અષાઢી બીજના દિવસે નીકળનારી ઐતિહાસિક રથયાત્રા પૂર્વે આવતા જેઠ સુદ પૂનમના પવિત્ર દિવસે ભગવાન જગન્નાથ, ભાઈ બલભદ્ર અને બહેન સુભદ્રાજીની જળયાત્રા કાઢવાની વર્ષો જૂની પરંપરા છે. આ અંતર્ગત વડોદરા-અમદાવાદ સહિતના પ્રમુખ જગન્નાથ મંદિરોમાં જળયાત્રાને લઈને ભારે ઉત્સાહ જોવા મળી રહ્યો છે. મંદિરમાં ભક્તોની ભારે ભીડ વચ્ચે સવારથી જ મંત્રોચ્ચાર સાથે પૂજન વિધિ શરૂ થઈ ગઈ છે.
108 કળશની ભવ્ય શોભાયાત્રા
આ વર્ષે જળયાત્રાને વધુ ભવ્ય બનાવવા માટે 108 તાંબા-પિત્તળના કળશને કલાત્મક રીતે શણગારવામાં આવ્યા છે. આ કળશ લઈને સાધુ-સંતો અને હજારોની સંખ્યામાં પરંપરાગત વસ્ત્રોમાં સજ્જ બહેનો માથે કળશ ધારણ કરી ભુદર નદીના કિનારે પહોંચશે. ભુદર નદીના પવિત્ર તટે શાસ્ત્રોક્ત વિધિથી સમુદ્ર અને ગંગા મૈયાનું પૂજન કરી આ કળશમાં જળ ભરવામાં આવશે. આ જળયાત્રામાં રંગબેરંગી ધ્વજ-પતાકા, સુશોભિત નાના રથ અને બેન્ડવાજા મુખ્ય આકર્ષણ જમાવશે.
