બાપુનગરમાં રહેતી 36 વર્ષીય યુવતી હોસ્પિટલમાં એકાઉન્ટન્ટ તરીકે નોકરી કરે છે. યુવતી લગ્ન કરવા છોકરાની શોધમાં હતી. ગત 20 નવેમ્બરે તે ઇન્સ્ટાગ્રામમાં સફ્રીંગ કરતી વખતે જાહેરાત જોઇ હતી.
તેમાં આપેલી લીંક ઓપન કરતા યુવતીને વોટ્એસપ મેસેજ આવ્યો હતો. જેમાં મેસેજ કરનાર શખ્સે પોતાનું નામ રવિ શર્મા અને પોતે ઓસ્ટ્રેલીયામાં રહેતો હોવાનું જણાવ્યુ હતુ. તેમજ આઇકાર્ડ પણ વોટ્સએપમાં મોકલ્યુ હતુ. જેથી યુવતીને વિશ્વાસ આવતા તેને રવિ સાથે વાતો શરૂ કરી હતી. તેમજ રવિએ તેની પત્નીનું અકસ્માતમાં મોત થયુ છે અને 9 મહિનાની પુત્રી છે કહીને ઇમોશનલ વાતો કરી હતી. જેથી યુવતીને લાગણી થતા વાત કરવાની ચાલુ રાખી હતી. બાદમાં રવિએ લગ્ન માટે વાત કરતા યુવતીએ તેના સંબંધીને આ અંગે જાણ કરતા આવા લોકોથી દૂર રહેવાની સલાહ આપી હતી. જેથી યુવતીએ વાત કરવાનું બંધ કરી દીધુ હતું. જેથી તેણે બીજા નંબરથી મેસેજ કર્યો હતો.
