અમદાવાદમાં પ્રેમવતી રેસ્ટોરન્ટને AMCએ દંડ ફટકાર્યો છે, ગ્રાહકને એક્સપાયરી ડેટ વાળા થેપલા પધરાવી દીધા હતા જેના કારણે દંડ ફટકાર્યો છે, બેદરકારી મામલે AMCએ પ્રેમવતીને ફટકાર્યો દંડ અને શાહીબાગના પ્રેમવતી રેસ્ટોરન્ટનો વીડિયો થયો હતો વાયરલ, વીડિયો વાયરલ થતા AMCએ કરી હતી તપાસ અને તપાસમાં બેદરકારી જોવા મળતા 10 હજારનો દંડ ફટકાર્યો છે.
એક્સપાયરી ડેટ વાળા થેપલા ગ્રાહકને આપી દેવામાં આવ્યા
શાહીબાગમાં આવેલ BAPS સંચાલિત પ્રેમવતીમાં ગ્રાહકને ફુગવાળા અને એકસ્પાયરી ડેટના થેપલા પધરાવી દેવાનો વીડિયો વાયરલ થતાં ફરી વિવાદ સર્જાયો છે. ફુગવાળા અને એકસ્પાયરી ડેટના થેપલા અપાતા ગ્રાહકે ફુગવાળા થેપલા પરત આપતો વિડીયો વાયરલ કરતાં AMC હેલ્થ- ફુડ વિભાગ દ્વારા પ્રેમવતી ઉપાહાર ગૃહને રૂ.10 હજારનો દંડ ફટકાર્યો છે. અગાઉ, એક ગ્રાહકે પ્રેમવતી રેસ્ટોરેન્ટમાં ખાદ્ય પદાર્થમાં વંદો નીકળવાની ફરિયાદ કરતો વિડીયો વાયરલ થવાને પગલે AMC ફુડ વિભાગે પ્રેમવતી ઉપાહાર ગૃહ, રેસ્ટોરેન્ટને સીલ માયું હતું.
ગ્રાહકે ફુગ વાળા થેપલાનો વીડિયો વાયરલ કર્યો હતો
શાહીબાગ વિસ્તારમાં આવેલા સ્વામિનારાયણ મંદિર (BAPS)દ્વારા સંચાલિત પ્રેમવતી રેસ્ટોરન્ટમાં તા.7 ઓગસ્ટ એટલે કે બે દિવસ પહેલાં થેપલા લેવા ગયેલા એક ગ્રાહકને ફુગવાળા અને એકસ્પાયરી ડેટના થેપલા હોવાનું જોવા મળ્યું હતું. AMC ફુડ વિભાગ દ્વારા મોલ, ગૃહ મંડળીઓમાં વેચાતી ખાઘ ચીજોના પેકિંગ સાથે ચેડાં કરાયા છે કે નહીં, મેન્યુફેક્ચરિંગ ડેટ, એક્સ્પાયરી ડેટ મૂળભૂત વિગતો છૂપાવવા સ્ટીકર લગાવાયા છે કે નહીં, તે પણ તપાસવું જોઈએ. પરંતુ AMC ફુડ વિભાગ આવી બાબતોનું ચેકિંગ જ કરતો નથી.
