અમદાવાદ શહેરમાં માનવતાને શરમસારે તેવી એક કાળજું કંપાવી દેનારી ઘટના સામે આવી છે. ચાંદખેડા વિસ્તારમાં એક સાવકા પિતાએ પોતાની જ 17 વર્ષીય સગીર પુત્રી સાથે અડપલાં કરીને પવિત્ર સંબંધને લજવ્યો છે. આ ચોંકાવનારી ઘટના પ્રકાશમાં આવતા જ સમગ્ર પંથકમાં અરેરાટી વ્યાપી ગઈ છે અને પરિવારમાં ભારે ખળભળાટ મચી ગયો છે.
માતાને જાણ થતાં જ પિતા વિરુદ્ધ કાનૂની બ્યુગલ ફુંકાયું
આ નરાધમ પિતાની કરતૂત અંગે જ્યારે સગીરાએ પોતાની સગી માતાને આપવીતી જણાવી, ત્યારે સમગ્ર બનાવનો પર્દાફાશ થયો હતો. પોતાની દીકરી સાથે થયેલા અન્યાય અને અત્યાચાર સામે માતાએ સહેજ પણ ઝૂક્યા વિના હિંમત દાખવી હતી. માતાએ દીકરીને ન્યાય અપાવવા માટે તાત્કાલિક પોલીસનો સંપર્ક કરવાનો નિર્ણય લીધો હતો અને મામલો પોલીસ મથકે પહોંચ્યો હતો.