- ઓમકારેશ્વર મંદિરથી 1.13 કિ.મી.નો રોડ કોન્ટ્રાક્ટરના ખર્ચે ફરી બનાવવા માગ
- સાડા પાંચ કરોડના ખર્ચે રોડ બનાવ્યો પણ લેવલના જ ઠેકાણા નહીં
- રોડના સ્પાનનું લેવલ પણ ઊંચુ - નીચું હોવાથી ચોમાસામાં વરસાદી પાણી ભરાવાની શક્યતા
AMC દ્વારા રૂ. 5 કરોડ, 63 લાખના ખર્ચે શહેરના ઉત્તર- પશ્ચિમ ઝોનના જોધપુર વોર્ડમાં ઓમકારેશ્વર મંદિરથી સૈનિક પેટ્રોલ પંપ સુધીના 1.13 કિ.મી.નો વ્હાઈટ ટોપિંગ રોડ બનાવવા માટેની કામગીરી કોન્ટ્રાક્ટર બી. આર. ગોયલને સોંપવામાં આવી હતી. આ વ્હાઈટ ટોપિંગ રોડની કામગીરીમાં અપ અને ડાઉનનું લેવલ જાળવવામાં આવ્યું નથી. રોડના સ્પાનનું લેવલ પણ ઊંચુ - નીચું હોવાથી ચોમાસામાં વરસાદી પાણી ભરાવાની શક્યતાને પગલે નાગરિકોને હાલાકીનો સામનો કરવો પડે તેવી શક્યતા છે.
આ વ્હાઈટ ટોપિંગ રોડ બનાવવાનો ખર્ચ વ્યર્થ ગયો હોવાનું અને કોન્ટ્રાક્ટરની કથિત બેદરકારી હોવાનો વિપક્ષી નેતાએ આક્ષેપ કરવા સાથે આ કામગીરીમાં વિજિલન્સ તપાસ કરાવવા માટે AMC કમિશનર એમ. થેન્નારસન સમક્ષ લેખિત માગણી કરી છે.
