અમદાવાદ શહેરના કાગડાપીઠ પોલીસ સ્ટેશન વિસ્તારમાં આવેલી ગીતામંદિર મોબાઇલ માર્કેટમાં પોલીસે ડુપ્લિકેટ મોબાઇલ અને એસેસરીઝ વેચવાના એક મોટા રેકેટનો પર્દાફાશ કર્યો છે. ગીતામંદિર એસ.ટી. બસ સ્ટેન્ડ નજીક આવેલી મોબાઇલ માર્કેટમાં કાગડાપીઠ પોલીસ અને LCB ઝોન-6 ની ટીમે સંયુક્ત રીતે આ દરોડો પાડીને મોટા પ્રમાણમાં બનાવટી સેમસંગ બ્રાન્ડના મોબાઇલ ફોન કબ્જે કર્યા છે.
કુલ રૂ.7.07 લાખનો મુદ્દામાલ જપ્ત
દરોડા દરમિયાન વિવિધ દુકાનોમાંથી સેમસંગના ડુપ્લિકેટ લોગો વાળા શંકાસ્પદ મોબાઇલ ફોન અને વિના બિલની એસેસરીઝ મળી આવી હતી. પોલીસે સ્થળ પરથી 1,034 નંગ ડુપ્લિકેટ મોબાઇલ ફોન ઉપરાંત લેપટોપ, ચાર્જર, બેટરી અને કવર સહિત કુલ રૂ. 7,07,270 નો મુદ્દામાલ જપ્ત કર્યો છે. સેમસંગ કંપનીના અધિકૃત પ્રતિનિધિ દ્વારા સ્થળ પર ચકાસણી કરાતાં આ તમામ મોબાઇલ ફોન તદ્દન બોગસ અને ડુપ્લિકેટ હોવાનું નિશ્ચિત થયું હતું.
