મોરબીને મહાપાલિકા બનાવ્યા બાદ મનપા તંત્ર દ્વારા શહેરમાં ટ્રાફિક સમસ્યા ઉકેલવા કટિબદ્ધ છે. મોરબીવાસીઓ માટે ટ્રાફિકનો પ્રશ્ન મુખ્ય છે. ત્યારે શહેરના મુખ્ય માર્ગો પર ખડકી દેવામાં આવેલ દબાણો હટાવવામાં આવી રહ્યા છે. આજે મોરબીમાં શોભેશ્વર રોડ પર દબાણ હટાવવાની કામગીરી તેજ કરવામાં આવી છે.
મોરબી મનપા કમિશ્નરના માર્ગદર્શન હેઠળ આજે શોભેશ્વર રોડ પર દબાણ હટાવવામાં આવ્યા હતા. પોલીસના ચુસ્ત બંદોબસ્ત સાથે મનપાની દબાણ હટાવો ઝુંબેશ પુરજોશમાં ચાલી રહી છે. રોડ સાઈડમાં આવેલ લારી ગલ્લા અને પતરા સહિતના દબાણો દૂર કરી રોડ ખુલ્લો કરવામાં આવ્યો હતો. રસ્તાઓ પરના તમામ દબાણો દુર કરવામાં આવશે તેમ કમિશ્નર ખરેએ જણાવ્યું હતું તેમજ દબાણ હટાવવા પૂર્વે જાણ કરવામાં આવી રહી છે. જેથી નાગિરકો સ્વેચ્છાએ પોતાના દબાણો હટાવી રહ્યા હોવાનું જણાવ્યું હતું.
