ગુજરાતના બે મોટા મહાનગરો અમદાવાદ અને રાજકોટમાં હવાની ગુણવત્તા અંગે તદ્દન વિરોધાભાસી ચિત્ર સામે આવ્યું છે. એક તરફ મેગાસિટી અમદાવાદમાં હવાના પ્રદૂષણમાં ચિંતાજનક વધારો નોંધાયો છે અને શહેરના મોટાભાગના વિસ્તારોમાં એર ક્વોલિટી ઈન્ડેક્સ (AQI) 150ના આંકને પાર કરી ગયો છે, તો બીજી તરફ રંગીલા રાજકોટમાં પ્રદૂષણના સ્તરમાં મોટો ઘટાડો થતાં શહેરીજનોને મોટી રાહત મળી છે.
સોલા અને ચાંદખેડા સૌથી વધુ પ્રદૂષિત
અમદાવાદના વિવિધ વિસ્તારોમાં નોંધાયેલા AQIના આંકડા દર્શાવે છે કે શહેરની હવા 'મધ્યમ' થી 'ખરાબ' શ્રેણી તરફ આગળ વધી રહી છે.સોલા 189 AQI (શહેરમાં સૌથી વધુ પ્રદૂષિત),ચાંદખેડા 181 AQI,મણિનગર 170 AQI,આનંદનગર 165 AQI,બોપલ 161 AQI,ઇસનપુર 150 AQI,અમદાવાદમાં વધતા જતા પ્રદૂષણને કારણે શ્વસનતંત્રની બીમારી ધરાવતા દર્દીઓ, બાળકો અને વૃદ્ધોને સાવચેતી રાખવાની સલાહ આપવામાં આવી છે.