દુષ્કર્મનો આરોપી આસારામને મેડિકલ ચેકઅપ માટે આજે પોલીસ બંદોબસ્ત સાથે અસારવા સિવિલ હોસ્પિટલ લવાયો હતો. સિવિલમાં તેનું મેડિકલ ચેકઅપ શરૂ કરવામાં આવ્યું છે. આસારામને સિવિલમાં લાવવામાં આવ્યો ત્યારે ઓપીડીમાં લોકો માટે પ્રવેશ બંધ કરાયો હતો અને પોલીસનો બંદોબસ્ત ગોઠવી દેવાયો હતો. સિવિલ હોસ્પિટલમાં આસારામને વીવીઆઈપી સુવિધાઓ આપવામાં આવી છે.


સિવિલ હોસ્પિટલમાં આસારામને VVIP સુવિધાઓ

દુષ્કર્મના કેસમાં દોષિત આસારામને સિવિલ લવાયો તે પહેલા તેને ઈન્દોરની હોસ્પિટલમાં દાખલ કરાયો હતો. આસારામને સિવિલ હોસ્પિટલમાં નવી વ્હીલચેરમા બેસાડીને લઈ જવાયો હતો. તેના બેડ પર નવી ચાદર પાથરવામાં આવી હતી. તેને લાવવામાં આવ્યો ત્યારે હોસ્પિટલના સ્ટાફને બે કલાક સુધી ગેટ પાસે ઉભો કરી દેવાયો હતો. તેના બ્લડ રીપોર્ટ અને ઈસીજીનો રીપોર્ટ પણ કરવામાં આવ્યો હતો. આસારામ હાલમાં વચગાળાના જામીન પર બહાર છે. તે પર્સનલ સિક્યુરિટી સાથે હોસ્પિટલમાં દાખલ થયો છે.

Also Read

13 નંબરની ઓપીડીમાં મેડિકલ ચેકઅપ

અમદાવાદની અસારવા સિવિલમાં 13 નંબરની ઓપીડીમાં મેડિકલ ચેકઅપ માટે આસારામને લઈ જવામાં આવ્યો હતો. તેના માટે બહારથી બેડ મંગાવવામાં આવ્યો હોવાનું પણ સુત્રોએ જણાવ્યું હતું. તેની હૃદય સંબંધિત બીમારીઓની તપાસ માટે યુએન મહેતામાં પણ લઈ જવાય તેવી શક્યતાઓ સુત્રો દ્વારા વ્યક્ત કરાઈ છે. બીમારીઓને કારણે આસારામને જામીન આપવામાં આવ્યા છે.


  • Follow us on: