માધવપુરામાંથી પકડાયેલ 2,300 કરોડના ક્રિકેટ સટ્ટાકાંડમાં એન્ફોર્સમેન્ટ ડિરેક્ટોરેટે હાથ ધરેલી તપાસમાં 300થી વધુ બેંક ખાતાઓમાં પડેલા રૂ.35.80 કરોડ જપ્ત કર્યા છે. અમદાવાદ ઝોનલ ઓફ્સિના એન્ફોર્સમેન્ટ ડિરેક્ટોરેટે (ED) એ 448 બેંકના ખાતાઓની પ્રાથમિક તપાસ કરી હતી, જેમાં નિર્દોષ વ્યકિતઓના બનાવટી દસ્તાવેજોના આધારે બેંકમાં ખાતાઓ ખોલવ્યા હતા. આ પછી મની ટ્રેલ અનુસરવામાં આવ્યો હતો, જેમાં 1 હજાર કરોડથી વધુના વ્યવહારો 995 બેંક ખાતાની તપાસમાં બહાર આવ્યુ હતુ. કરોડોના હવાલા સીજી રોડ ઉપર આવેલ શ્રોફ દ્વારા બેંકના ખાતામાં આવેલા નાણાં દુબઈ અને સિંગાપુર પાડવામાં આવતા હતા.
માધવપુરા વિસ્તારમાં આવેલી સુમેલ બિઝનેસ પાર્ક 6ના જે બ્લોકમાં 128 નંબરની મહાવીર એન્ટરપ્રાઈઝ નામની ઓફ્સિમાં દરોડા પાડીને રૂ.2300 કરોડથી વધુનો સૌથી મોટો ક્રિકેટ સટ્ટા રેકેટ પોલીસે પકડયુ હતુ. EDએ બેંકના 300 જેટલા ખાતાઓમાં બેલેન્સ શોધી કાઢયું છે અને રૂ.35.80 કરોડ જપ્ત કર્યા છે. તપાસમાં એક હજાર કરોડના હવાલા બહાર આવ્યા હતા.
