્ય નદીઓમાં ઘોડાપૂર જેવી સ્થિતિ
નવસારી જિલ્લાની મુખ્ય ગણાતી અંબિકા, પૂર્ણા અને કાવેરી નદીમાં ઉપરવાસના ડાંગ અને વાંસદા પંથકમાંથી પૂરના નવા નીરની સમાંતર આવક થઈ છે. નદીઓનું જળસ્તર વધતાં કિનારાના ડૂબાણવાળા કોઝવે અને ચેકડેમો પરથી પાણી વહેતા થયા છે. જોકે આ વરસાદ હજુ સુધી આફતરૂપ સાબિત થયો નથી, પરંતુ લાંબા સમય બાદ નદીઓમાં આટલું શુદ્ધ અને મનમોહક પાણી આવતાં સ્થાનિક લોકમાતાઓના દર્શન કરવા માટે લોકો ઉમટી રહ્યા છે.