શહેરમાં ફરી દબાણ હટાવવા માટેની કામગીરી ઝડપી કરવામાં આવી છે. જેમાં વિવિધ વિસ્તારોમાં નડતર રૂપ દબાણ અને રોડની આસપાસના દબાણ હટાવવામાં આવ્યા છે.
જેમાં પૂર્વ ઝોનના વસ્ત્રાલમાં સુરધરા સોસાયટીના રોડ પર 12 મીટરના ટીપી રોડ પરથી નડતર રૂપ 25 ઓટલા, 12 પગથીયા, 4 રેમ્પ અને 14 ક્રોસવોલ હટાવવાની કામગીરી કરવામાં આવી છે. આ માટે લાંબા સમયથી નોટિસ ફાળવવામાં આવી હતી. આ સાથે જ વિરાટનગરમાં બિન અધિકૃત બાંધકામ દૂર કરીને રૂ.50 હજારનો દંડ વસુલવામાં આવ્યો છે. જેના સાથે જ રસ્તા પર દબાણ ઉભા કરતાં અને ગેરકાયદે પાર્ક કરેલા 36 વાહનોને લોક મારીને રૂ.13,900 અને અન્ય વહીવટી દંડ સાથે રૂ.71,900 વસુલવામાં આવ્યા છે.
