લાખો રૂપિયાના કથિત જીએસટી કૌભાંડમાં પકડાયેલ પત્રકાર મહેશ લાંગાની જામીન અરજી હાઈકોર્ટે ફગાવી દીધી છે. હાઈકોર્ટમાં EDએ જામીન નહીં આપવા રજૂઆત કરી હતી.ED દ્વારા દાખલ થયેલા કેસમાં મહેશ લાંગાને રાહત મળી નથી.


GST કૌભાંડ સહિત અનેક કેસના પત્રકાર વિરુદ્ધ આરોપ

પ્રાપ્ત વિગતો પ્રમાણે કરોડો રૂપિયાના કથિત જીએસટી કૌભાંડ અને અન્ય કેસોમાં સંડોવાયેલા આરોપી પત્રકાર મહેશ લાંગા સામે ફરિયાદ નોંધાઈ હતી અને ત્યાર બાદ તેની ધરપકડ કરવામાં આવી હતી. આરોપી વિરુદ્ધ જમીનના સોદાઓમાં ઘાલમેલ, લાખો રૂપિયા ઉપરાંતની બિન હિસાબી રોકડ રાખવા સહિતના આરોપો લાગ્યા છે. ત્યારે હાઈકોર્ટમાં તેણે જામીન મેળવવા અરજી કરી હતી.

Also Read

EDએ જામીન ન આપવા કરી હતી કોર્ટમાં રજૂઆત કરી

હાઈકોર્ટમાં તેની જામીન અરજીની સુનાવણીમાં EDએ મહેશ લાંગાને જામીન નહીં આપવા રજૂઆત કરી હતી. હાઈકોર્ટે દલીલો સાંભળ્યા બાદ મહેશ લાંગાની જામીન અરજી ફગાવી દીધી હતી. જેથી ED દ્વારા દાખલ થયેલા કેસમાં મહેશ લાંગાને કોઈ રાહત મળી નથી. મહેશ લાંગાની ધરપકડ ઑક્ટોબર 2024માં થઈ હતી.તે ઘણી વખત જામીન અરજી પણ મૂકી ચૂક્યો છે પરંતુ તેને હજી સુધી કોઈ રાહત મળી નથી.


  • Follow us on: