ડિજિટલ સંદીપ એકેડેમી (DSA)દ્વારા અમદાવાદના પંડિત દીનદયાળ ઉપાધ્યાય ઓડિટોરિયમ ખાતે ગુજરાતના સૌથી મોટા યુવા કેન્દ્રિત કોન્વોકેશન અને સન્માન સમારોહ પૈકીના એક એવા DSA Convocation 2026નું સફળ આયોજન કરવામાં આવ્યું હતું. આ ભવ્ય સમારોહમાં 1,500થી વધુ વિદ્યાર્થીઓ, ઉદ્યોગસાહસિકો, ફ્રીલાન્સર્સ, ડિજિટલ ક્રિએટર્સ, શિક્ષણવિદો, ઉદ્યોગ નિષ્ણાતો, બિઝનેસ લીડર્સ અને વિવિધ ક્ષેત્રોના વ્યાવસાયિકોએ ઉત્સાહભેર ભાગ લીધો હતો.
કારકિર્દી ઉત્કૃષ્ટતાની ઉજવણીનું અનોખું મંચ
આ કાર્યક્રમ શિક્ષણ, સિદ્ધિ, નવીનતા અને કારકિર્દી ઉત્કૃષ્ટતાની ઉજવણીનું અનોખું મંચ બન્યો હતો. ડિજિટલ સંદીપ એકેડેમીની યુવાનોને પ્રેક્ટિકલ શિક્ષણ, આર્ટિફિશિયલ ઇન્ટેલિજન્સ (AI),ડિજિટલ માર્કેટિંગ, ઉદ્યોગસાહસિકતા અને ઉદ્યોગ આધારિત કૌશલ્ય વિકાસ દ્વારા સશક્ત બનાવવાની પ્રતિબદ્ધતાનું પ્રતિબિંબ હતો. કાર્યક્રમમાં ગુજરાતભરના જાણીતા ડિજિટલ ક્રિએટર્સ, સોશિયલ મીડિયા ઇન્ફ્લુએન્સર્સ, ઉદ્યોગસાહસિકો, સ્ટાર્ટઅપ ફાઉન્ડર્સ, ફ્રીલાન્સર્સ, એલ્યુમ્નાઇ, બિઝનેસ લીડર્સ અને ઇન્ડસ્ટ્રી પ્રોફેશનલ્સ પણ ઉપસ્થિત રહ્યા હતા.