અમદાવાદ ગ્રામ્ય વિસ્તારમાં નળસરોવર પોલીસે એક મોટી કાર્યવાહી કરી છે. વિરમગામ તાલુકાના નળકાંઠા વિસ્તારમાં આવેલા વાસણ ગામમાં મોટા પાયે જુગારધામ ચાલતું હોવાની ચોક્કસ બાતમી પોલીસને મળી હતી. આ બાતમીના આધારે વિરમગામ નળસરોવર પોલીસ મથકના સ્ટાફે વાસણ ગામમાં ઓચિંતો દરોડો (રેડ) પાડ્યો હતો. પોલીસની આ અચાનક કાર્યવાહીથી જુગાર રમી રહેલા તત્વોમાં ભારે નાસભાગ અને અફરાતફરી મચી ગઈ હતી.
પોલીસે રૂ.1,12,570નો મુદ્દામાલ કર્યો જપ્ત
પોલીસે જુગારધામને ચારેય તરફથી ઘેરી લઈને પત્તા ટીંચતા કુલ 15 જુગારીઓને રંગેહાથ ઝડપી પાડ્યા હતા. દરોડા દરમિયાન પોલીસે ઘટનાસ્થળેથી જુગારના સાહિત્ય સહિત કુલ રૂપિયા 1,12,570ની રોકડ રકમ અને અન્ય મુદ્દામાલ સત્તાવાર રીતે જપ્ત (કબ્જે) કર્યો છે. નળકાંઠાના ગ્રામ્ય વિસ્તારમાં આટલી મોટી સંખ્યામાં જુગારીઓ પકડાતા સ્થાનિક સ્તરે ભારે ચકચાર જાગી છે.