ગુજરાતના અમદાવાદ (Ahmedabad) શહેરમાં આવેલા વિશ્વના સૌથી મોટા ક્રિકેટ સ્ટેડિયમ એવા નરેન્દ્ર મોદી સ્ટેડિયમ (Narendra Modi Stadium) ખાતે યોજાનાર દિલજીત (Diljit) ના કોન્સર્ટને લઈને તડામાર તૈયારીઓ ચાલી રહી છે અને સ્ટેડિયમ ખાતેની તૈયારીઓ પૂર્ણતાના આરે પહોંચી છે. આ મેગા ઇવેન્ટ દરમિયાન કોઈપણ અનિચ્છનીય ઘટના ન બને તે માટે પોલીસ (Police) અને ફાયર વિભાગ (Fire Department) દ્વારા સંયુક્ત રીતે મોકડ્રિલ (Mock Drill) નું આયોજન કરવામાં આવ્યું હતું. મોકડ્રિલ દરમિયાન 44 એક્ઝિટ ગેટ (44 Exit Gates) સહિતની પ્રવેશ અને બહાર નીકળવાની તમામ વ્યવસ્થાઓની ગંભીરતાપૂર્વક ચકાસણી કરવામાં આવી હતી.
ફાયર વિભાગ દ્વારા ઇમરજન્સી સુવિધાઓની ચકાસણી
કોન્સર્ટમાં મોટી સંખ્યામાં ઉમટનારા દર્શકોની સલામતીને ધ્યાનમાં રાખીને ફાયર વિભાગ દ્વારા સ્ટેડિયમની ઇમરજન્સી સુવિધાઓ (Emergency Facilities), ફાયર સેફ્ટી સિસ્ટમ અને કટોકટીના સમયે બહાર નીકળવાના માર્ગોની વિગતવાર ચકાસણી કરવામાં આવી હતી. તંત્ર દ્વારા સ્પષ્ટ કરવામાં આવ્યું છે કે આ મોકડ્રિલ અને ચકાસણી દરમિયાન જો કોઈ ક્ષતિ કે જરૂરી સુધારા જણાય તો તે પૂર્ણ કર્યા બાદ જ ફાયર NOC (Fire NOC) આપવામાં આવશે.
