અમદાવાદ શહેરના સુરક્ષા માળખાને વધુ મજબૂત બનાવવાની દિશામાં પોલીસ તંત્ર દ્વારા મહત્વનો નિર્ણય લેવામાં આવ્યો છે. તાજેતરમાં કાર્યરત થયેલા નવનિયુક્ત મોટેરા પોલીસ સ્ટેશન ખાતે પોલિસ ઇન્સ્પેક્ટર (P.I.) તરીકે વી. આર. વીંછીની ફાળવણી કરવામાં આવી છે. શહેર પોલીસ કમિશનર કેચેરી દ્વારા આ અંગેનો સત્તાવાર ઓર્ડર જારી કરવામાં આવ્યો છે. આ નિમણૂક સાથે જ મોટેરા અને આસપાસના વિસ્તારોમાં કાયદો અને વ્યવસ્થાની સ્થિતિ વધુ સુદ્રઢ બનશે.

અનુભવી અધિકારીને સોંપાઈ મહત્વની જવાબદારી

મળતી વિગતો મુજબ, P.I. વી. આર. વીંછી આ પહેલાં અમદાવાદના અત્યંત વ્યસ્ત અને મહત્વના ગણાતા S.G.-1 (એસ.જી. હાઈવે-1) ટ્રાફિક પોલીસ મથક ખાતે પોતાની સેવાઓ આપી રહ્યા હતા. ટ્રાફિક નિયમન અને શાંતિ વ્યવસ્થા જાળવવાનો તેમનો વિશાળ અનુભવ ધ્યાને રાખીને તંત્ર દ્વારા તેમની બદલી મોટેરા પોલીસ મથકે કરવાનો નિર્ણય લેવાયો છે. ટ્રાફિક વિભાગમાંથી હવે તેઓ વિસ્તારની કાયદો-વ્યવસ્થા અને ગુનાખોરી ડામવાની સીધી જવાબદારી સંભાળશે.

મોટેરા વિસ્તારમાં ગુનાખોરી પર કસાશે સકંજો

મોટેરા વિસ્તારમાં ક્રિકેટ સ્ટેડિયમ તેમજ વધતી જતી વસ્તીને કારણે સુરક્ષા વ્યવસ્થા અત્યંત સંવેદનશીલ અને મહત્વપૂર્ણ બની રહે છે. નવનિયુક્ત મોટેરા પોલીસ સ્ટેશનમાં અનુભવી P.I. વી. આર. વીંછીની posting થતાં જ વિસ્તારમાં ગુનાહિત પ્રવૃત્તિઓ પર લગામ કસાશે તેવી આશા વ્યક્ત કરવામાં આવી રહી છે. નવા P.I. ટૂંક સમયમાં જ પોતાનો પદભાર સંભાળીને વિસ્તારમાં પેટ્રોલીંગ અને નાઇટ ચેકિંગ સહિતની કામગીરીને વેગ આપશે.

આ પણ  વાંચો : Gandhinagar News : ભરવાડ યુવા સંગઠનનો મેગા રાષ્ટ્રીય કાર્યક્રમ, 211 યુવાનોને જેસીબી મશીન આપી પૂરું પડાશે સ્વરોજગારનું સપનું!