હાલમાં ગુજરાતના રાજકારણમાં એક નવી ચર્ચાએ જોર પકડ્યું છે. શું લોકપ્રિય લોકકલાકાર દેવાયત ખવડ ભારતીય જનતા પાર્ટીમાં જોડાવાનો છે? તાજેતરમાં ખવડના મામા રામકું કરપડાએ આ બાબતે એક નિવેદન આપતાં આ અફવાઓને વધુ વેગ મળ્યો છે. રામકું કરપડાના જણાવ્યા મુજબ દેવાયત ખવડ છેલ્લા બે વર્ષથી ભાજપમાં જોડાવા માટે પ્રયાસ કરી રહ્યો છે. રામકું કરપડાએ કહ્યું કે દેવાયત ખવડના ભાજપના અનેક મોટા નેતાઓ સાથે સારા સંબંધો છે અને તે લાંબા સમયથી રાજકારણમાં પ્રવેશવા ઈચ્છે છે.
દેવાયત ખવડ ભાજપમાં જોડાય તેવી સંભાવના
આ નિવેદનથી સ્પષ્ટ થાય છે કે દેવાયત ખવડની રાજકીય મહત્વકાંક્ષા છે અને તે આવનારી વિધાનસભાની ચૂંટણી લડવાની તૈયારી કરી રહ્યો છે. જોકે આ બાબતે ખુદ દેવાયત ખવડ તરફથી કોઈ સત્તાવાર નિવેદન આવ્યું નથી. તેના મામાનું નિવેદન તેના નજીકના સંબંધી તરફથી આવેલો એક ખુલાસો છે. ભાજપના નેતાઓ સાથેના તેમના સંબંધો અને રાજકારણમાં પ્રવેશવાની તેમની ઈચ્છા આ બધું સૂચવે છે કે દેવાયત ખવડનું રાજકારણમાં આગમન શક્ય છે.