અમદાવાદ શહેરના જુહાપુરા અને વેજલપુર વિસ્તારમાં આતંક મચાવનાર ગુનાહિત ટોળકીઓ સામે અમદાવાદ પોલીસે લાલ આંખ કરી છે. LCB ઝોન-7ની ટીમે એક મોટી સફળતા મેળવીને કુખ્યાત બાબુ કાલીયા ગેંગના મોસ્ટ વોન્ટેડ સાગરીતને દબોચી લીધો છે. ગંભીર ગુનાઓમાં સંડોવાયેલો આ આરોપી છેલ્લા બે મહિનાથી પોલીસને સરપંચ આપીને નાસતો-ફરતો હતો, જેને આખરે બાતમીના આધારે પોલીસે ઝડપી પાડ્યો છે.
વેજલપુરથી રોઝાનખાન ઉર્ફે શેજાન પઠાણની ધરપકડ
LCB ઝોન-7ની ટીમને ચોક્કસ ખાનગી બાતમી મળી હતી કે ગુજટોક (GUJCTOC) અને હત્યાના પ્રયાસના ગુનામાં ફરાર આરોપી વેજલપુર વિસ્તારમાં આવી રહ્યો છે. જેના આધારે ટીમે વોચ ગોઠવીને બાબુ કાલીયા ગેંગના સાગરીત રોઝાનખાન ઉર્ફે શેજાન પઠાણને કોર્ડન કરીને ઝડપી પાડ્યો હતો. આરોપી સામે વેજલપુર પોલીસ સ્ટેશનમાં અગાઉ ગુનો નોંધાયેલો હતો અને તે છેલ્લા બે મહિનાથી પોલીસ પકડથી દૂર હતો.