અમદાવાદ મ્યુનિસિપલ કોર્પોરેશન (AMC) ના ટેક્ષ વિભાગની લાલિયાવાડી અને ઢીલી કામગીરી સામે આવી છે. સમગ્ર શહેરમાં મિલકત વેરાના બિલ પહોંચાડવાની કામગીરી અત્યંત ગોકળગતિએ ચાલી રહી છે. ખુદ ટેક્ષ કમિટીના ચેરમેન મુકેશ પટેલના પોતાના ઝોનમાં પણ ટેક્સ બિલનું વિતરણ ઓછું થયું હોવાનું સામે આવ્યું છે, જેના કારણે મનપાની કામગીરી સામે સવાલો ઉભા થયા છે.
2.65 લાખથી વધુ ટેક્સ બિલનું વિતરણ હજુ પણ લટકેલું
અમદાવાદ શહેરમાં મિલકતધારકો માટે કુલ 26 લાખ 51 હજાર 178 બિલ જનરેટ કરવામાં આવ્યા છે. જોકે, મનપાના કચેરી તંત્રની બેદરકારીના કારણે હજુ સુધી કુલ બિલના 10 ટકા જેટલા બિલ વિતરણ થવાના બાકી છે. શહેરમાં હજુ પણ 2 લાખ 77 હજાર 935 જેટલા બિલ કરદાતાઓ સુધી પહોંચાડવાના બાકી હોવાથી નાગરિકોમાં અસંતોષ ફેલાયો છે.